Zorrotzeko zubia

Wikipedia, Entziklopedia askea
Jump to navigation Jump to search
Zorrotzeko zubia
Usurbil santuenea zubia 0001.jpg
Zorrotzeko zubia Indalecio Ojangurenen argazki zahar batean. Atzean Usurbilgo kaxkoa.
Kokapena
Herrialdea  Euskal Herria
Probintzia  Gipuzkoa
Udalerria Usurbil
Koordenatuak 43° 16′ 00″ N, 2° 03′ 18″ W / 43.266598°N,2.055091°W / 43.266598; -2.055091Koordenatuak: 43° 16′ 00″ N, 2° 03′ 18″ W / 43.266598°N,2.055091°W / 43.266598; -2.055091

Zorrotzeko zubia[1] Gipuzkoako Usurbil udalerrian dagoen zubi bat da. Oria ibaia zeharkatzen du, Santuenea auzoa eta Kalezarko erriberak elkarlotuz.[2]

Historia[aldatu | aldatu iturburu kodea]

Aliriko zubiarekin batera Usurbilgo zubirik zaharrena da.[2] 1549an Juan Pérez de Arrillagak bere testamentuan erreal bana utzi zien Usurbilgo 2 zubiei.[3] Horrek zubiak zurezkoak zirela adieraziko luke eta dirua haien mantenurako izango litzateke.[4] 1592an Lucía de Mutiozavalek 2 erreal utzi zituen Çorroçako zubiaren konponketetan laguntzeko. Hori da zubiaren izenaren aipamenik zaharrena.[4] Luis Murugarren historialariak dionez zubi hau garai hartan Usurbil eta Aginaga arteko muga zen, Urdaiaga Aginagako aldea izango baitzen garai hartan.[4] 1639an Juanes de Ondaldagorrik aginagarrak zubia berreraikitzeko eskatu zion Usurbilgo Kontzejuari[3][5] eta gastuen bi heren bere gain hartzeko, beste herena aldiz Aginagak ordainduko luke.[3][4] Zubi hau Zestoa eta Donostia arteko errege bidean zegoela esaten zen.[4] Uholde handiek zurezko zatia hondatzen zutenean alak erabili behar izaten zituzten ibaia gurutzatzeko.[2] Zati bat zurezkoa izateak bidea mozteko aukera ematen zuen arrisku garaietan, batez ere gerrateetan.[4]

Donostiako Fortuna Kirol Elkarteak 1941ean antolatutako lehen martxa neurtua Usurbilgo Zorrotzeko zubitik igarotzen. Lehen lerroan eskuinetik bigarrena Juan San Martin da.[6][7]

1999ko eraberritzeko lanetan porlanezko bide zoru zabalagoa bota eta jatorrizko harrizko barandak metalezkoekin ordezkatu zituzten.[2]

Egitura[aldatu | aldatu iturburu kodea]

Harlanduz eraikitako erdi puntuko 4 arku ditu eta gainean porlanezko bide zorua. Harlanduzko zubi-brankak ditu pilareetan ura alboetara bideratzeko, bai ur gora eta bai ur behera.[2]

Erreferentziak[aldatu | aldatu iturburu kodea]

  1.   «Zorrotzeko zubia», Usurbilgo Toponimia, . Noiz kontsultatua: 2018-08-27 .
  2. a b c d e   «Zorrotzeko zubia», Usurbilgo ondarea ezagutzen, . Noiz kontsultatua: 2018-08-27 .
  3. a b c   Luis., Murugarren Zamora, (1974) Usúrbil, Aguinaga, Urdayaga y Zubieta Caja de Ahorros Municipal ISBN 8450063957 PMC 4741361 . Noiz kontsultatua: 2018-08-28 .
  4. a b c d e f   «Ba al zenekien? Zorrotzeko zubia», Usurbilgo Toponimia, . Noiz kontsultatua: 2018-08-27 .
  5.   Tellabide Azkolain, Josu, «Daldagorri», Usurbilgo baserriak eta baserritarrak, . Noiz kontsultatua: 2018-08-28 .
  6.   «Juan San Martin beste hiru mendizalerekin, Usurbilgo San Esteban zubia gurutzatzen», Gure Gipuzkoa, . Noiz kontsultatua: 2018-08-30 .
  7.   «Mendi ibilaldia», Fortuna Kirol Elkartea, . Noiz kontsultatua: 2018-08-30 .