2028ko Udako Olinpiar Jokoak

2028ko Udako Olinpiar Jokoak
Leloa	Follow the Sun eta Lean an Ghrian
Mota	Udako Olinpiar Jokoak
Data	2028
Edizio zenbakia	34
← 2024 2032 →
Kokaleku	Los Angeles
Herrialdea	Ameriketako Estatu Batuak
Osatuta
badminton at the 2028 Summer Olympics (en)
Webgune	la28.org

2028ko Udako Olinpiar Jokoak, ofizialki XXXIV Olinpiadako Jokoak bezala ezagutuak, 2028an Los Angeles hirian ospatuko diren Olinpiar Jokoak izango dira, Nazioarteko Olinpiar Batzordeak (ingelesez IOC) usadioa jarraituz antolatuko dituen nazioarteko kirol ospakizuna. Era berean Joko Paralinpikoak ere hiri eta batzorde berdinek antolatuko dituzte. Hirugarren aldia izango da jokoak Los Angelesen ospatzen direla, 1932an eta 1984an ere han izan baitziren.

Jokoak 2028ko uztailaren 21etik abuztuaren 6ra izango dira.

Hautaketa

Los Angeles, Parisekin batera 2024ko jokoak antolatzeko hautagai bakarrak ziren. Nazioarteko Olinpiar Batzordeak ezohikoz 2024ko eta 2028ko jokoen antolatzaileak aldi berean hautatzeko proposamena egin zuen 2017an. Proposamen hau onartutakoan, Paris 2024ko jokoetarako hobesten zutela ulertuta, Los Angelesek 2028ko jokoak antolatzeko akordioa egin zuen Nazioarteko Olinpiar Batzordearekin, Paris 2024ko jokoetarako hautagai bakar bezala utziz.

Aurreikusitako egoitzak

Los Angeles erdialdeko kirol parkea

• Los Angeles Memorial Coliseum: irekiera eta itxiera ekitaldiak, atletismoa
• Figueroa Street: zaleen gunea
• Banc of California Stadium: futbola, atletismoa
• Dedeaux Field: igeriketa, jauziak, igeriketa sinkronizatua
• Galen Center: badmintona, karatea
• Los Angeles Convention Center: saskibaloia, boxeoa, eskrima, taekwondoa, mahai-tenisa, txirrindularitza (BMX estilo librea)
• Staples Center: saskibaloia
• Microsoft Theater: halterofilia
• Grand Park: atletismoa (maratoia, ibilketa), txirrindularitza (errepidea)
• University Village (Kalifornia Hegoaldeko Unibertsitatea): prentsa eta hedabideak

San Fernando bailarako kirol parkea

• Sepulveda Basin Park: kanoa (slalom), hipika, tiroa

South Bay-ko kirol parkea

• Dignity Health Sports Park: zazpiko errugbia, pentatloi garaikidea (eskrima ezik), tenisa, belar hockeya
• VELO Sports Center: txirrindularitza (pista), pentatloi garaikidea (eskrima)

Long Beach-eko kirol parkea

• Long Beacheko itsasertza: txirrindularitza (BMX lasterketa), waterpoloa, triatloia, igeriketa (ur irekiak)
• Long Beach Arena: eskubaloia
• Belmont Veterans Memorial Pier: bela

Westside

• Santa Monica State Beach eta Venice Beach: boleibola (hondartza), skateboardinga, surfa, saskibaloia (3x3)
• Riviera Country Club: golfa
• Kaliforniako Unibertsitatea Los Angelesen: villa olinpikoa
• Pauley Pavilion: borroka, judoa
• SoFi Stadium: irekiera eta itxiera ekitaldiak, futbola, arkularitza
• The Forum: gimnastika

Kalifornia hegoaldeko egoitzak

• Rose Bowl: futbola
• Perris aintzira: arraunketa, kanoa (sprint)
• Frank G. Bonelli Regional Park: txirrindularitza (mendiko bizikleta)
• Dodger Stadium: beisbola/sofbola
• Angel Stadium: beisbola/sofbola
• Honda Center: boleibola (aretoa)
• Anaheim Convention Center: boleibola (aretoa)
• NBC Universal Studio Lot: prentsa eta hedabideak

Futbol egoitzak

Aukeratzeke

Kanpo estekak

• Nazioarteko Olinpiar Batzordea
• Los Angeles 2028

• Datuak: Q1451505
• Multimedia: 2028 Summer Olympics