Somaliako itsaslasterra

Wikipedia, Entziklopedia askea
Jump to navigation Jump to search

Somaliako itsaslasterra[1] Indiako ozeanoko mendebaldeko itsaslaster bat da. Somaliako eta Omango kostarekiko paralelo higitzen da, eta montzoien eraginpean dago.

Somaliako itsaslasterraren noranzkoa urtaroen arabera aldatzen da hego-mendebaldeko eta ipar-mendebaldeko montzoien eraginez. Ekainetik irailera, hego-mendebaldeko montzoi beroak ipar-ekialderantz bultzatzen du ura, eta, ondorioz, sakoneko ura azaleratzen da kostan. Azaleratutako ura itsasoaren barnealdera bultzatua da Ekmanen garraioa deritzon fenomenoaren bidez, eta batu egiten da itsaso zabalean sakonetik azaleratzen den urarekin.

Ipar-mendebaldeko montzoia abenduan hasten da, eta otsaila arte irauten du. Haren eraginez, aldatu egiten da Somaliako itsaslasterraren noranzkoa: kostaldeko urak hego-mendebalderantz higitzen dira orduan. Airea freskoagoa da, eta hoztu egiten du azaleko ura. Ondorioz, hondoko urarekin nahasten da, eta mantenugai ugari igotzen dira uraren azalera.


Erreferentziak[aldatu | aldatu iturburu kodea]