Pilar Muñoz
| Pilar Muñoz | |
|---|---|
| Bizitza | |
| Jaiotza | Madril, 1911ko martxoaren 18a |
| Herrialdea |  Espainia |
| Heriotza | 1980ko urriaren 1a (69 urte) |
| Heriotza modua | berezko heriotza: minbizia |
| Familia | |
| Aita | Alfonso Muñoz |
| Anai-arrebak | ikusi
|
| Hezkuntza | |
| Hizkuntzak | gaztelania |
| Jarduerak | |
| Jarduerak | aktorea |
  | |
Pilar Muñoz Ruiz (Madril, Madrilgo Erkidegoa, 1911ko martxoaren 18a – Ibidem, 1980ko urriaren 1a) madrildar aktorea izan zen antzerkian, zineman eta telebistan.
Bizitza[aldatu | aldatu iturburu kodea]
Interpretazioan aritzen zen familia batean jaio zen, aktoreak baitziren Alfonso Muñoz aita, Mimí Muñoz ahizpa eta Vicky Lagos, Maria Jose Goyanes, Mara Goyanes eta Conchita Goyanes ilobak.[1][2]
Hamalau urterekin igo zen lehen aldiz oholtza baten gainera, 1925ean, Margarita Xirguaren konpainian. 1927an La princesa Bebé interpretatu zuen, eta 1931n Vidas cruzadas, Jacinto Benaventeren lanak, Xirgu eta bere aita ondoan zituela. Hiru urte geroago, egile beraren Ni al amor ni al mar film arrakastatsuenetako batean parte hartu zuen; 1934an, Meridako Jaialdian parte hartu zuen Medea eta Electra lanekin. Geroxeago, Federico Garcia Lorcaren Yerma (1934) estreinatu zuen, Maria, la fértil papera eginez. 1935eko ekainera arte aritu ziren Teatro Españolen, urte hartan Alejandro Casonaren Otra vez el diablo estreinatuz.[3]
Espainiako Gerra Zibilean Argentinara joan zen Lola Membrives eta Margarita Xirgu lagun zituela, eta Limako Antzoki Nazionaleko lehen aktore eta deklamazio irakaslea izan zen Txilen.[1] AEBko biran, La casa de Bernarda Alba (1945) estreinatu zuen Buenos Airesen.
1947an itzuli zen Espainiara, Juan José lanarekin, Manuel Dicentarekin batera. 1950ean Antonio Buero Vallejoren En la ardiente oscuridad lana estreinatu zuen José María Rodero eta Adolfo Marsillachekin batera, Luis Escobarrek zuzenduta. Hiru urte geroago, Madrugada-ren estreinaldian errepikatu zuen autore horrekin, ordukoan Maria Asquerinorekin, eta 1957an Las cartas boca abajo estreinatu zuen. Horrez gain, Jose Lopez Rubioren Cena de Navidad (1951) eta La otra orilla (1954) lanen muntaietan parte hartu zuen, baita Luis Escobarren El amor es un potro desbocado (1959) eta Jose Martin Recordaren El teatrito de don Ramon (1959) lanetan ere bai.[4]
Zazpi urtez jardun zuen Nuria Esperten konpainian. 1966an Adolfo Marsillach-ek zuzendutako Ramón María Valle-Inclanen Águila de blasón lanean parte hartu zuen, Sean O'Casey-ren Rosas rojas para mí (1969), Edward Albee-ren Todo en el jardín (1970), Martin Recuerdaren[5] Las arrecogías del beaterio de Santa María Egipciaca (1977), eta Ricardo López Arandaren Isabelita la Miracielos. Edward Albeeren Todo en el jardín lanarekin erretiratu zen eta interpretazio horrengatik Valladolideko Urrezko domina jaso zuen.[1]
Zinema eta telebista[aldatu | aldatu iturburu kodea]
1935ean egin zuen debuta zineman, Florián Reyren agindupean, Nobleza baturra filmean, Imperio Argentinarekin batera. La hija de Juan Simón lanaren lehen bertsioan ere parte hartu zuen Angelillo abeslariarekin batera. Los bingueros (1979) izan zen bere azken filma. Hil arte, hogeita hamar bat titulutan parte hartu zuen.[1]
1964an hasi zen Televisión Españolan, Sospecha saioan, eta ekoizpen nabarmenetan egin zuen lan, hala nola Estudio 1 saioko Don Juan Tenorio (1968) eta Narciso Ibáñez Serrador-en Historia de la frivolidad (1968). Hil baino hilabete batzuk lehenago, Que usted lo mate bien telesaileko El túnel atalen jardun zuen.[1]
1980ko urriaren 1ean hil zen, biriketako minbiziak jota. Haren gorpuzkiak erraustu egin zituzten, eta errautsak, Mediterraneo itsasora bota.[6]
Filmografia[aldatu | aldatu iturburu kodea]
Besteak beste, lan hauexetan hartu zuen parte:[7][8]
- 1979 Los bingueros
- 1978 Soldados
- 1978 Nunca en horas de clase
- 1978 Cabo de vara
- 1977 El puente
- 1977 Clímax
- 1976 Emilia... parada y fonda
- 1976 Manuela
- 1976 La espuela
- 1975 Jo, papá
- 1974 El amor del capitán Brando
- 1969 Juicio de faldas
- 1964 El señor de La Salle
- 1963 Benigno, hermano mío
- 1960 Maribel y la extraña familia
- 1959 De espaldas a la puerta
- 1954 Malvaloca
- 1954 Crimen en el entreacto
- 1951 La canción de la Malibrán
- 1950 Sangre en Castilla
- 1950 Agustina de Aragón
- 1950 La honradez de la cerradura
- 1950 Gente sin importancia
- 1945 Villa Rica del Espíritu Santo
- 1937 Gli ultimi giorni di Pompeo
- 1936 El cura de aldea
- 1935 La hija de Juan Simón
- 1935 Nobleza baturra
Telebista[aldatu | aldatu iturburu kodea]
- 1979 Que usted lo mate bien: El túnel
- 1977 Teatro estudio: Las flores de Aragón
- Novela: Los misterios de París, 1976; Bearn, 1976; El Burlador, 1968; Einstein, 1967; Jane Eyre, 1965; Paso a nivel, 1965.
- 1976 Teatro Club: Estoy hablando de Jerusalén
- 1976 Las aventuras del hada Rebeca, (14 atal)
- 1975 El quinto jinete: El aullido
- 1975 Original: El resumen
- 1974 - 1975 Cuentopos (13 atal)
- 1974 Noche de teatro: El puente de Waterloo, 1974; Águila de blasón, 1974
- 1974 Ficciones: El beso de un vampiro
- 1974 Los libros: Poe o la atracción del abismo
- Estudio 1: Teresa de Jesús, 1973; Me casé con un ángel, 1973; En la ardiente oscuridad, 1973; Carmelo, 1972; Las flores de Aragón, 1970; Las cartas boca abajo, 1970; Café de Liceo, 1969; Como las secas cañas del camino, 1968; Don Juan Tenorio, 1968; El cianuro ¿solo o con leche?, 1968; El niño de los Parker, 1968; El comprador de horas, 1968; La noche de Simón Pedro, 1965.
- Teatro de siempre: Las alegres comadres de Windsor, 1971; Rencor, 1970; La asunción de Hannele, 1970; Ricardo III, 1967.
- 1968 Hora once: Ligazón
- 1967 ¿Es usted el asesino?
- 1967 Historia de la frivolidad
- 1966 La Nochebuena,
- Primera fila: El triunfo de la medicina, 1965; Suspenso en amor, 1965; La bella desconocida, 1964
- Tras la puerta cerrada: El Hombre y La Bestia, 1965; ¿Quién Mato a la Señora Black?, 1964
- 1965 Teatro de humor: La vida en un hilo
- 1964 Sospecha: La coartada,
Erreferentziak[aldatu | aldatu iturburu kodea]
- ↑ a b c d e Jiménez, Antonio Barba. (2019-07-21). «La tele de Ayer: Pilar Muñoz» La tele de Ayer.
- ↑ País, Ediciones El. (1980-10-02). Muere la actriz Pilar Muñoz. ISSN 1134-6582..
- ↑ «PilarMuñoz» Bing (Noiz kontsultatua: 2024-06-27).
- ↑ En el Español se estrenó El teatrito de Don Ramón, de Martín Recuerda. 31 de mayo de 1959.
- ↑ Las arrecogías del beaterio de Santa María Egipciaca, un gran grito del teatro español marginado. 6 de febrero de 1977.
- ↑ (Gaztelaniaz) País, El. (1980-10-02). «Muere la actriz Pilar Muñoz» El País ISSN 1134-6582. (Noiz kontsultatua: 2024-06-27).
- ↑ (Gaztelaniaz) «Pilar Muñoz» FilmAffinity (Noiz kontsultatua: 2024-06-27).
- ↑ (Gaztelaniaz) «Pilar Muñoz - Edad | Biografía | Películas | Noticias | Filmografía | Premios» Decine21 2024-06-19 (Noiz kontsultatua: 2024-06-27).
Kanpo estekak[aldatu | aldatu iturburu kodea]
Datuak: Q7193785