San Paulo Harresiz Kanpokoa
Erromako hirugune historikoa, Aulki Santuaren jabetza hiri honetan lurraldez kanpoko eskubideak dituztenak eta San Paulo Harresiz Kanpokoa1 UNESCOren gizateriaren ondarea | |
Fatxada nagusia eta ataria | |
Mota | Kulturala |
Irizpideak | (i) (ii) (iii) (iv) (vi) |
Erreferentzia | 91 |
Kokalekua | |
Eskualdea2 | Europa eta Ipar Amerika |
Izen ematea | 1980 (IV. bilkura) |
Luzapen urtea | 1990 |
1 UNESCOk jarritako izen ofiziala (euskaratua) 2 UNESCOren sailkapena |
San Paulo Harresiz Kanpokoa (italieraz San Paolo fuori le Mura, latinez Sancti Pauli extra moenia) Erromako lau basilika nagusietako bat da, San Joan Laterangoa, San Petri Vatikanokoa eta Santa Maria Nagusiarekin batera. Francesco Monterisi artzapezpikua da basilika honetako artzapeza, 2009an izendatua.
Arkitektura
Basilikaren barnealdea 131,66 metro luze da, 65 metro zabal eta 29,70 garai, Montofarnoko granitozko 80 koloma monolitikorekin. Bost nabe ditu.
Ataria Calderinik eraiki zuen 1928an, eta 70 metro luze da. Fatxadako pronaosak Bavenoko granito arrosazko 10 koloma monolitiko ditu, ilara bikoitzekoa alboetan eta hirukoitzekoa Tiber aldean, guztira 146.
Artzapezak
2005eko maiatzaren 31n, Benedikto XVI.aren aginduari jarraiki, basilika artzapez kardinal baten kontrolpean ipini zuen, beste hiru basilika nagusien antzera. Lehen artzapez kardinala Andrea Cordero Lanza di Montezemolo izan zen.
San Pauloren hilobia industen
Basilika Paulo Tartsokoaren hilobiaren gainean eraiki zela uste da. Atxikia duen beneditarren monetarioko kronikaren arabera, sute osteko berreraikuntzan haitzurdinezko sarkofago handi bat aurkitu zen, zurezko bi ohol zituena. Bertan Paulo Apostolo Mart(yri) idazkuna agertzen omen zen. Hala ere, garai hartan aurkitutako beste sarkofagoekin ez bezala, indusketako agirietan ez zen aitatu[1].
2006ko abenduaren 6an, aurkikuntza bat iragarri zen: aldarearen atzean Vatikanoko arkeologoek sarkofago bat aurkitu zuten, apostoluaren hondakinak eduki ahal izan zituena[2]. Oraindik ez da sarkofagoa ireki, ezta bere lekutik atera, eta alboko bi alde estuak baino ezin dira ikusi[3].
Konstantinoren basilikako absidea markatzen duen adreiluzko kurba bat sarkofagoaren mendebaldean aurkitu zen, jatorrizko basilikak sarrera ekialdean zuela frogatuz.
Irudiak
-
Kanpaidorrea
-
Kalostra
-
Porta sacra
-
Mosaikoak
Erreferentziak
Ikus gainera
Kanpo loturak
Wikimedia Commonsen badira fitxategi gehiago, gai hau dutenak: San Paulo Harresiz Kanpokoa |
- (Italieraz) Ibilbide birtuala www.vatican.va