Juan Martinez de Irujo
| Irujo | |||
|---|---|---|---|
 |
|||
| Izen osoa: | Juan Martinez de Irujo Goñi | ||
| Jaiotza data: | 1981eko azaroaren 4a (30 urte) | ||
| Jaioterria: | Ibero (Nafarroa) | ||
| Egungo enpresa: | Aspe | ||
| Postua: | Aurrelaria | ||
| Altuera: | 1,86 m | ||
| Pisua: | 84 kg | ||
| Debutatze data: | 2003ko ekainaren 6a | ||
| Debutatze pilotalekua: | Labrit (Iruñea) | ||
Juan Martinez de Irujo Goñi, pilotazaleen artean Martinez de Irujo deituraz ezaguna (Ibero, Nafarroa, Euskal Herria, 1981eko azaroaren 4a), esku huskako pilotari profesionala da, aurrelaria hain zuzen ere, Aspe enpresakoa. Estatistika ofizialen arabera, 1,86 m luze da, eta 84 kg pisatzen du. Profesionaletako lehendabiziko partida 2003ko ekainaren 6an jokatu zuen, Iruñeko Labrit pilotalekuan. Egun, Mutiloabeitin bizi da.
Eduki-taula |
[aldatu] Kirol ibilbidea
Debutatu eta berehala, izugarrizko 'boom'a egin zuen, hiru hilabetetara goi-goi mailan zegoen, sei hilabetetara lehen mailako partiduak jokatzen, eta urtebetera buruz buruko txapeldun eta binakako txapeldunorde zen jada. Ordurako, kazetari eta pilota jakitun denek esaten zuten 22 urteko mutil indartsu hori pilotaren historiara pasatuko zela.
2004ko maiatzaren 9n, Gasteizko Ogeta pilotalekuan, Aimar Olaizolaren aurka jokatu zuen buruz buruko finalerdietako partida. Juanek bere lehen txapelketa jokatzen zuen, eta bertan orduan txapeldunordea zen Aimar Olaizolari 1-22 irabazi zion bertako jendea aho zabalik utziz, egun hori izan zen bere bizitzako partidu gogoragarriena.
2004 eta 2005 urteetan, bietan txapel eta txapeldunordetza bana eraman zituen, eta 2006a izan zuen orain arteko bere urterik onena, hiru txapelak irabazi baitzituen. Pilotaren historian, beste inork ez du hori lortu.
2007 eta 2008 urteak oso txarrak izan ziren lesioen ondorioz eta bi urtetan final bakarra jokatu eta hura galdu egin zuen. 2009a aldiz, urte ia bikaina izan zen beretzat, lesioak eta ebakuntzak ahaztu, eta binaka eta buruz buru txapeldun izan zen; lau eta erdian, ordea txapeldunordetzarekin konformatu behar izan zuen.
2010n bere laugarren Buruz Burukoa irabazi zuen, eta hau bere alaba jaio berria Arhaneri eskaini zion, partida amaieran pilotariak bere txapel garrantzitsuena izan zela esan zuen. Izan ere, egun hartan, txapel bat gehiago irabazi ez ezik, behingoz bere bolada txar luzea amaiarazi zuen; eta, oraindik jardun profesionalean jarraitzen zuten pilotari guztien artetik, txapel gehien zituena bihurtu zen.
Pilota arloko jakitunek kirol honen historia guztiko bigarren pilotari onena dela jotzen dute, Julian Retegiren ondoren.[erreferentzia behar]
[aldatu] Bitxikeriak
- Futbolean, Real Sociedaden zale sutsua da.
- Gemma neskalagunarekin eta Arhane alabarekin bizi da.
- 2006 arte, belarritakoak eramaten zituen; baina, bat galdu ondoren, bestea ere kendu egin zuen.
- Bere kirol-ibilbidearen hasieran elastikoan «MTEZ. IRUJO» izan ohi zuen idatzita, baina buruz buruko lehen txapela irabazi ondoren «MTZ. de IRUJO»ra aldatu zuen.
- Profesionaletan aritu baino lehen trinketean ibili zen denbora batez, eta han biziki hobetu zuen aireko jokoa.
- 21 urte bete arte, Iruñeko Oberena taldean ibili zen.
[aldatu] Palmaresa
- Binakako txapelduna: 2005, 2006 eta 2009
- Binakako txapeldunordea: 2004
- Buruz buruko txapelduna: 2004, 2006, 2009 eta 2010
- Buruz buruko txapeldunordea: 2005
- Lau eta erdiko txapelduna: 2006 eta 2010
[aldatu] Estatistikak
2011ko abuztuaren hasieran, zenbaki hauek zituen Irujok, bere enpresaren webguneko fitxaren arabera:
| Jokatutako partidak | Irabaziak | Galduak | Aldeko tantoak | Aurkako tantoak |
| 554 | 328 | 226 | 10643 | 10015 |
[aldatu] Kanpo loturak
- (Gaztelaniaz) Enpresako fitxa
- (Gaztelaniaz) Facebookeko orria
- (Euskaraz) Elkarrizketa Argian
