Errodrigo

Wikipedia(e)tik
Hona jo: nabigazioa, Bilatu
Errodrigo
Errodrigo

Crónica del Rey Don Rodrigo lanaren azala (1600 inguru).


710 – 711
Aurrekoa Egika
Ondorengoa Agila II.a

Jaiotza  ?
Heriotza 711
Jerez de la Frontera, Hispania

Errodrigo edo Roderic (Gotikoz: Hrothareiks, Latinez Rodericus, Arabieraz: لذريق Ludhric; 710-711) errege bisigodoa izan zen. Baskoiak menderatzen saiatu zen 710 urtean. Errodrigok ere mairuen aurkako gerra egin zuen 711 urtean.

Guadaleteko guduan erail zuten.

Biografia[aldatu | aldatu iturburu kodea]

Hispaniako azken errege bisigodoa izan zen, 710-711 bitartean (egungo Jerez de la Fronteran, Espainia, hila, 711).

Witizaren ondorengoa izan zen, noble bisigodoek haren seme gazteak eta familia osoa Toledotik egotzi ondoren. Badirudi Rodrigo, Txindasvinto erregearen biloba bera, Bætica (egungo Andaluzia) lurraldeko dux edo buruzagi militarra izan zela ordu arte. Euskaldunen aurka borrokatu zen; Witizaren aldekoek ez zuten inoiz erregetzat onartu. Witizaren semeek Ipar Afrikako gobernari berberiarrengana jo zuten Rodrigoren aurkako laguntza bila, eta Tarik ibn Ziyad, Tangerko gobernaria, Iberiar Penintsulara igaro zen 710ean, eta gudari talde gotorrago bat 711. urtean, Rodrigok Iruñeko hiria inguraturik zuenean.

Setio hura utzi eta musulmanen eta aurka zituen bisigodoen kontra borrokatu zen Guadalete ibaiaren ertzean. Hil egin zuten guduan. Berberiar musulmanek Toledoraino jarraitu eta arazo handirik gabe jabetu ziren bisigodoen hiri nagusiaz. Handik aurrera hasi ziren musulmanak Hispaniako bazterretan zabaltzen. Istorio asko zabaldu da Rodrigo erregearen inguruan; haien arabera, aseezina zen haren aginpide egarriak eta Julian konde bisigodoaren alaba, Florinda izenekoa, bortxatu izanak areagotu zuen noble bisigodoen haserrea.

Ikus, gainera[aldatu | aldatu iturburu kodea]


Aurrekoa
Witiza
Bisigodoen erregea
Rex Visigothorum

710-711
Ondorengoa
Agila II.a
Commonsen badira fitxategi gehiago, gai hau dutenak: Errodrigo Aldatu lotura Wikidatan

Erreferentziak[aldatu | aldatu iturburu kodea]