Sadio Mané

Wikipedia, Entziklopedia askea
Jump to navigation Jump to search
Sadio Mané
Sadio Mané.jpg
Bizitza
Jaiotza Sédhiou1992ko apirilaren 10a (28 urte)
Herrialdea  Senegal
Hezkuntza
Hizkuntzak Frantsesa
Jarduerak
Jarduerak futbolaria
Ibilbidea
Taldeak Urteak J G
Flag of None.svg Football Club de Metz2010 / 2012222
Flag of None.svg Senegalgo futbol selekzio nazionala2012 /
Flag of None.svg SV Austria Salzburg2012 / 20146331
Flag of None.svg Senegal national under-23 football team2012 / 201240
Flag of None.svg Southampton Football Club2014 / 20166721
Flag of None.svg Liverpool Football Club2016 /
 
Posizio edo espezialitatea hegalekoa
Kirol zenbakia 10
Pisua 70 kilogramo
Altuera 175 zentimetro
Sinesmenak eta ideologia
Erlijioa Islama
sadio-mane.com

Sadio Mané (Sédhiou, Senegal, 1992ko apirilaren 10a) senegaldar futbol jokalaria da, puntaerdian edo bi hegaletako batean jokatzen duena. Gaur egun Ingalaterrako Premier Leaguen dabilen Liverpool taldean dihardu, eta baita Senegalgo futbol selekzio nazionalean ere. Jokalari burutsua da, oso bizkorra eta teknikoki oso ona.

Urrezko baloiaren 2019ko edizioan laugarren postuan gelditu zen, Lionel Messi, Virgil van Dijk eta Cristiano Ronaldoren ondoren.

Ibilbidea[aldatu | aldatu iturburu kodea]

Behe-kategoriak: Génération Foot

Bere herrialdean txikitatik ibili zen futbolean bere lagunekin, eta baita 2000. urtean sortutako Génération Foot elkartean ere. Txikitatik ikusi zen izugarrizko kalitatea zuela eta ikuskatzaile hainbatek bere izena apuntatua zuten.

Jauzia profesionaletara

Hala bada, Metz taldean fitxatu zuen 2011n. Denboraldi batean bertan egon zen, eta 21 partidu jokatu zituen. Han egon zen denboran beste senegaldar batekin topo egin zuen, Kalidou Koulibalyrekin. 2012ko udan Red Bull Salzburgok 4 milioi euro ordaindu zizkion Sadioren taldeari hau Austriako ligara eramateko. Ez-bairik gabe benetan asmatu zuten austriarrek Sadiok bere maila norainoko zen erakutsi baitzuen, zenbakiekin hori baieztuz. Bigarren denboraldian partidu gehiago jokatu zituen, bere taldea Europa Leaguerako sailkatua baitzen aurreko urtetik. Hain zuzen ere jokalariak 5 gol sartu zituen txapelketa honetan. Aurreko denboraldiko maila berdindu edo gainditu zuen.

Premier Leagueko lehen abentura

2014-2015 denboraldia Salzburgorekin hasi bazuen ere, abuztuaren bukaeran Southampton ingalaterrarrak 11 milioi ordaindu baitzituen bera edukitzeagatik. Denboraldi hau bere egokitzekoa izan zen. Hurrengo denboraldia are erakusgarriagoa izan zen, eta orduan bai europako talde onenen zerrendetan ikusi ahal izan genuen. Nahiz eta denboraldi horretan Europa League jokatu izanak Sadiok han gelditzea eragingo zuenaren esperantza zuen, Sadiok pausu handiago bat ematea lortu zuen.

Liverpoolen geldiezin

Gauzak horrela, Liverpoolek bost urterako kontratua ezarri zion Maneri 34 milioien truke. Lehen denboraldian partidu gutxi samar jokatu arren zenbaki onak atera zituen azkenean. 2017tik 2019ra Mohammed Salah lagun zuela biek erakustaldi bikainak eman zituzten, adibidez Europako kopa irabaztea 2019an Tottenhami. Azken bi urte hauetan gehienbat golengatik eta asistentziengatik nabarmendu bada ere, bere esfortzua zelaian ere izugarria izan da. Lan guzti horren fruitu Urrezko Baloiean lortu zuen laugarren postu hori.

Senegalgo selekzioa

Senegalgo selekzioarekin 2012ko maiatzaren 25ean egin zuen debuta, eta ordutik 2017ko Afrikako Kopa eta 2018ko munduko txapelketa jokatu ditu bataz beste. 61 partidu jokatu ditu eta 16 gol sartu.

2020ko martxoaren 5ean eguneratua.
Kluba Urtea Partida(k) Gol(ak)
Metz 2011 - 2012 21 1
Salzburgo 2012 - 2014 87 45
Southamphton 2014 - 2016 75 25
Liverpool 2016 - 159 76