Poloniaren inbasioa

Wikipedia, Entziklopedia askea
Poloniaren inbasioa
Bigarren Mundu Gerra
Ekialdeko Frontea Bigarren Mundu Gerran
Inbasioaren zenbait argazki
Data1939ko irailaren 1a-1939ko urriaren 6a
LekuaPolonia
EmaitzaAlemaniar garaipena
Gudulariak
 Polonia  Alemania
borde Eslovakiako Errepublika
Buruzagiak
Polonia Edward Rydz-Śmigły
Polonia Tadeusz Kutrzeba
Alemania Fedor von Bock
Alemania Gerd von Rundstedt
Ferdinand Čatloš
Indarra
Poloniar armada
• 950.000 soldadu
• 4.300 kanoi
• 880 tanke
• 400 hegazkin
Alemaniar armada
• 1.500.000 soldadu
• 2.750 tanke
• 9.000 kanoi
• 2.315 hegazkin
Eslovakiar armada
• 51.306 soldadu
Galerak
• 66.300 hildako,
• 133.700 zauritu,
• 694.000 preso
Alemania
• 16.343 hildako,
• 30.322 zauritu,
• 3.404 desagertu

Poloniaren inbasioa (polonieraz: Kampania wrześniowa edo Iraileko kanpaina; alemanez: Polenfeldzug edo Poloniako kanpaina) 1939. urtean gertatu zen: batez ere Alemania naziak eta Sobietar Batasunak Polonia hartzeko egin zituzten ekintza militarrak, 1939. urteko irailaren 1etik urriaren 6ra bitartean, poloniar armada garaitu arte.

Bigarren Mundu Gerra leherrarazi zuen lehenengo gertakaria izan zen, Hitlerrek, erasorik ez egitekotan Molotov-Ribbentrop ituna sobietarrekin sinatu eta astebetera, «Fall Weiss» operazioarekin antolatutako inbasioari ekin zionez: Poloniako iparraldetik, hegoaldetik eta mendebaldetik sartu ziren alemanak, Blitzkrieg zeritzon eraso azkar eta bortitzen teknika erabiliz poloniarrak erraz garaituz, batez ere Bzurako guduaren ostean. Frantziak eta Erresuma Batuak, itunak eginda izan arren, ez zuten parte handirik hartu Poloniari laguntzen, eta horrek bide eman zuen Poloniak hain 'erraz' etsi behar izatera.

Sobietarrek, euren aldetik, irailaren 17an hasi ziren Polonia inbaditzen: Armada Gorria Polonia ekialdetik sartzen hasi zen. Poloniarrek defentsarako zituzten indarrak nahiko ez zirelakoan, tropa guztiak Errumaniako lurralde neutralera bidaltzea erabaki zuten.

Urriaren 2-5 bitartean Kockeko guduan poloniarrei garaituta, inbasio-kanpaina 1939. urteko urriaren 6an amaitu zen: Alemaniak eta Sobietar Batasunak Poloniako lur guztiak banatu eta eskuratu zituzten, Poloniako Bigarren Errepublikari amaiera emanez, nahiz eta Polonia formalki sekula errenditu ez. Urriaren 8rako, Alemaniak Poloniako mendebaldea eta Danzig Hiri Askearen (gaur egungo Gdańsk) administrazioa erabakita zeukan. Bestalde, Sobietar Batasunak poloniar lurrak Bielorrusiako eta Ukrainako Sobietar Errepublika Sozialistetan sartu zituen, sobietartze-kanpainari ekinez.

Poloniarrek, euren aldetik, erresistentzia-mugimenduak abiarazi zituzten. Biztanleriaren %20a hil zen inbasioan, batez ere juduak.

Kanpo estekak[aldatu | aldatu iturburu kodea]