Real Valladolid

Wikipedia(e)tik
Hona jo: nabigazioa, Bilatu
Real Valladolid
Ezizena(k) Pucela
Sorrera 1928
Futbol zelaia José Zorrilla
(edukiera: 26.512 lagun)
Presidentea Espainia Carlos Suárez Sureda
Entrenatzailea Katalunia Rubi
Liga 2. maila
2013-14 Lehen maila, 19.a
(jeitsi egin da)
Webgunea Webgune ofiziala
Taldearen koloreak Taldearen koloreak Taldearen koloreak
Taldearen koloreak
Taldearen koloreak
 
Etxekoa
Taldearen koloreak Taldearen koloreak Taldearen koloreak
Taldearen koloreak
Taldearen koloreak
 
Kanpokoa
1927ko Real Unión Deportiva taldea.
2010-11 denboraldiko taldea.

Real Valladolid Club de Futbol 1928an sortutako Valladolidko (Gaztela eta Leon) futbol taldea da, bigarren mailan jokatzen duena. Titulu garrantzitsurik irabazi ez badu ere Lehen mailan denboraldi gehien egin duen 14. taldea da.

Historia[aldatu | aldatu iturburu kodea]

Sorrera eta lehenengo urteak[aldatu | aldatu iturburu kodea]

1924 urtean bi talde futbol sortu ziren Valladoliden, biak ere politikoki nabarmen markatuak, Real Unión Deportiva (kontserbadorea) eta Club Deportivo Español (progresista). Biek ala biek Gaztela-Leongo kopa bana irabazi eta Errege Kopan ere ondo aritu ziren. 1928an bien indarrak elkartu eta 1928ko ekainaren 30ean Real Valladolid Deportivo sortu zen. Lehenengo partidua Alavesen kontra jokatu eta 2-1 irabazi zuen, euskaldun jatorriko hainbat jokalari bere taldean zituela (Arana, Orue eta Echevarria besteak beste). Hala ere liga sortu berrian Bigarren B mailan kokatu zuten eta 1948 arte ez zuen lehenengo mailara igotzerik lortu.

Urrezko aroa[aldatu | aldatu iturburu kodea]

1948an bigarren mailako txapeldun izanik lehen mailara igotzean Helenio Herrera entrenatzailea fitxatu eta 12. postuan bukatu zuen. Hurrengo urtean aurredenboraldian Iruñean lagunarteko partida jokatzetik bueltan zetorrela jokalarien autobusak istripu larria izan zuen, hainbat jokalari zauritu zirelarik. Urte hartan 9. postua lortu zuten ligan eta Kopako finala jokatzera iritsi ziren Bilboko Athletic Klubaren aurka 4-1 galdu zutena. Arauzko denbora amaitzean 1-1 zihozen baina luzapenean Zarrak hiru gol sartu zituen. Coque zen Valladolideko taldearen izarra.

Hurrengo urtean liga bikain hasi zuten (hirugarren lehen itzulian) eta azkenean 6. postua eskuratu zuen. Urteak pasa ahala taldearen indarra gutxitzen joan zen taularen erdialdean kokatuz. 1956/57 urtean zortzigarren egin ondoren zuzendaritzak taldearen erdia saldu behar izan zuen eta hurrengo urtean maila galdu zuen.

Bigarren mailako taldea[aldatu | aldatu iturburu kodea]

Urte batzutan igo eta jeitsi egon ondoren 60. eta 70. hamarkadetan bigarren mailan finkatu zen Real Valladolid, urteren batean hirugarren maila ere ezagutu zuelarik. 1978an lehen mailara igotzeko taldea osatu zen baina gol bakar baten erruz ez zuen bere heldurua lortu. Kopan hala ere final erdietara iritsi zen. 1979/80 urterako talde apalagoa prestatu zuen arren lortu zuen Lehen Mailara igotzea 16 urteren ondoren.

Estadio berria, titulu bat eta Europa[aldatu | aldatu iturburu kodea]

Lehen mailara igotzean taldearen bazkide kopurua 14.000ra iritsi zen eta estadio zaharra txiki gelditu zenez 1982an José Zorrilla Estadio Berria inauguratu zuen. 1983/84 denboraldian ekainean jokatu ohi zen Ligako Kopa irabazi zuen eta hau da orain arte lortu duen titulu bakarra. Garaipen honek gainera UEFA Kopan jokatzeko aukera eman zion.

1985ean Vicente Cantatore entrenatzaile argentinarra fitxatu zuen eta garai berri bat hasi zen Valladoliden. 1988/89 denboraldia bikaina izan zen eta ligan 6. bukatzeaz gain Kopako bigarren finala jokatu zuen, Real Madrilen aurrean 1-0 galdu zuena. Hurrengo urtean entrenatzailea eta Fernando hierro jokalaria galdu zituen eta ligan larri ibili bazen ere Europako Errekopan final laurdenak jokatu zituen.

1990/91 denboraldirako Pacho Maturana entrenatzaile kolonbiarra fitxatu zuen, eta honek garai hartan modan zegoen Kolonbiako selekzioko jokalariak ekarri zituen, Higuita atezaina, Valderrama eta Alvarez. Hala ere kirol emaitzak ez ziren onak eta diru arazo larriak zirela eta desagertzear egon zen taldeak maila galdu zuen.

Berehala itzuli zen lehen mailara eta urte batzutan larri ibili arren 1996an berriz Cantatore ekarri eta UEFA Kopara sailkatzea lortu zuen. 2003 arte lehen mailan jarraitu zuen.

Azken jeitsiera 2010 urtean izan zuen baina 2012an play-offa jokatu eta berriz lehen mailara igo zen. 2012-13an denboraldi txukuna egin ondoren 14. postuan gelditu zen. 2013-14an ordea ezin izan dio mailari eutsi.

Uniformea[aldatu | aldatu iturburu kodea]

Real Unión Deportiva zuri-gorria zen eta Club Deportivo Español aldiz zuri-urdina. Biek bate egiterakoan morea eta zuria hartu zituen, praka zuriekin, izan ere gorriaren eta urdinaren nahasketa baita morea. Honetaz gain Gaztelaren kolorea ere morea da.

Jokalariak[aldatu | aldatu iturburu kodea]

2014ko urtarrilaren 31n[1]

Zbk. Postua Jokalaria
1 Espainia ATE Jaime
2 Serbia ATZ Antonio Rukavina
3 Dominikar Errepublika ATZ Heinz Barmettler
4 Katalunia ATZ Marc Valiente
5 Italia ERD Fausto Rossi (Juventusek utzia)
6 Espainia ATZ Jesús Rueda
7 Kolonbia AUR Humberto Osorio
8 Espainia ERD Javier Baraja (kapitaina)
9 Espainia AUR Javi Guerra
10 Espainia ERD Óscar González
11 Suedia ERD Daniel Larsson
Zbk. Postua Jokalaria
13 Galizia ATE Diego Mariño
14 Espainia ERD Omar Ramos
15 Serbia ATZ Stefan Mitrović (Benficak utzia)
16 Espainia ERD Lluís Sastre
17 Espainia ATZ Carlos Peña
18 Espainia ERD Álvaro Rubio
19 Albania ERD Valdet Rama
21 Maroko ATZ Zakarya Bergdich
22 Espainia ERD Víctor Pérez
23 Angola AUR Manucho
24 Espainia AUR Jeffrén Suárez

Utziak[aldatu | aldatu iturburu kodea]

Zbk. Postua Jokalaria
Venezuela ATE Dani Hernández (Asteras Tripolin 2014ko ekainaren 30 arte)

Irabazitako txapelketak[aldatu | aldatu iturburu kodea]

Espainiako txapelketak: 1[aldatu | aldatu iturburu kodea]

bi aldiz finalista, 1950 eta 1989an.

1984

Erreferentziak[aldatu | aldatu iturburu kodea]

  1. Real Valladolid Primer equipo (Plantilla). 2014.01.31

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Real Valladolid Aldatu lotura Wikidatan