Sarria (Zuia)

Sarria
	Euskal Herria
	Sarriako elizaren aurrealdea
Kokapena
Herrialdea	Araba
Udalerria	Zuia
Geografia
Koordenatuak	42°57′59″N 2°49′26″W / 42.96634174°N 2.82387046°W
Demografia
Biztanleria	274 (2025)

Artikulu hau Sarria Arabako herriari buruzkoa da; beste esanahietarako, ikus «Sarria (argipena)».

Sarria^[1] Arabako iparraldean dagoen herri bat da, Zuiako Kuadrillan kokatua. Gainera, Zuiako udalerria eratzen duten herrietariko bat da, Murgiaren ipar-mendebaldean dagoena.

Izena

Euskarak inguru horretan izandako eragin sakonaren erakusgarri, gaztelaniaz ere herriaren izenak hiru silaba ditu eta i letra da azentu nagusia daramana.

Sarria izenaren bukaerako -a hori artikulua da.^[1] Beraz, Bizkaia izenaren antzera deklinatzekoa dugu: Sarria, Sarrian, Sarriaren... baina Sarriko, Sarritik, Sarrira...

Inguru naturala

Gorbeiako Parke Naturalaren hegoaldean dagoen sarrera nagusia da herria, bai eta Gorbeia, Usategieta edo Odoriaga mendietara igotzeko abiapuntuak ere.

Bestela, Baias ibaiak mendi aldean jaio ondoren herria zeharkatzen du.

Demografia

Sarriko biztanleria

Jaiak

San Lorentzoren omenezko jai nagusiaz gain, Gabon Bideko Taldea izeneko kalejira Eguberriko arratsaldean antolatzen dute Sarriko herritarrek duela hogeita hamar urte baino gehiago, eta gaur egun milaka bisitari erakarri ohi dituzte.

Garraioa

Araba Bus sareko lineak zerbitzua ematen dio herri honi:

Araba Bus

Zerbitzua	Hasiera	Ibilbidea	Amaiera ⁠
14	Gasteiz (geltokia)	Zaitegi • Murgia • Sarria • Murgia (Paularrak) • Ametzaga • Beluntza (Soleta)	Izarra

Gainera, Eskualdeko Garraioa sareak linea bat ditu herrian:

Eskualdeko Garraioa

Zerbitzua	Hasiera	Ibilbidea	Amaiera ⁠
5	Urduña Izarra Murgia Gopegi	Urduña (suhiltzaileak) • Apregindana • Untza • Uzkio Urkabustaiz • Oiardo • Goiuri • Beluntza • Ziorraga • Altube • Gillerna • Lukiano • Aperregi • Donamaikia • Jugo • Bitoriano • Zarate • Markia • Sarria • Olano • Letona • Zaitegi	Urduña Izarra Murgia Gopegi

Ondarea

Herriko parrokia San Lorentzo eliza da. Karobi zahar bat eta errota zaharra auzolanean berreskuratu dira, baita Sortzez Garbiaren baseliza sarrera. Baseliza hori 1590. urtean eraiki zen Pedro Ramírez Martínez de Sarria elizgizonaren aginduz. XVIII. mendeko erretaula barrokoa du, eta bertan kokatu zen XVII. mendeko Sortzez Garbi baten eskultura barrokoa, oso kalitate onekoa eta ziur aski Italiako tailer batean egin zena^[2].

Erreferentziak

1 2 Euskaltzaindia: Zuia toponimoa, Euskal Onomastikaren Datutegia.
↑ (Gaztelaniaz) Guía de Monumentos Abierto por un día - Murgia-Gopegi. Ermitaraba / El Correo, 4-5 or..

Kanpo estekak

Sarria, Zuiako Udalaren webgunean

Datuak: Q3473717
Multimedia: Sarría / Q3473717

Euskarazko Wikipedian bada atari bat, gai hau duena:
Euskal Wikiatlasa

[eoda-1] 1 2 Euskaltzaindia: Zuia toponimoa, Euskal Onomastikaren Datutegia.

[2] (Gaztelaniaz) Guía de Monumentos Abierto por un día - Murgia-Gopegi. Ermitaraba / El Correo, 4-5 or..

[1]

[2]