Elvis Presley

Wikipedia(e)tik
Hona jo: nabigazioa, Bilatu
Elvis Presley
Elvis Presley
Datu pertsonalak
Izen osoa Elvis Aaron Presley
Jaio 1935eko urtarrilaren 8a
Tupelo, Misisipi, (AEB)
Hil 1977ko abuztuaren 16a
Memphis, Tennessee (AEB)
Musika
Musika tresnak Ahotsa, gitarra, pianoa
Generoa(k) Rock and roll, pop, rockabilly, country, blues, gospel, R&B
Webgunea http://elvis.com

Elvis Aaron Presley (Tupelo, Misisipi, 1935eko urtarrilaren 8a - Memphis, Tennessee, 1977ko abuztuaren 16a) rock abeslari eta aktore estatubatuarra izan zen. Historiako musikaririk garrantzitsuenetakotzat hartzen da Presley, hainbat eta hainbat musikarirentzako inspirazioa izan zen.

1956. urtean rock and roll kantari ezagun bihurtu zen, RCA disko etxearekin grabatzen hasi zenean. Rock and roll musikaren sortzailetzat hartu ohi da. Herri musika mota berri horrek county musika eta rythm eta blues delakoaren erritmo beltzak nahasten zituen. Rocka laster bihurtu zen bizitzeko eta ezarritako balioen kontra protesta egiteko modu. Presleyren nortasunak, janzkera eta orrazkera bereziak berebiziko arrakasta eta jarraitzaile ugari ekarri zioten mundu osoan zehar. 1956. urtean Heartbreak Hotel diskoa argitaratu zuen, milioi bat kopia baino gehiago saldu zituzten 45 diskoetatik lehena, Hound Dog, All Shook up, Don´t be Cruel eta Burning Love kantu famatuekin. Urte berean Love me tender filmean lan egin zuen, bere hogeita hamairu filmetan lehena, eta telebistan agertu zen ikusle kopuru handiko saioetan.

Film aipagarriak: King Creole (1958), Flaming Star (1961), Maitasuna Hawaiien (1961); Hitzordua Las Vegasen (1964) eta Elvis Show (1970).

"Erregea" esaten zioten eta 1977. urtean Memphis hiriko Graceland etxaldean zendu zen. Bere hilobia milaka miresleren erromes leku bihurtu da.

Ikus gainera[aldatu | aldatu iturburu kodea]

Commonsen badira fitxategi gehiago, gai hau dutenak: Elvis Presley Aldatu lotura Wikidatan

Erreferentziak[aldatu | aldatu iturburu kodea]


Biografia Artikulu hau biografia bati buruzko zirriborroa da. Wikipedia lagun dezakezu edukia osatuz.