Eskoziako futbol selekzio nazionala

Eskoziako bandera.

Eskoziako futbol selekzio nazionala munduko hiru talde zaharrenen artean dago, Ingalaterra eta Galeskoekin batera. 1872ko azaroaren 30ean jokatu zuten lehenengo partida, ingelesen aurka eta etxean hain zuzen ere (0-0).

Sorreratik bertatik parte hartu dute independienteki txapelketa ofizial guztietan, Olinpiar Jokoetan izan ezik.

Glasgown (Hampden Park) jokatzen ditu etxeko partidak.

Entrenatzaileak

• Craig Brown (1993-2002) partida gehien gidatu duen entrenatzailea: 70 partida (32 irabazita, 18 berdinduta, 20 galduta).
• Andy Roxburgh (1986-1993) partida gehien gidatu duen bigarren entrenatzailea: 62 partida (23 irabazita, 19 berdinduta, 20 galduta).
• Jock Stein (1978-1985) partida gehien gidatu duen hirugarren entrenatzailea: 61 partida (26 irabazita, 12 berdinduta, 23 galduta).
• Craig Levein (2009 -) gaurko entrenatzaile eskoziarra da.

Jokalariak

• Kenny Dalglish: aldi gehien aritutako jokalaria da (102 partida), 1971tik 1986 arte. Dalglish bera (30 gol) eta Denis Law (30 g/55 p) inoizko golegile nagusiak dira.
• Jim Leighton: partida gehien jokatutako bigarren jokalaria (91 p, 0 g, atezaina, 1982-1998).
• Alex McLeish: partida gehien jokatutako hirugarren jokalaria (77 p, 0 g, atzelaria, 1980-1993).
• Hughie Gallacher: gol gehien sartu duen hirugarren jokalaria (20 p, 23 g, aurrelaria, 1924-1935).

Munduko txapelketan

Zortzi aldiz parte hartu dute, 1954, 1958, 1974, 1978, 1982, 1986, 1990 eta 1998an hain zuzen ere.

Hala ere, lehenengo fasea inoiz ez du gainditu.

Europako txapelketan

Birritan sailkatu ziren, 1992an eta 1996an , Suedian eta Ingalaterran hurrenez hurren.

Ez batean ez bestean ere ez zuten lehenengo fasetik aurrera egin.

Kanpo loturak

• (Ingelesez) The "Scottish Football Association"