Hunberto I.a Italiakoa

Wikipedia(e)tik
Hona jo: nabigazioa, Bilatu
Hunberto I.a Italiakoa

Hunberto I. Savoiakoa (Turin, 1844ko martxoaren 14Monza, 1900ko uztailaren 29), italieraz Umberto I di Savoia bezala ezagutua, Italiako erregea 1878tik 1900era.

Umberto Rainerio Carlo Emanuele Giovanni Maria Ferdinando Eugenio, Piamonteko printzea, Turinen jaio zen, Piamonte-Sardinia erresumako hiriburuan. Viktor Emanuel Savoiakoaren (Italiako lehenenego erregea) eta Maria Adelaida Habsburgo-Lorrenakoaren (Austriako Etxearen artxidukesa) semea izan zen.

Massimo Taparelliren (Azeglioko markesa) eta Pasquale Stanislao Manciniren ardura izan zen Hunberto printzearen heziketa.

1868an Hunberto printzea ezkondu zen bere lehengusinarekin, Margarita Teresa Savoiakoa. Bikoteak seme bat izan zuen, Viktor Emanuel (1869-1947).

1858tik aurrera, Hunberto Savoiakoak militar karrerari ekin zion, kapitan mailatik hasita. Solferinoko guduan parte hartu zuen (1859), eta 1866an Custozako guduan dibisio militar baten buru izan zen, nahiz eta borrokan zuzenean ez zuen parte hartu.


1878ko urtarrilaren 9an, bere aitaren (Viktor Emanuel II.a Italiakoa) heriotzaren ondoren, Hunberto Savoiakoa Italiako errege bihurtu zen Hunberto I.a izenarekin.

Hilketa[aldatu | aldatu iturburu kodea]

Hunberto I.a Monzara joan zen, Lonbardian, kirol-ekintza batera 1900eko uztailean. Uztailaren 29an, afaldu ondoren, Hunberto I.a bost tiroz asasinatu zuen Gaetano Bresci anarkistak.

Bat-bateko heriotzaren ondoren, bere semeak Viktor Emanuelek oinordetu zuen Itailako tronua. Hunberto I.a erregea Erromako Panteoian dago hobiratuta.

Caras y Caretas aldizkari argentinarraren azala, Hunberto I.a Italiakoaren oroimenez (1900eko abuztua)
Commonsen badira fitxategi gehiago, gai hau dutenak: Hunberto I.a Italiakoa Aldatu lotura Wikidatan