Artikulu hau etorkizunean gerta litekeen gertakari bati buruzkoa da. Litekeena da orri honetako informazioa edozein unetan aldatzea, beraz.
Lehen maila RFEFko2021-22 denboraldia txapelketa honen lehenengo edizioa izango da eta Espainiako futbol liga sistemako hirugarren maila izango da.. 2021eko abuztuan hasiko da, eta 2022ko maiatzean amaituko da. Ondoren igoera kanporaketak jokatuko dira.
2021-22. denboraldiko txapelketa berria izango da parte-hartzaile guztientzat.
Espainiar Estatuko berrogei klubek parte hartuko dute, hurbiltasun geografikoaren arabera hogei taldez osaturiko bi multzotan banatuta. Multzo bakoitzean, futbol talde bakoitzak elkarren aurka jokatuko du 2 aldiz; bat norberaren zelaian eta beste bat aurkariarenean; guztira 38 jardunaldi jokatuz. Partiduen ordena zozketa bidez erabakiko da lehiaketa hasi aurretik. Espainiako Futbol Federazioa arduratuko da partidetako data eta epaileak zehazteaz, betiere etxeko taldeari partiduaren ordua zehazteko eskumena emanez.
Partiduko garaileak hiru puntu lortzen ditu, galtzaileak zero puntu, eta berdinketa emanez gero talde bakoitzak puntu bat. Txapelketa amaitzean, multzo bakoitzeko txapeldunak zuzenean Bigarren Mailara igotzen dira eta bigarren eta bosgarren postuen artean sailkatutakoek igoera lortzeko promozio fasea jokatuko dute. Parekatzeetan multzo bateko bigarrenak beste multzoko bostgarrenaren aurka jokatuko du eta multzo bateko hirugarrenak beste multzoko laugarrenaren aurka.[1] Igoera honek partida bakarreko kanporaketa formatua du, luzapenarekin, baina penaltien jaurtiketarik gabe (berdinketarik izanez gero, liga erregularrean postu onena lortu duen taldea sailkatzen da). Fase erregularrean postu berean geratu diren taldeen artean luzapenaren ostean berdinketa emanez gero, penalti jaurtiketak egongo lirateke. Promozio faseko bi garaileak Bigarren Mailarara igoko dira.