Curtis T. McMullen
Curtis Tracy McMullen (Berkeley, Kalifornia, 1958ko maiatzaren 21a) estatubatuar matematikaria da.
Biografia
Williamstownen, Cambridgeko Unibertsitatean eta Parisen egin zituen lehenengo ikasketak. 1985ean bukatu zuen doktoregoa, Harvarden. Unibertsitate askotan aritu zen, Berkeleyko Kaliforniako Unibertsitateko irakasle izan baino lehen. 1998tik aurrera Harvarden irakasten du. 1998an Ameriketako Arte eta Zientzietako Akademiako kide aukeratu zuten. Geometrian eta dinamika konplexuetan (sistema dinamikoen teoriaren arloa) egindako lanari esker, Fields domina eman zioten. McMullenek beste ekarpen asko egin ditu matematikako alor desberdinetan, besteak beste ekuazio arbitrarioen ebazpenean eta Mandelbroten multzoan.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2014/11/20 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
| Autoritate kontrola |
|
|---|
Datuak: Q333959
Multimedia: Curtis T. McMullen / Q333959