Erich von Stroheim

Erich von Stroheim
	Irudi gehiago
Bizitza
Jaiotzako izen-deiturak	Erich Oswald Stroheim
Jaiotza	Viena, 1885eko irailaren 22a
Herrialdea	Austria-Hungariako Inperioa ; Ameriketako Estatu Batuak (1926 -
Lehen hizkuntza	alemana; ingelesa
Heriotza	Maurepas eta Paris, 1957ko maiatzaren 12a (71 urte)
Hobiratze lekua	Maurepas
Heriotza modua	berezko heriotza: minbizia
Familia
Ezkontidea(k)	Valerie Germonprez (en) (1919 -
Seme-alabak	ikusi Erich von Stroheim Jr. (en) ; Josef von Stroheim (en) ;
Hezkuntza
Hizkuntzak	alemana; ingelesa
Jarduerak
Jarduerak	film-zuzendaria, aktorea, gidoilaria, zinema aktorea eta zinema ekoizlea
Lan nabarmenak	ikusi Foolish Wives (en) ; Greed (1924ko filma); The Merry Widow (en) ; La Grande Illusion; Sunset Boulevard;
Jasotako sariak	ikusi Ohorezko Legioko zalduna (1957ko otsailaren 13a) ; Izarra Hollywoodeko Ospearen pasealekuan ;
Genero artistikoa	film mutua

Erich von Stroheim (Viena, Austria, 1885eko irailaren 22a - Maurepas, Frantzia, 1957ko maiatzaren 12a) Estatu Batuetako aktorea eta zinema-zuzendaria izan zen, jatorriz austriarra.

Biografia

Ikasketa militarrak egin zituen, baina 1909an gudarostetik alde egin, eta Estatu Batuetara erbesteratu zen. Lanbide askotan jardun zuen, 1914an Hollywooden lanean hasi zen arte. Aurreneko lanak Griffithekin egin zituen, aktore eta laguntzaile gisa, The Birth of a Nation (1915), Intolerance eta Hearts of the World (1918) filmetan. Militar gogor eta higuingarriaren antzezpenak maite zituen; bere bizitzan ere desertorea izanagatik, goi-mailako militarraren eta aitoren semearen itxurak egin zituen. Naturalismoaren eragina izan zuen, eta pertsonaia bihurri eta bortitzak zituen gustuko. Zinema mutuaren garaian egin zituen ia bere film guztiak, errealistak oso, xehetasunez beteak, sexua gordin agertzen zutenak; maisulanak guztiak, nahiz eta ekoizleek moztu, laburtu eta zenbaitetan filma bukatzen ere utzi ez zioten.

Stroheimen filmek eragin handia izan dute zinemaren historian. Film ahostun bakarra zuzendu zuen, Walking Down Broadway (1933). Zuzendaritza utzi, eta antzezle-lanetan eman zituen azken urteak, Frantzian bizileku harturik; antzezpen gogoangarriak egin zituen, batik-bat Renoirren La Grande Illusion (1937) eta Wilderren Sunset Boulevard (1950) filmetan. Beste filmak: Blind Husbands (1918, "Senar itsuak"); Foolish Wives (1921, "Emazte txoriburuak"); Greed (1923, "Zekenkeria"), bere lan bikainena; The Wedding March (1927, "Ezkontza-martxa"); The Merry Widow (1925, "Alargun zoriontsua"); Queen Kelly (1928, "Kelly erregina").

Erreferentziak

Wikimedia Commonsen badira fitxategi gehiago, gai hau dutenak: Erich von Stroheim

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q78508
Multimedia: Erich von Stroheim / Q78508