Hunberto I.a Italiakoa

Wikipedia(e)tik
Hona jo: nabigazioa, Bilatu
Hunberto I.a Italiakoa
Hunberto I.a Italiakoa

1878ko urtarrilak 9 – 1900eko uztailak 29
Aurrekoa Viktor Emanuel II.a
Ondorengoa Viktor Emanuel III.a

Jaiotza 1844ko martxoaren 14a
Turin, Flag of the Kingdom of Sardinia.svg Sardiniako Erresuma
Heriotza 1900ko uztailaren 29
Monza,  Italia
Ezkontidea Margarita Teresa Savoiakoa
Senideak aita: Viktor Emanuel II.a
ama: Adelaida Austriakoa
Seme-alabak Viktor Emanuel III.a
Erlijioa Katolikoa
Sinadura Hunberto I.a Italiakoa-ren sinadura
Great coat of arms of the king of italy (1890-1946).svg

Hunberto I.a Savoiakoa (italieraz: Umberto Rainerio Carlo Emanuele Giovanni Maria Ferdinando Eugenio; Turin, 1844ko martxoaren 14aMonza, 1900ko uztailaren 29a), izengoitiz Ona (italieraz: il Buono), 1878tik 1900era Italiako erregea izan zen. Viktor Emmanuel II.aren semea eta ondorengoa izan zen. Politikan Italian sozialismoa heda ez zedin ahalegindu zen. Bere aurka antolatutako atentatu batzuetatik ihes egin bazuen ere, Bresci anarkistak hil zuen[1].

Biografia[aldatu | aldatu iturburu kodea]

Hunberto I.a, Piemonteko printzea, Turinen jaio zen, Piamonte-Sardinia erresumako hiriburuan. Viktor Emanuel Savoiakoaren eta Maria Adelaida Habsburgo-Lorrenakoaren semea izan zen.

Massimo Taparelli, Azeglioko markesa, eta Pasquale Stanislao Mancinik izan zuten Hunberto printzearen heziketaren ardura. 1858tik aurrera, karrera militarrari ekin zion, kapitain mailatik hasita. Italiaren Independentzia Gerretan parte hartu zuen: 1859an Solferinoko guduan egon zen, eta 1866an gertatutako Custozako porrotan dibisio militar baten buru izan zen, nahiz eta borrokan zuzenean ez zuen parte hartu. Azken gudu horretan, soldaduen biziak salbatzeko izan zuen jokabide erabakigarriak entzute handia eman zion[2].

1868an Margarita Teresa Savoiakoa lehengusinarekin ezkondu zen bere. Bikoteak seme bat izan zuen, Viktor Emanuel (1869-1947)[2].

1878ko urtarrilaren 9an, Viktor Emanuel aitaren heriotzaren ondoren, Italiako errege bihurtu zen, Hunberto I.a izenarekin.

1900eko uztailean Monzara (Lombardia) joan zen, kirol-ekintza batera. Uztailaren 29an, afaldu ondoren, Gaetano Bresci anarkistak bost tiro emanda erail zuen. Ezusteko heriotzaren ondoren, Viktor Emanuel semeak oinordetu zuen Italiako tronua. Hunberto Erromako Agriparen Panteoian ehortzi zuten.

Erreferentziak[aldatu | aldatu iturburu kodea]

  1. Lur entziklopedietatik hartua.
  2. a b Umberto I Global.britannica.com
Commonsen badira fitxategi gehiago, gai hau dutenak: Hunberto I.a Italiakoa Aldatu lotura Wikidatan