Melchior de Polignac

Melchior de Polignac.

Melchior de Polignac (Le Puy, Frantzia, 1661eko urriaren 11 - Paris, 1742ko azaroaren 20a) frantses kardinala eta diplomatikoa izan zen.

Biografia

Apaiz egin ondoren Erromara abiatu zen (1689), eta Egoitza Santuaren eta Frantziaren arteko ezagutza lortu zuen. Polonian enbaxadore izan zen (1693), eta Joan III.a Sobieski hil zenean (1696), Contiko printzea zen François-Louis errege izendatzea lortu zuen, baina beranduegi iritsi zen aginpidera, eta Luis XIV.ak Polignac-i leporatu zion hutsa. Frantziaren ordezkari izan zen Probintzia Batuen eta Britainia Handiaren arteko negoziaketetan (1710-1713). 1712an kardinal hautatu zuten, eta 1726an Auchko artzapezpiku. Anti-Lucretius poema handia amaitu gabe hil zen.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.