Borodiankako bonbardaketa

Wikipedia, Entziklopedia askea
Borodiankako bonbardaketa
Irudia
Borodiankako eraikin bat, errusiar erasoaren ondorioz suntsiturikoa.
Map
Motabonba erasoa
gerra krimen
sarraski
Honen izena daramaBorodianka
Honen parte daKieveko erasoaldia
(Ukrainako inbasioa)
Data2022ko martxoa
KokalekuBorodianka, Kiev Oblasta (Ukraina)
HerrialdeaUkraina
Pertsona hilak41[1]
Erantzule Errusia

Borodiankako bonbardaketa 2022ko martxoan, Errusiako Ukrainaren inbasioaren testuinguruan, Borodianka herriaren bonbardatze handi bat izan zen, Errusiako Indar Armatuen eskutik.

Volodymyr Zelensky-k herriaren hondamendiaren berri eman zuen 2022ko apirilaren 7an, Butxako sarraskia aurkitu eta astebetera. Apirilaren 17rako, 41 gorpu aurkitu ziren herrian, zituzten Ukrainako Estatuko Larrialdi Zerbitzuaren arabera.[1]

Errusiaren erasoak[aldatu | aldatu iturburu kodea]

Sakontzeko, irakurri: «Kieveko erasoaldia» eta «Butxako sarraskia»

2022an Ukrainako errusiar inbasioaren aurretik, Borodianka, Kiev hiriaren iparraldean dagoen "kale bakarreko herri" lasaiak,[2] 13,000 biztanle inguru zituen.[3]

Errusiar indarrek Kieven eta Kiev inguruan borrokatzen ziren bitartean, Borodianka, zeina, estrategikoki garrantzitsua den errepide batean dagoen,[2] Errusiaren aire-eraso ugariren jomugan izan zen.[4] Iryna Venediktova-ren arabera, Ukrainako Fiskal Nagusia, errusiar soldaduek cluster-munizioak eta Tornado eta Uragan misilak erabili zituzten eraikinak suntsitzeko; halaber, misil hauek "gauez, jende gehien etxean egongo zenean" jaurti zituzten.[5] Herriko eraikin gehienak suntsitu egin ziren,[6] herriko kale nagusi ia guztiak barne.[7] Hala, Errusiako bonbek eraikinen erdiguneak jo eta kolapsatu egin zituzten markoak zutik jarraitzen zuten bitartean.[6][7] Oleksi Reznikov-ek, Ukrainako Defentsa ministroak, esan zuenez, bizilagun asko aire-erasoek bizirik lurperatu zituzten, eta, ondorioz, hilzorian egon zirela astebetez. Gainera, soldadu errusiarrek laguntzera joan zirenei tiro egin zietela esan zuen ere.[8]

Venediktovak ere zibilen aurkako "hilketak, torturak eta kolpeak" leporatu zizkien soldadu errusiarrei.[3][9]

Bizilagun batzuk kobazuloetan ezkutatu ziren 38 egunez.[4] 2022ko martxoaren 26an, Errusia, Kievetik baztertuta, eskualdetik pixkanaka alde egin zuen Donbassen kontzentratzeko.[10] Borodiankako alkateak esan zuen Errusiako konboia herrian zehar mugitu ahala, errusiar soldaduek irekitako leiho guztietatik tiro egin zutela. Amaierarako, gutxienez 200 hildako zenbatetsi zituen alkateak.[11]

Errusiarrak erretiratu zirenerako ehunka bizilagun baino ez ziren geratzen Borodiankan, bizilagunen %90 inguruk ihes egin zutelarik,[7] bai eta hondakinen arteko hildako kopuru ezezagun bat ere.[4] Atzera zihoazen tropa errusiarrek minak jarri zituzten herrian zehar.[7]

Ondorengo garapenak[aldatu | aldatu iturburu kodea]

Agence France-Pressek apirilaren 5ean iritsi zen Borodiankara. AFPk ez zuen gorpurik ikusi, baina suntsiketa hedatua izan zela jakinarazi zuen, eta etxebizitza batzuk "besterik gabe, jada ez zirela existitzen". Giza hildakoen kopurua ez zegoen argi: bizilagun batek jakinarazi zuen berak, gutxienez, zibil hilen kopurua bostekoa zela bazekiela; baina beste gorpu batzuk, berriz, hondakinen azpian zeudela eta oraindik ez zela haiek ateratzen saiatu.[10][12]

Apirilaren 7an, Venediktovak iragarri zuen hasiera batetan 26 gorpu aurkitu zirela suntsitutako bi eraikinetako hondakinetan.[13] Era berean, Borodianka "[Kiev-]inguruko herririk suntsituena" zela eta "biztanleria zibila jomugan jarri zutela" azpimarratu zuen, bertan "ez [bait]ago gune militarrik".[3][5] Volodymyr Zelensky Presidenteak esan zuen Borodiankan hildakoen kopurua Butxan baino "are okerragoa" zela.[13][14][15]

Europe 1 irrati-kateak jakinarazi zuenez, errusiarrak alde egin eta hamar egunera, suhiltzaileak lanean jarraitzen zuten hondakinetatik gorpuak berreskuratzeko, hauek duintasunez lurperatuak izateko; lala ere, haien lana zaildu egiten da beste eraikin batzuk erortzeko arriskuagatik. Edozein kasutan, egunero gorputz gehiago aurkitzen dira eta, ondorioz, bertako beilatokiak gainezka daude, gorpuak 100 kilometro edo gehiago garraiatuzera behartuz.[4]

Erreferentziak[aldatu | aldatu iturburu kodea]

  1. ↑ a b Prentice, Alessandra; Zinets, Natalia. (17 April 2022). «Ukrainian soldiers hold out in Mariupol, pope laments 'Easter of War'» Reuters.
  2. ↑ a b (Ingelesez) Pérez-Peña, Richard. (2022-04-05). «What Happened on Day 41 of the War in Ukraine» The New York Times ISSN 0362-4331. (Noiz kontsultatua: 2022-04-20).
  3. ↑ a b c «Guerre en Ukraine. A Borodianka, une situation « plus horrible » qu'à Boutcha.. Le point de la nuit» web.archive.org 2022-04-08 (Noiz kontsultatua: 2022-04-20).
  4. ↑ a b c d (Frantsesez) «Ukraine : à Borodianka, la difficulté d'extraire les cadavres» Europe 1 (Noiz kontsultatua: 2022-04-20).
  5. ↑ a b «"Borodianka is the most destroyed city in the Kyiv region. Evidence of Russian war crimes is here at every turn: cluster bombs, missiles, burned elements of the "Smerch". The whole world strives for peace and justice. Russia will be held accountable for its every deadly step. Бородянка - найзруйнованіше місто Київщини. Докази воєнних злочинів РФ тут на кожному кроці: касетні бомби, ракети, спалені елементи «Смерчу». Весь світ прагне миру і справедливості. Росія відповість за кожен свій смертоносний крок"» Twitter (Noiz kontsultatua: 2022-04-20).
  6. ↑ a b Karazy, Sergiy. (2022-04-08). Borodianka razed: Zelenskiy says situation 'more dreadful' than Bucha. .
  7. ↑ a b c d (Ingelesez) «Ukrainians return to Borodyanka after Russian withdrawal and find their town in ruins» NPR.org (Noiz kontsultatua: 2022-04-20).
  8. ↑ Nava, Victor I.. «Civilians “buried alive” in Borodyanka, “much worse” than Bucha, Zelensky says» Washington Examiner.
  9. ↑ «Під завалами будинків у Бородянці знайшли вже 26 загиблих» Focus.
  10. ↑ a b (Frantsesez) «Massacre de Boutcha : ce que l’on sait sur la découverte des corps de civils» Le Monde.fr 2022-04-05 (Noiz kontsultatua: 2022-04-20).
  11. ↑ «Guerre en Ukraine : la ville de Borodyanka dévastée par les frappes russes» Franceinfo 2022-04-06.
  12. ↑ «Guerre en Ukraine: Zelensky accuse les Russes de nouveaux massacres à Borodianka» HuffPost 2022-04-05.
  13. ↑ a b Senneville, Frédéric. (8 April 2022). «Ukraine : le bilan à Borodianka s'annonce 'bien plus horrible' qu'à Boutcha, affirme Zelensky» TF1.
  14. ↑ Senneville, Frédéric. (8 April 2022). «Guerre en Ukraine : Borodianka pire que le massacre de Boutcha ? L'angoisse des autorités ukrainiennes» La Dépêche du Midi ISSN 2100-0573..
  15. ↑ Henley, Jon. (). «Russia laments 'tragedy' of troop deaths as Zelenskiy warns of atrocities in Borodianka» The Guardian ISSN 0261-3077..

Ikus, gainera[aldatu | aldatu iturburu kodea]

Kanpo estekak[aldatu | aldatu iturburu kodea]


"https://eu.wikipedia.org/w/index.php?title=Borodiankako_bonbardaketa&oldid=8914604"(e)tik eskuratuta