2008-2009ko Gazako gatazka

Berun urtu operazioa
	Israeldar-Palestiniar Gatazka
Data	2008ko abenduaren 27a - 2009ko urtarrilaren 18a
Lekua	Gaza eta Hegoaldeko Israel
Emaitza	Gaza, Khan Yunis eta Rafah hirien azpiegituren suntsipena, eta inbasioa Gazan
Gudulariak
Israel	Hamas; Jihad Islamiarra; Erresistentziaren Herri Komiteak; Al-Aksako Martirien Brigadak; Palestina Askatzeko Herri Frontea
Indarra
20.000 soldadu; 300 hegazkin; 300 tanke	Ezezaguna
Galerak
13 hildako; 518 zauritu	1.412 hildako; 5.303 zauritu; 120 atxilotu

2008ko Gazako gatazka, bonbardaketa edo "Berun Urtu operazioa" (hebreera modernoaz מבצע עופרת יצוקה‎), Israelgo Armadak Gazako Zerrendako hainbat hiritan eginiko bonbardaketari deritzo. Bonbardaketa 2008ko abenduaren 27an hasi zen, eta Hamas talde armatu palestinarraren ehun helburu zituen jomugatzat. Helburuak, ministerioen egoitzak, poliziaren kuartelak, eta beste hainbat azpiegitura izan ziren, Israelen esanetan "Hamasen ahalmen militarra deuseztatzeko helburu erabakiorrak".^[2]

Abenduaren 27ko bonbardaketek 287 hildako eta 900 zauritu eragin zituzten^[3], gehienak Hamas taldearen poliziako kideak, eta biztanleria zibila. Israelen bonbardaketak kritika ugari sortarazi ditu, eta nazioarteko lurralde gehienek gogor gaitzetsi dute. Dena den, Nazio Batuen Kontseilu nagusiak, ez zuen erasoa gaitzetsi, Ameriketako Estatu Batuen betoagatik.

Abenduaren 28, 29, 30, 31, urtarrilaren 1, 2 eta 3an aire-bonbardaketek segitu zuten denborarik galdu gabe, zortzi egunean zehar.

2009ko urtarrilaren 4an, Israelek Lehorreko Armada eta artilleria bidali zuen Gaza inbaditzera. Goizaldean, israeldar soldaduak Gazako zerrendan sartu ziren Hamasen dozenaka soldaduri tiro eginez. Biharamunean, urtarrilaren 5ean, Nicolas Sarkozy, Javier Solana eta Europar Batasuneko txekiar presidentetzak su-eten bat eskatu zuten, arrakastarik gabe. Hurrengo egunetan zehar bonbardaketa eta tiroketez segitu zuten.

Urtarrilaren 18an Hamasek eta beste palestinar erakunde batzuek su-etena iragarri zuen. Su-etenaren ondorioz, israeldar soldaduak erretiratzen hasi ziren eta Nazio Batuen eta GKE batzuen laguntzak sartzen joan ziren Gazako zerrendan, hau da, elikagaiak, botikak, berreraikitzeko tresnak, eta abar.

Hegazkinen, infanteriaren eta bonbardaketen ondorioz, 1.412 palestinar hil zituzten israeldar militarrek, eta hamahiru israeldar, Hamasen misilen erasoen ondorioz^[4].

Ikus, gainera

Erreferentziak

↑ Hamas: We're using PA arms to battle IDF The Jerusalem Post, 2009ko urtarrilaren 5a
↑ El Pais egunkariko albistea.
↑ Palestine News Network.
↑ argia.com: "Erasoen pean, kameraren atzean" (2010-01-17)

Kanpo estekak

(Ingelesez) Gatazkari buruzko informazio, mapa eta albisteak BBC telebista katearen webgunea.
Alberto ARCE, Mohammad RUJAILAH: To Shoot an Elephant (elefante bati tiro egitea), Eguzki Bideoak. Ordubete eta 53 minutuko dokumentala, arabieraz eta ingelesez, eta zazpi hizkuntzatako azpitituluak (besteak beste, euskarazkoak).

Datuak: Q170682
Multimedia: 2008-09 Gaza War / Q170682

[1] Hamas: We're using PA arms to battle IDF The Jerusalem Post, 2009ko urtarrilaren 5a

[2] El Pais egunkariko albistea.

[3] Palestine News Network.

[4] rgia.com: "Erasoen pean, kameraren atzean" (2010-01-17)

[1]

[2]

[3]

[4]