Misera

Wikipedia(e)tik
Hona jo: nabigazioa, Bilatu
Misera
Iraute egoera
Sailkapen zientifikoa e
Erreinua: Animalia
Filuma: Arthropoda
Azpifiluma: Crustacea
Klasea: Malacostraca
Ordena: Decapoda
Familia: Nephropidae
Generoa: Homarus
Espeziea: Homarus gammarus
(Linnaeus, 1758)
Sinonimoak [2]
  • Cancer gammarus Linnaeus, 1758
  • Astacus marinus Fabricius, 1775
  • Astacus gammarus Pennant, 1777
  • Homarus marinus Weber, 1795
  • Astacus europaeus Couch, 1837
  • Homarus vulgaris H. Milne-Edwards, 1837

Misera edo abakandoa[3] (Homarus gammarus) Nephropidae familiako krustazeo espezie bat da, sukaldaritzan oso aintzat hartua. Batzuetan, europar misera izena ematen zaio, genero bereko beste espezie bakarretik bereizteko (amerikar misera, Homarus americanus).

Otarrainaren antza handia du, baina miseraren aurreko hankek haginak dituzte.

Hedapena[aldatu | aldatu iturburu kodea]

Otarrainaren bizilekua Ozeano Atlantikoaren ipar-ekialdea da, Norvegia hegoaldetik Marokoraino, Euskal Herria barne. Mediterraneoa mendebaldean, Kretan, Itsaso Beltzaren iparraldean eta Azoreetan ere bizi da.

Ezaugarriak[aldatu | aldatu iturburu kodea]

Miseraren haginak

Miseraren oskola beltz urdinkara da, orban argiekin.

Miserak bost hanka pare ditu, horietako lau toraxean eta, nahiz eta txikiak izan gorputz osoarekiko, animalia mugitzeko adina indar dute. Aurreko hanka pareak berriz, haginak dituzte, horietako bat ertz zorrotzekoa, ebakitzeko, eta bestea zapalagoa, birrintzeko.

Buruan bi antena luze eta bi labur ditu.

Bizi zikloa[aldatu | aldatu iturburu kodea]

Misera animalia bakartia, gauekoa eta lorraldekoia da, egunean zehar itsas hondoko zulo eta pitzaduretan bizi dena. Udan, miserek migratu egiten dute sexukide bila. Garai hau izaten da aproposena arrantzatzeko. Emeek hamaika hilabetez eramaten dituzte arrautzak, ia urte osoan zehar hortaz. Arrautzetatik larba planktonikoak irteten dira, 2-3 astez ur zutabe baten mantenduz. Ondoren, ur zutabetik kanporatu eta hondoko zulo batean kokatzen dira, bertan 2 urte igaroz. Oskola 15 mm luze denean, hondar-zuloa utzi eta arroketako pitzaduretara joaten dira. Heldutasuna 4-5 urteren buruan lortzen dute.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Misera Aldatu lotura Wikidatan