Europar Batasuneko Kontseilua

Wikipedia(e)tik
Hona jo: nabigazioa, Bilatu
Ez nahasi Europar Kontseiluarekin edota Europako Kontseiluarekin.
Europar Batasuna
EU Insignia.svg
Itunak
Erakundeak
Justizia
Bestelakoak
Egoitzak


Europar Batasuneko Kontseilua (lehen Ministroen Kontseilua) Europar Batasuneko organo legegile garrantzitsuena da. Idazkaritza nagusia Bruselan kokatzen da eta Javier Solana espainiarra du idazkari nagusi Kontseiluak.

Kontseiluak, EBko estatu-partaideen gobernuak ordezkatzen ditu Europar Batasunean.

Ez da nahastu behar Europako Kontseiluarekin, berez zerikusirik ez duena Europar Batasunarekin.

Ezaugarriak[aldatu | aldatu iturburu kodea]

Logoa

Europar Batasuneko Kontseilua Europar Batasuneko herrialdeetako ministro eskudunek osatzen duten erakunde aholku-emaile eta erabakitzailea da; erakunde horri "Ministro Kontseilua" esaten zaio, bere izen ofiziala hori ez bada ere. Batasunaren goi erakunde erabakitzailea da. Europako Parlamentuarekin batera, kideek Europar Batasuneko legeria onartzen duten eztabaidagunea da Kontseilua. Europako Kontseiluak Batzordeak egindako proposamenen gaineko erabakiak baino ezin ditu hartu, ordea. Estatu kideetako ordezkariek bertan defendatzen dituzte nazio bakoitzaren interesak, eta, hortaz, eztabaidagune horretan sortzen dira Europako helburuen eta estatu kide bakoitzaren interesen arteko konpromisoak. Kontseiluak zeregin oso garrantzitsua du gobernuen arteko lankidetzan oinarritutako arloetan; esate baterako, atzerri eta segurtasun komunerako politikan, eta Justizia arloko eta barne arazoetarako lankidetzan. Laurogeita hamarreko hamarkadaren hasiera arte, Kontseilua zen Europar Batasuneko organo legegile bakarra. Harrezkero ordea, egoera aldatu egin da erabat. Gaur egun, erabaki bat hartu behar den bakoitzean Kontseiluak elkarlanean jarduten du Europako Parlamentuarekin; izan ere, arlo askotan, Kontseiluak ezin du erabakirik hartu Parlamentuaren onarpenik gabe. Osaketari dagokionez, eta Kontseilua Gobernu nazionaletako ministroen bilgunea denez, eztabaidagaiaren arabera aldatzen dela esan behar da (hogei osaketa desberdin baino gehiago daude: ekonomia eta finantzak, kanpo arazoak, hezkuntza eta telekomunikazioak, besteak beste). Ministroek eskumena dute beren gobernuentzat lotesleak diren erabakiak hartzeko. Beraz, Kontseiluko kideek politikaren ardura dute beren parlamentu nazionalen eta hiritarren aurrean. Kontseiluaren lana ahalik eta eraginkorrena izan dadin, Estatu kide bakoitzak sei hilabeteko txandaz izaten du presidentzia. Jorratzen diren gaien larritasunaren arabera aldatzen da Europar Batasuneko Kontseiluaren bileren maiztasuna. Hala, esaterako, Ekonomia eta Finantza Kontseilua eta Nekazaritza Kontseilua, hilero bildu ohi dira.

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Europar Batasuneko Kontseilua Aldatu lotura Wikidatan
  • Europako Batasuneko Kontseiluaren webgune ofiziala (Bulgarieraz) (Txekieraz) (Danieraz) (Alemanez) (Estonieraz) (Grezieraz) (Ingelesez) (Gaztelaniaz) (Frantsesez) (Gaeleraz) (Italieraz) (Letonieraz) (Lituanieraz) (Hungarieraz) (Malteraz) (Nederlanderaz) (Polonieraz) (Portugesez) (Errumanieraz) (Eslovakieraz) (Eslovenieraz) (Finlandieraz) (Suedieraz)