Edukira joan

Vkusno i totxka

Wikipedia, Entziklopedia askea
Vkusno i totxka
Datuak
Motanegozioa, janari lasterreko jatetxe-katea eta marka erregistratua
Jarduera sektoreafoodservice (en) Itzuli eta quick service restaurant sector (en) Itzuli
HerrialdeaErrusia eta Bielorrusia
Agintea
Egoitza nagusi
JabeaAlexander Govor (en) Itzuli
Historia
Sorrera2022ko ekaina
Sortzailea
Ordezkatzen duMcDonald's in Russia (en) Itzuli
webgune ofiziala
Telegram: mcdonaldsrus VK: vkusno_itochka Youtube: UCvRH4-D8PEk2zdyprlWKs-g Edit the value on Wikidata

Vkusno i totxka[1] (errusieraz: Вкусно — и точка, «Gozo-gozoa eta kitto»[2]) janari lasterra eskaintzen duen jatetxe-kate errusiarra da, 2022an sortutakoa.

Historia

[aldatu | aldatu iturburu kodea]
Vkusno i totxka lehen jatetxearen irekiera (Mosku, 2022ko ekainaren 12a)

2022ko martxoaren 8an, Ukrainako inbasioa eta Errusiari ezarritako zehapen ekonomikoak direla eta, McDonald's enpresak Errusian operazioak aldi baterako etetea iragarri zuen[3][4]. Aldi berean, Errusiako langileei soldatak ordaintzen jarraituko zuela adierazi zuen[5][6].

Maiatzaren 16an, enpresak Errusia guztiz uztea erabaki zuen[7] eta errusiar negozio osoa Aleksandr Govorri saldu zion[2][8], 15 urteren buruan berriro erosteko aukerarekin[9][10]. Pertsona juridikoak bere horretan jarraitu zuen, baina izena aldatu zioten Sistema PBO bihurtzeko[11].

Oleg Paroiev Errusiako McDonald's-eko zuzendari nagusiak bere karguan jarraitu zuen[12], baina The Times of Israel egunkariaren arabera, Vkusno i totxka katearen benetako jabea Arsen Kanokov Kabardino-Balkariako senataria da[13].

Ekainaren 9an, jatetxe-kate berriak logotipoa argitaratu zuen: patata frijituak irudikatzen dituzten bi marra hori eta hanburgerra irudikatzen duen zirkulu gorri-laranja bat[14][15].

Vkusno i totxka jatetxea (Nizhni Novgorod)

Ekainaren 12an, Moskuko McDonald's jatetxe ohien lekuetan 15 jatetxe ireki zituzten Vkusno i totxka izen berriarekin[16][17][18]. Ekainaren 13an, beste 50 jatetxe ireki zituzten Moskun eta Moskuko oblastean[19]. Uztailaren hasieran katea San Petersburgora iritsi zen[20].

2022ko azaroan, kateak 830 jatetxe zituen Errusiako 62 subjetu federaletan[21].

2022 amaieran, enpresak 11.300 milioi errubloko galerak izan zituen[22].

[aldatu | aldatu iturburu kodea]

Menuak berdin jarraitu zuen, baina plateren izenei Mc aurrizkia kendu zitzaien[2][23]. 2022ko irailean, enpresak Coca-Cola markako edariak Dobry markako edari analogoekin ordezkatu zituen[24].

2024ko urtarriletik aurrera, kateak honako plater hauek eskaintzen ditu (ordezkatzen dituzten McDonald'seko platerak parentesi artean daude):[25]:

  • hanburgerra, cheeseburgerra eta cheeseburger bikoitza;
  • Big Hit (Big Mac) eta Big Hit bikoitza;
  • Grand (McRoyal), Grand bikoitza eta Grand Deluxe;
  • Big Special (Big Tasty), Big Special bikoitza, Big Special Junior, Big Special Spicy Mix eta Big Chicken Burger (Big Tasty Chicken);
  • fishburgerra (Filet-O-Fish) eta fishburger bikoitza;
  • chickenburgerra (Junior Chicken), Chicken Hit (McChicken), Chicken Hit perretxikoekin, Chicken Premier (Seriously Chicken) eta Chicken Premier perretxikoekin;
  • eskandinaviar burgerra eta eskandinaviar oilasko-burgerra;
  • Caesar Roll (McWrap), Big Special Roll, Shrimp Roll, Fresh Roll eta Chicken Fresh Roll;
  • patata frijituak, patata frijitu handiak, patata ziriak eta patata xerrak;
  • oilasko-nuggetak, oilasko-zerrendak, mozzarella dipperrak, gazta eraztunak, ganbak, sagar xerrak eta azenario makilak;
  • Dobry Cola (Coca-Cola), Dobry Cola Zero Sugar (Coca-Cola Zero Sugar), Dobry Orange (Fanta), Dobry Lemon-Lime (Sprite), Lipton Ice Tea Lemon, Lipton Ice Tea Green, pontxe beroa, irabiatua, izozkia, Ice Deluxe (McFlurry), tea, kafea eta zukua;
  • Kids Combo (Happy Meal);
  • krepeak, arrautzopila, gerezi-tarta eta norvegiar baia-tarta.
  • Menua
    Menua
  • Janaria paketeetan
    Janaria paketeetan
  • Hanburgerra, patata frijituak eta edaria
    Hanburgerra, patata frijituak eta edaria
  • Autozerbitzuko kutxa erregistratzaileak
    Autozerbitzuko kutxa erregistratzaileak

Kritika

[aldatu | aldatu iturburu kodea]

Logotipoa eta izena

[aldatu | aldatu iturburu kodea]

Jatetxe-katea ireki zenetik, VK eta Twitter sare sozialetako erabiltzaile askori ez zitzaien Vkusno i totxka izena gustatu luzeegia eta erabiltzeko deserosoa izateagatik[26].

2022ko ekainaren 9an aurkeztutako logotipoa ere kritikatu zuten. Interneteko erabiltzaileek Marriott hotel-katearen logotipoekin, Matosmix portugaldar enpresaren logotipoarekin eta Bangladeshko banderarekin duen antzekotasuna adierazi zuten[27][28].

2022ko ekainaren 15ean, Sergei Ponkratov Primorski kraian jarduten zuen Jeda i totxka (Janaria eta kito) jatetxe-kateko buruak plagioa salatu zuen[29].

Janari-kalitatea

[aldatu | aldatu iturburu kodea]

2022ko uztailaren 3an, Moskuko Khoroxovo-Mniovniki auzoko Vkusno i totxka jatetxeko bisitari batek hanburgerrean zegoen lizuna salatu zuen[30]. Twitterreko erabiltzaileak ere kexatzen hasi ziren kateak iraungitako saltsak saltzen zituela eta hanburgerretan intsektuen hankak eta zatiak aurki zitezkeela[31].

Erreferentziak

[aldatu | aldatu iturburu kodea]
  1. ↑ 156. Alfabeto zirilikoz idatzitako izenak euskarara aldatzeko transkripzio-sistema. Gasteiz: Euskaltzaindia (argitaratze data: 2009-02-27) (Noiz kontsultatua: 2024-01-12).
  2. ↑ a b c «Vkusno i Totxka hanburgesa jantokiak zabaldu dira, AEBetako sarea ordezkatuz» Gaur8 2022-06-25 (Noiz kontsultatua: 2024-01-12).
  3. ↑ (Ingelesez) «McDonald's To Temporarily Close Restaurants & Pause Operations in Russia» McDonald's 2022-03-08 jatorrizkotik artxibatua (artxibatze data: 2022-03-27) (Noiz kontsultatua: 2024-01-12).
  4. ↑ (Errusieraz) Юминов, Иван. «McDonald's решила временно закрыть 850 ресторанов в России» Вечерняя Москва 2022-03-08 jatorrizkotik artxibatua (artxibatze data: 2022-03-08) (Noiz kontsultatua: 2024-01-12).
  5. ↑ (Ingelesez) Harris, Sophia. «Following social media pressure, McDonald's joins companies suspending business in Russia» CBC 2022-03-08 jatorrizkotik artxibatua (artxibatze data: 2022-03-08) (Noiz kontsultatua: 2024-01-12).
  6. ↑ (Ingelesez) «McDonald's to temporarily close its 850 stores in Russia» BBC 2022-03-08 jatorrizkotik artxibatua (artxibatze data: 2022-03-08) (Noiz kontsultatua: 2024-01-12).
  7. ↑ (Ingelesez) Valinsky, Jordan. «McDonald’s is leaving Russia altogether» CNN 2022-05-17 (Noiz kontsultatua: 2024-01-12).
  8. ↑ (Errusieraz) «McDonald`s объявил об уходе из России» Ведомости 2022-05-16 jatorrizkotik artxibatua (artxibatze data: 2022-05-16) (Noiz kontsultatua: 2024-01-12).
  9. ↑ (Ingelesez) «Mcdonald's will have a 15-year option to buy its restaurants in Russia back» Reuters 2022-06-02 (Noiz kontsultatua: 2024-01-12).
  10. ↑ (Errusieraz) Ракитина, Екатерина; Перцева, Евгения. «Эксперты спрогнозировали возвращение McDonald’s в РФ спустя минимум три года» Известия 2022-05-25 jatorrizkotik artxibatua (artxibatze data: 2022-05-27) (Noiz kontsultatua: 2024-01-12).
  11. ↑ (Errusieraz) Захарова, Анна; Полякова, Виктория. «Российское юрлицо «Макдоналдс» сменило название на «Система ПБО»» РБК 2022-06-03 jatorrizkotik artxibatua (artxibatze data: 2022-07-09) (Noiz kontsultatua: 2024-01-12).
  12. ↑ (Errusieraz) «Олег Пароев. «Вкусно – и точка». Генеральный директор» Ведомости (Noiz kontsultatua: 2024-01-12).
  13. ↑ (Ingelesez) Svetlova, Ksenia. «Was Russia’s McDonald’s franchise sold to a straw man for supersized profits?» The Times of Israel 2023-12-27 (Noiz kontsultatua: 2024-01-12).
  14. ↑ (Ingelesez) Liang, Annabelle. «Russia's new version of McDonald's unveils logo» BBC 2022-06-10 jatorrizkotik artxibatua (artxibatze data: 2022-06-10) (Noiz kontsultatua: 2024-01-12).
  15. ↑ (Errusieraz) Ларина, Анастасия. «Российский McDonald's выбрал себе логотип» Коммерсантъ 2022-06-09 jatorrizkotik artxibatua (artxibatze data: 2022-06-10) (Noiz kontsultatua: 2024-01-12).
  16. ↑ Bereziartua, Gorka. «New Yorkeko pizzak eta Moskuko hanburgesak» Argia 2022-06-13 (Noiz kontsultatua: 2024-01-12).
  17. ↑ (Ingelesez) «McDonald's in Russia reopens under new ownership, renamed 'Vkusno & tochka'» Reuters 2022-06-12 jatorrizkotik artxibatua (artxibatze data: 2022-06-12) (Noiz kontsultatua: 2024-01-12).
  18. ↑ (Errusieraz) «Бывшие рестораны сети McDonald's открылись под брендом «Вкусно и точка»» DTF 2022-06-12 jatorrizkotik artxibatua (artxibatze data: 2022-06-12) (Noiz kontsultatua: 2024-01-12).
  19. ↑ (Errusieraz) «Еще 50 ресторанов «Вкусно – и точка» открылось в Московском регионе» РИАМО 2022-06-13 (Noiz kontsultatua: 2024-01-12).
  20. ↑ (Errusieraz) «Открытие сети «Вкусно – и точка» на месте McDonald’s в Петербурге перенесли на июль» Ведомости 2022-06-14 (Noiz kontsultatua: 2024-01-12).
  21. ↑ (Errusieraz) Белова, Лолита. «В Иркутске будут открыты восемь ресторанов «Вкусно и точка» до 2028 года» Коммерсантъ 2023-02-19 (Noiz kontsultatua: 2024-01-12).
  22. ↑ (Errusieraz) ««Вкусно — и точка» получила 11,3 млрд руб. убытка в первый год работы» РБК 2023-03-29 jatorrizkotik artxibatua (artxibatze data: 2023-03-29) (Noiz kontsultatua: 2024-01-12).
  23. ↑ (Errusieraz) «Без «Биг Мака». Чем «Вкусно и точка» отличается от McDonald's» Газета.ru 2022-06-12 jatorrizkotik artxibatua (artxibatze data: 2022-06-12) (Noiz kontsultatua: 2024-01-12).
  24. ↑ (Errusieraz) Лааксо, Полина. ««Вкусно — и точка» заменит Coca-Cola напитками «Добрый cola»» Vc.ru 2022-09-13 (Noiz kontsultatua: 2024-01-12).
  25. ↑ (Errusieraz) «Приходи к нам! Наше меню» Вкусно — и точка (Noiz kontsultatua: 2024-01-12).
  26. ↑ (Errusieraz) «Название «Вкусно и точка» у российского «Макдоналдса» сочли временным» Lenta.ru 2022-06-12 (Noiz kontsultatua: 2024-01-12).
  27. ↑ (Ingelesez) Belam, Martin. «Burger and two fries? Russia unveils logo as it replaces McDonald’s» The Guardian 2022-06-10 jatorrizkotik artxibatua (artxibatze data: 2022-06-11) (Noiz kontsultatua: 2024-01-12).
  28. ↑ (Errusieraz) «Пользователи отметили сходство логотипов сети «Вкусно — и точка» и компании Matosmix» IXBT.com 2022-06-13 (Noiz kontsultatua: 2024-01-12).
  29. ↑ (Errusieraz) Беляева, Ольга. «Приморская сеть «Еда и точка» собирается судиться с новым российским «Макдоналдсом» за название» E1.ru 2022-06-15 (Noiz kontsultatua: 2024-01-12).
  30. ↑ (Errusieraz) Наумова, Евгения. «Посетительница «Вкусно — и точка» пожаловалась на бургер с плесенью» Lenta.ru 2022-07-03 jatorrizkotik artxibatua (artxibatze data: 2022-09-05) (Noiz kontsultatua: 2024-01-12).
  31. ↑ (Errusieraz) Кондратьева, Татьяна. «Просроченный соус и вороны, ворующие булочки для бургеров. На что жалуются клиенты «Вкусно – и точка»» Medialeaks 2022-07-04 jatorrizkotik artxibatua (artxibatze data: 2022-08-11) (Noiz kontsultatua: 2024-01-12).

Kanpo estekak

[aldatu | aldatu iturburu kodea]
"https://eu.wikipedia.org/w/index.php?title=Vkusno_i_totxka&oldid=9634203"(e)tik eskuratuta