William Augustus Wellman

Wikipedia, Entziklopedia askea
Hona jauzi: nabigazioa, Bilatu
William Augustus Wellman
William A. Wellman, 1937.jpg
Bizitza
Jaiotza Brookline1896ko otsailaren 29a
Herrialdea  Ameriketako Estatu Batuak
Heriotza Los Angeles1975eko abenduaren 9a (79 urte)
Heriotza modua berezko heriotza Leuzemia
Familia
Ezkontidea(k) Helene Chadwick  (1918 -  1923)
Dorothy Wellman  (1934 -  1975)
Seme-alabak
Hezkuntza
Hizkuntzak ingelesa
Jarduerak
Jarduerak zinema zuzendaria, aktorea eta gidoilaria
Jasotako sariak
Nominazioak
IMDb nm0920074

William Augustus Wellman (Brookline, Massachusetts, 1896ko otsailaren 29a - Los Angeles, 1975eko abenduaren 9a) Estatu Batuetako film-zuzendaria izan zen. Hollywoodeko urrezko aroko zinemagilerik handienetako bat izan zen.

Biografia[aldatu | aldatu iturburu kodea]

Lehen Mundu Gerran La Fayette hegazkin-taldean borrokatu zen alemanen kontra, eta Estatu Batuetara itzulirik, hegazkin-akrobaziak eginez atera zuen bizimodua. Horrek guztiak eragina izan zuen haren filmegintzan: Wings (1927, Hegalak) gerrako hegazkin-pilotuen bizimodua maisutasunez deskribatzen zuen film mutua; The Story of G.I. Joe (1945), Darby´s Rangers (1957), La Fayette Escadrille (1958).

Douglas Fairbanks aktorearekin batera hasi zen zineman antzezle-lanetan. Berehala hasi zen filmak egiten, baina film mutuen garaiko lan asko galdu egin dira. Bikain kontatu zuen Estatu Batuek 1930 inguruan izan zuten gainbehera: Heroes for Sale (1933), Lilly Turner (1933), Wild Boy of the Road (1933). Westerna, gangster-filmak, ekintzazkoak, komediak eta melodramak egin zituen: The Public Enemy (1931), A Star is Born (1937), Beau Geste (1939), The Ox-Bow Incident (1943), Battleground (1949), Westward the Women (1952), The High and the Mighty (1954) ditu film aipagarrienak.

Clark Gable, James Cagney, Gary Cooper, Edward G. Robinson, Wallace Berry, Barbara Stanwick eta lehen mailako beste aktoreekin lan egin zuen.

Idazlanak[aldatu | aldatu iturburu kodea]

Bi autobiografia idatzi zituen: A Short Time for Insanity (1974) eta Growing Old Disgracefully (1975).

Erreferentziak[aldatu | aldatu iturburu kodea]