Sanrokada

Wikipedia, Entziklopedia askea
Jump to navigation Jump to search

Sanrokada 1893ko abuztuaren 16an Gernikan izandako matxinada zen. Abertzaletasunaren lehendabiziko ekintza publikoa zen.

Sagastaren gobernuaren Ogasun Ministroak, German Gamazo liberalak, 1841ko Nafarroako Lege Hitzartuak ezarritako zerga-araubide forala ezereztatzea saiatu zuenean, Nafarroan Gamazada izeneko matxinada sortu zen. Horretarako, 1893ko maiatzaren 11n Aurrekontuetarako Lege proposamena aurkeztu zuen euskal herrialdeetako zerga-araubidea murrizteko.

'Iruñeko Orfeoia' Bilbora joan zenean, Gamazadaren aldeko zenbait politikariek Gernikan herri-bazkaria prestatu zuten San Rokeak ziren eta. Foruzaleak, karlistak, bizkaitarrak eta Unió Catalanistaren zenbait kide joan ziren. Gernikarra eta Tradicionalista elkarteen balkoietan Espainiako banderak zeuden eskegita. Bazkarian zehar Espainiaren aurkako oihuak izan zirenez, Foruzaleek eta karlistek alde egin zuten. Geroago, bizkaitar batzuek Elkarte bietako banderak erre zituzten 'Gora Euskeria askatuta' oihukatuz. Batzuen ustez, bizkaitarren artean Ramon de la Sota zegoen.

Egun batzuk geroago, abuztuaren 27an, Donostian hiru lagun hil ziren Sagastaren aurkako manifestazio batean. Manifestazioa Gernikako Arbola jotzeko Udal Bandaren zuzendariaren ezetzak sortu zuen. Bilbon bizkaitarrek Gernikako Arbola kantatzen zutenean, kontrakoek Marseillesa abesten zuten.

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]