Zeina Abirached

Zeina Abirached
Irudi gehiago
Bizitza
Jaiotza	Beirut, 1981eko urtarrilaren 18a (43 urte)
Herrialdea	Libano
Hezkuntza
Heziketa	Lebanese Academy of Fine Arts (en) École nationale supérieure des arts décoratifs (en)
Hizkuntzak	arabiera frantsesa
Jarduerak
Jarduerak	komikigilea, ilustratzailea eta idazlea
Lantokia(k)	Berlin
Jasotako sariak	ikusi Arte eta Letren zalduna
Kidetza	Collectif des créatrices de bande dessinée contre le sexisme (en)

Zeina Abirached (Beirut, 1981eko urtarrilaren 18a) komikigile eta ilustratzaile franko-libanoarra da. Parisen bizi eta lan egiten du. 2016an, Chevalier de l’ordre des Arts et des Lettres domina eman zioten.

Biografia

Gaztaroa eta prestakuntza

Zeina Abirached 1981eko urtarrilaren 18an jaio zen, Beiruten, Libanoko gerra hasi eta sei urtera. Youssef Semani kaleko 38. zenbakian bizi izan da, Beirutek ebakitzen duen mugaren lerroan.

Beiruten hazia Libanoko Gerra Zibilaren garaian, Zeina Abirachedek grafismoa ikasi zuen Arte Ederren Libanoko Akademian (ALBA).

2004an, Parisen, animazioan espezializatutako ikastaro bat egin zuen Parisko Arte Apaingarrien Goi Eskola Nazionalean. Ilustratzaile independente gisa ere lan egiten du.

Ibilbidea

2002an, [Beyrouth] Catharsis liburua egin zuen, “nire etxean zure etxean” proiektuaren esparruan, Arte Ederren Libanoko Akademiako ikerketa-tailerrean. Beiruteko komiki-jaialdiko lehen saria jaso zuen lan horrek.

2006an, bere lehen bi lanak argitaratu zituen Frantzian, eta Angulemako Nazioarteko Komiki Jaialdian parte hartu zuen. Bere animazio-film txikia, Mouton (Ardia), dekorazio-arteetan egindako ikasketen esparruan ekoitzia, nazioarteko hainbat jaialditan aukeratu zuten. Film txiki hau 32 orrialdeko gazte-liburu batean sartu zuten gero.

2008an, Mourir, partir, revenir - Le jeu des hirondelles (Hil, joan, itzuli - Enaren jolasa) bere liburu autobiografikoa Angulemako jaialdiko selekzio ofizialean hautatua izan zen. Liburu hori, gero, hainbat hizkuntzatara itzuli zuten, ingelesera barne, 2012an A Game for Swallows: To Die, To Leave, To Return izenburupean.

Guztira, sei liburu argitaratu zituen Frantzian Cambourakis argitaletxearekin, eta bi liburu Casterman argitaletxearekin.

Ilustrazioak

Zeina Abirachedek ere hainbat eleberri ilustratu zituen: Agatha de Beirut, Jacques Jouetek idatzia (Cambourakis argitaletxea), Le livre du Chevalier Zifar (Monsieur Toussaint Louverture argitaletxea, 2009), Le Papa-Maman, Angelina Galvanik idatzia (Benjamin Médias argitaletxea, 2010) eta Père Mère, dirigé par Yves Haddadek zuzendutako kolektiboa (Éditions La Martinière argitaletxea, 2011).

2007an, Les Belles Étrangères (Emakume atzerritar ederrak) jaialdiko kartela eta Porquerolleseko Jazz jaialdiko kartelak egin zituen, 2012tik 2014ra. Musikariekin kolaboratu zuen, horien artean Ibrahim Maalouf (Levantine Symphony-ren 2018ko libretorako).

Zeina Abirached da, halaber, Pomme Larmoyer-en Istanbul, les recettes culte errezeta-liburuaren ilustratzailea (Marabout, 2015), François-Régis Gaudryren On va déguster (Marabout, 2016) eta Kamal Mouzawak-en Manger Libanais (Marabout, 2017).

Bere obraren deskribapena

Zeina Abirachedek zuri-beltzeko komiki-albumak ekoizten ditu, Ekialde Hurbileko gatazkari buruz dihardutenak, istorioaren protagonisten ikuspegi intimistan zentratuz, aspektu politikoetan baino gehiago. Haren estiloa Persepolis laneko Marjane Satrapiren estiloarekin konparatzen da batzuetan.

Frantziako argitalpenak

• 2006: [Beyrouth] Catharsis (Cambourakis arg.)
• 2006: 38, rue Youssef Semaani (Cambourakis arg.)
• 2007: Mourir, partir, revenir - Le jeu des hirondelles (Cambourakis arg.)
  • 2008 Angulemako jaialdiko selekzio ofiziala
  • 2008 Artemisia sariaren hautaketa
• 2008: Je me souviens - Beyrouth (Cambourakis arg.)
• 2012: Mouton (Cambourakis arg.)
• 2014: Agatha de Beyrouth, Jacques Jouet (Cambourakis arg.)
• 2015: Le Piano oriental (Casterman arg.)
  • 2015 Phénix Literatura Saria
  • ACBD 2016 kritikaren sari nagusiko finalista
  • BDren Fnac 2016 sariko finalista
  • 2016 Angulemako jaialdiko selekzio ofiziala
  • 2016 Artemisia sariko selekzioa
• 2018: Prendre Refuge (Casterman arg.) - Zeina Abiracheden marrazkia, Mathias Enarden gidoia
• 2019: Terminus Liban, le pays des voyages impossibles - XXI. hiruhileko mook aldizkaria, 2020ko negua (kontakizun grafikoa (B.D.)
• 2023: Le Prophète (Seghers arg.) Khalil Gibranena, Didier Sénécalek itzulia

Sariak eta aintzatespenak

• 2016an, Chevalier de l’ordre des Arts et des Lettres domina eman zioten.
• 2017: Arteen eta Letren zalduna
• 2002an, [Beyrouth] Catharsis liburua libururekin Beiruteko komiki-jaialdiko lehen saria.

• 2015 Phénix Literatura Saria, Le Piano oriental lanarekin, ACBD 2016 kritikaren sari nagusiko finalista eta BDren Fnac 2016 sariko finalista

Bibliografia

• Mathieu Pequignot; Zeina Abirached; Mathias Énard. (15/04/2019). Dans le refuge de Zeina Abirached et Mathias Enard. ..
• Laurence Le Saux. (20/11/2008). Zeina Abirached revisite son Liban. ..
• Laurence Le Saux. (02/09/2015). Le Piano oriental. ..
• Prendre refuge. 05/11/2018..
• Géant Vert. (septembre 2018). «Prendre refuge : de la difficulté d'aimer à travers les âges» dBD (126): 88..

Kanpo estekak

• Rencontre littéraire: Beyrouth, je me souviens
• Entretien avec Zeina Abirached, rencontre à la Bibliothèque publique d'information.

• Datuak: Q3575106
• Multimedia: Zeina Abirached / Q3575106