Sanahin monasterioa

Haghpat eta Sanahin monasterioak1 UNESCOren gizateriaren ondarea
Mota	Kulturala
Irizpideak	ii, iv
Erreferentzia	777
Kokalekua	Lori Armenia
Eskualdea2	Europa eta Ipar Amerika
Koordenatuak	41.087222°N 44.666111°E / 41.087222; 44.666111
Izen ematea	1996 (XX. bilkura)
1 UNESCOk jarritako izen ofiziala (euskaratua) 2 UNESCOren sailkapena

Sanahin monasterioa (armenieraz: Սանահին վանք) X. mendean fundatutako armeniar monasterio bat da, Lori probintzian kokatua.

Sanahin izenak "bestea baino zaharragoa" esan nahi omen du armenieraz, seguraski auzoko Haghpat monasterioa baino zaharragoa dela adierazteko. Bi herrixkak eta beraien monasterioak antzekoak dira, bata bestearekin ikusgai ordoki erdibitu batean parez pare kokatuak. Debed errekak banatzen ditu.

1996ko ekainean, Unescok Gizateriaren Ondare izendatu zuen, "Haghpat eta Sanahin monasterioak" izenarekin.

Ezaugarriak

Litekeena da Sanahin monasterioa tenplu aurrekristau baten gainean eraiki izana. Erreferentziak badira ere eliza zaharragoak zeudela bertan, IV. eta V. mendekoak. Egungo monasterioa Khosrovanux erreginak, Axot III.a erregearen emazteak, eraikiarazi zuen 967 eta 970 artean. Kultura mailan garrantzi handia izan zuen, bertan irakasten baitziren gizarte zientziak, medikuntza eta beste zientzia batzuk. Scriptorium garrantzitsua zuen, nondik liburuak irteten ziren, horietako asko miniaturekin.

Monasterioa garai askotako eraikin multzo bat da: Astvatsatsin eliza ("Jainkoaren Ama"), Amenaprkitx eliza ("Salbatore"), nartexak (gavit), San Gregorio kapera, alademia bat, liburutegia eta ezkila-dorrea.

Salbatore elizak lau albo-kapera ditu. Nartexa (armenieraz gavit) elizari atxikia dago eta bi mende geroago eraiki zen, 1181an.

Monasterioa XII. mende arte Kiurikides familiarena zen.

• 
  San Gregorio kapera.
• 
  Portikoa
• 
  Ezkila dorrea.
• 
  Khatxkar bat.
• 
  Barneko arkuak

Ikus, gainera

• Armeniar monasterioen multzoa Iranen
• Ejmiatsingo katedrala

Kanpo estekak

• Datuak: Q1975614
• Multimedia: Sanahin Monastery / Q1975614