Pontzio Pilato

Pontzio Pilato
Irudi gehiago
5. praefectus Iudaeae 26 - 36 ← Valerius Gratus (en) - Marcellus (en) →
Bizitza
Jaiotza	Abruzzo, ?
Herrialdea	Antzinako Erroma
Heriotza	ezezaguna (2036 urte)
Familia
Ezkontidea(k)	Pontius Pilate's wife (en)
Hezkuntza
Hizkuntzak	antzinako greziera latina
Jarduerak
Jarduerak	politikaria eta ofiziala
Santutegia
Ekainaren 25a
Zerbitzu militarra
Adar militarra	Erromatar armada
Gradua	Legatu (Antzinako Erroma)

Pontzio Pilato (latinez: Pontius Pīlātus; antzinako grezieraz: Πόντιος Πιλάτος, Pontios Pīlātos) erromatar prefektua izan zen Judean 26. eta 36. urteen artean, Tiberio enperadorearen erregealdian.

Prefektu izendatu aurreko eta osteko bere bizitzaren xehetasunak ez dira ezagutzen, baina, elezaharren arabera, Tarracon jaioa zen, eta Santa Prokula delako bat izan zuen emazte, Etiopiako Eliza Ortodoxoko santua.

Tiberio enperadoreak Judeako prokuradore izendatu zuen, enperadorearen pretorioaren prefektu Luzio Elio Sejanoren gomendioz. Hura Julia Vipsania Agripinaren arerioa zen eta antisemita ospea zuen.

Judea erromatartzen saiatu zen, arrakastarik gabe, Enperadorearen gurtzarako irudiak sartuz eta akueduktu bat eraikitzen ahaleginduz, Tenpluaren funtsekin. Juduekin zituen desadostasunek bere agintearen egoitza Zesareatik Jerusalemera eramatera behartu zuten, matxinadei hobeto aurre egiteko. Pilatok, gainera, muturreko taldeei aurre egin behar izan zien, horien artean Barrabasi, erromatar soldadu baten hiltzaileari. Talde iraultzaile horiek buruhauste ugari eman zizkioten Pilatori.

Pilato Ebanjelioetan

Ebanjelioen arabera, Jesus soldadu armatu batzuek preso hartu zuten, Kaifas eta apaiz gorenen aginduz. Pilatori Jesus exekutatzeko eskatu zioten, heriotza zigorra erromatarrek soilik ezar baitzezaketen. Errudun ikusten ez zuen arren, Pilatok herriaren esku utzi zuen Barrabas ala Jesus askatzeko erabakia hartzea.

Apaiz nagusiak buru zituela, herriak Barrabas askatzea eta Jesus gurutziltzatzea erabaki zuen. Horren aurrean, Pilatok eskuak garbitu zituen, erantzukizunik ez zuela adierazi nahian. Pilatok "Ez naiz gizon horren heriotzaren erantzule! Zeuek ikusi!" esan zuen, eta jendetzak "Geu eta gure ondorengoak egin heriotza horren erantzule!" erantzun.

Filmografia

Urtea	Filma	Zuzendaria	Pertsonaia
2007	L'inchiesta	Giulio Base	Hristo Shopov
2004	The Passion of the Christ	Mel Gibson	Hristo Shopov
1979	Brianen bizitza	Terry Jones
1977	Gesù di Nazareth	Franco Zeffirelli	Rod Steiger
1965	The Greatest Story Ever Told	George Stevens	Telly Savalas

Kanpo estekak

• Datuak: Q17131
• Multimedia: Pontius Pilate / Q17131