Videl

Orri honetako testu zati batzuk japoniar idazkerarekin idatzita daude.
Euskarri eleaniztun egokirik gabe, galdera
ikurrak ikusiko dituzu kanji edo kana karaktereen ordez.

Videl

ビーデル edo Bīderu
Sexua	Emakumea
Jatorria	Mangan
Lehen agerraldia	36. liburukia (manga) Dragoi Bola Zko 200. atala (animea)
Garrantzia	Pertsonaia nagusia
Senideak	Satan Jauna (aita) Son Gohan (senarra) Pan (alaba) Son Goku (aitaginarreba) Chichi (amaginarreba) Son Goten (koinatua) Goku Jr. (birbiloba)
Ahotsa	Yuko Minaguchi Tere Jaio

Videl (jatorrizko japonieraz ビーデル edo Bīderu ^?) Dragoi Bola manga eta animeko fikziozko pertsonaia da.

Satan Jaunaren alaba da. Arte martzialak ikasiz hazi zen egunen batean aita baino indartsuagoa izateko asmotan, nahiz eta berak ez jakin hala zen jada. Neska gogor eta argia da, ospea eta dirudunen giroan hazia. Bere izena ingelesezko devil (jatorrizko japonieraz デビル edo Debiru ^?) hitzarekin hitz-joko bat eginez lortzen da, hitz horrek deabru esan nahi du.

adopziozko
aitona =>

Biografia[aldatu | aldatu iturburu kodea]

Oharra: Atal honek istorio osoa edo amaiera argitzen du.

767. urtean Arte Martzialen 24. Mundu Txapelketako txapeldun izan zen infantiletan 11 urte zituela. Gainontzeko gizadia bezala Cellen Jokoan garaile irten zena eta Cell hil zuena bere aita zela uste zuen. Orange Star institutuan ikasi zuen. Hemen ezagutu zuen Son Gohan eta Saiya Handia bera zela jakitean hegan egiten irakastera behartu zuen. Arte Martzialemn 25. Mundu Txapelketan parte hartu zuen eta Spopovitchek larriki zaurituta utzi zuen, baina Indaba Miragarriei esker sendatu egin zen. Hasiera batean Son Goku eta gainerakoekin Babidiren ezkutalekura joateko asmoa zuen, baina horrek zekarren arriskua ulertzean, bere onerako, atzera egin zuen. Pixkanaka Gohanetaz maitemindu zen eta Boo Ahaltsuaren eskutan hil zela jakin zuen Ahalguztidunaren Jauregian zela, eta ondorioz negarrez hasi zen sinetsi ezinik. Gero, Book besteekin batera txokolate bihurtu eta jan egin zuen, baina Dragoi Bolekin berpiztu zuten eta Genki bola osatzeko energia eman zuen.

Gero, Son Gohan itzultzean, ezkondu eta Pan izeneko alaba izan zuten. Dragoi Bola GTn arte martzialak ia utzi egin zituen baina Super 17 iristean indar femeninoa osatuz borrokatzeko prest agertu zen Bulma, Chichi eta Brarekin. Nahiz eta bere borroka indarra eta teknikak ez ziren Krilin, Yamcha eta abarren mailara iristen, munduko emakumezko gizaki indartsuena bera zen. Aurrez aurreko arte martzialetan aditua zen.