Fortuna Kirol Elkartea

Fortuna elkarteko bazkideak (1927)

Fortuna Kirol Elkartea Donostiako kirol-elkarte bat da, 1911n sortua. Kirol-atal ugari dituen kluba da, eta oinarriko kirola sustatzea du helburu nagusia.

Historia

Klubaren jatorria Club Ciclista San Sebastián taldearen deuseztean dago, 1909an. Klub hori suntsitzean bi elkarte berri sortu ziren, alde batetik Real Sociedad, eta, bestetik 'Peña Fortunista' izenekoa, gerora, 1911n, Club Deportivo Fortuna bihurtu zena.

Hasiera-hasieratik hainbat atal eratu zituen klubak: futbola, atletismoa, pilota, medizaletasuna, txirrindularitza, igeriketa, etab.

1919an, Fortunak lehen aldiz antolatu zuen Behobia-Donostia lasterketa entzutetsua.

Arraun-atala

Fortuna Kirol Elkartea
Sorrera	1911
Herria	Donostia, Gipuzkoa
Lehendakaria	?
Entrenatzailea	?
Patroia(k)	Pablo Astudillo
Kolorea(k)	urdina eta gorria
Trainerua	Fortuna
Palmaresa	0 Kontxako Bandera 0 Euskal Liga 0 Espainiako Txapelketa 0 Euskadiko Txapelketa

Arraun-atala 1980ko hamarkadaren hasieran sortu zen. Hamarkada horren amaiera izan zen garairik oparoena, 3 bandera eskuratzeaz gainera Kontxako Banderan parte hartzea ere lortu baitzen. 2009an, Donostiarra traineru bateratuaren proiektura bildu zen Fortuna.

Emakumezkoak

• Gipuzkoako Batel Txapelketa (2): 2002 eta 2004.

Beteranoak

Beteranoen kategorian beteranoen ABE Traineruen Ligan parte hartu du hainbat urtez. 2019an hirugarren postua eskuratu zuen. 2021ean Beteranoen mailan Euskadiko distantzia luzeko traineru txapelketa irabazi zuen.

• ABE Traineruen Liga (0): hirugarren 2019an.
• Euskadiko Traineru Txapelketa (0): bigarren 2021ean.
• Euskadiko distantzia luzeko traineru txapelketa (1): 2021.
• Gipuzkoako Traineru Txapelketa (0): bigarren 2021ean.
• Arraunlari Beteranoen Topaketa (1): 2020.

Kanpo estekak

• Fortuna Kirol Elkartearen webgune ofiziala

• Datuak: Q2980260