Alde Zaharra (Gasteiz)
| Alde Zaharra | |
|---|---|
 Euskal Herria | |
 Alde Zaharraren ikuspegi klasikoa | |
 | |
| Kokapena | |
| Herrialdea |  Araba |
| Udalerria | Gasteiz |
| Administrazioa | |
| Posta kodea | |
| Geografia | |
| Koordenatuak | 42°50′57″N 2°40′20″W / 42.8492°N 2.6722°W |
| Demografia | |
| Biztanleria | 8.744 (2019: Adierazpen errorea: Ustekabeko < eragilea Espresio akatsa: Ez dago operadorerik -(r)entzat) |
Gasteizko Alde Zaharra Gasteizko (Araba) auzoa da. 2008ko erroldaren arabera, auzoak 9.824 biztanle dauzka. Hegoaldean Gasteizko Zabalgunearekin egiten du muga, mendebaldean Koroatzea eta Lovainako auzoekin, eta iparraldean Zaramagarekin. Erdi Aroko Gasteiz osatzen zuten kaleak biltzen ditu, eta auzoak almendra itxura dauka.
Gasteizko Alde Zaharra muino batean kokatzen da, eta honen inguruko maldetan. Hiria Alde Zaharraren inguruan hazi da, "olio orbana" izeneko moduan, hau da, alde guztietarantz. Auzoak balio historiko handiko eraikinak biltzen ditu, eta hainbat eraikin kultural. Horrez gain, urteetako utzikeria dela eta, Alde Zaharreko gune batzuk degradazio maila altua daukate gaur egun.
Alde Zaharraren berriztapena
Gasteizko udalak, Alde Zaharrerako plangintza bat eratu du, Barne-eraberrikuntzako Plan Berezia, alegia. Plangintza horren arabera, Alde Zaharreko bizilagunen irisgarritasuna hobetzea premiazkoa da. Horretarako, arranpa mekanikoak jarri dira auzoko kale batean. Horrez gain, eraikinen zahar-berritzea sustatzen ari da, eta prozesu horren barnean Alde Zaharreko gaztetxea behera bota nahi du udalak.
Alde Zaharraren berriztapenarekin batera, arropa eta bestelako denda berriak zabaltzea nahi du udalak. Denda gehienak hiriaren zabalgunean kokatzen dira gaur egun.
2010eko apirilean Europa Nostra izeneko saria jaso zuen Gasteizko Udalak harresiaren eraberritzeagatik[1].
Kale garrantzitsuenak
- Andre Maria Zuriaren plaza.
- Aihotz plaza.
- Aiztogile kalea.
- Anorbin kantoia.
- Apaizgaitegiko kantoia.
- Bakardade kantoia.
- Errementari kalea.
- Harategi kantoia.
- Hedegile kalea.
- Pintore kalea.
- San Ildefontso kalea.
- San Markos kantoia.
- San Roke kantoia.
- Santa Ana kantoia.
- Santa Maria kantoia.
- Santo Domingo kalea.
- Santo Domingo plaza.
- Txikita kalea.
- Zapatari kalea.
Ondasun nabarmenak
- Gasteizko Santa Maria katedrala
- Otxanda Andrearen dorrea, Arabako Natur Zientzietako Museoaren egoitza.
- Erdi Aroko harresiak, Eskoriatza-Eskibel jauregiaren parean bisitagarriak direnak.
- Karten Heraclio Fournier museoa, Aiztogile kaleko Bendaña jauregian egoitza duena.
- Arabako Arkeologia museoa, Patxi Mangado arkitekto nafarrak gauzatutakoa.
- Sokaren Etxea, barnean XIII. mendeko dorrea gordetzen duena.
- Portalea, XV. mendean postetxe gisa eraikitako etxea. Erdi Aroko hirigunearen iparraldean dago. 1950eko hamarkada arte, haritz zuraz egindako atetzar handia (hortik datorkio etxeari izena) zabalik izaten zuen, salerosleek gurdiak sar zitzaten; horrela, salgaiak lapurtzea edo hondatzea saihesten zuten. 1950eko hamarkada hartan eraikinari egindako zaharberritzeaz geroztik, El Portalón jatetxearen egoitza da.
Bestelako ekipamenduak
"Sunna" eta "Altakua" meskitak ere auzoan kokatuta daude, bertan bizi diren musulmanen kopuru esanguratsuaren erakusgarria.
Erreferentziak
Kanpo loturak
 |
Euskarazko Wikipedian bada atari bat, gai hau duena: Euskal Wikiatlasa |
|
Gasteizko auzoak |
|
|---|---|---|
|
Abetxuku • Aretxabaleta-Gardelegi • Adurtza • Aldaia • Alde Zaharra • Anglo-Vasco • Arana • Aranbizkarra • Arantzabela • Ariznabarra • Arkaiate • Arriaga-Lakua • Babesgabeak • Borinbizkarra • Done Jakue • Ehari-Gobeu • Ekialdeko Nekazaritza Eremua • Elejalde • Gazalbide • Hego-mendebaldeko Nekazaritza Eremua • Ipar-mendebaldeko Nekazaritza Eremua • Ibaialde • Izarra • Judimendi • Koroatzea • Larrein • Lovaina • Mariturri • Mendizorrotza • Olaran • Pilar • Salburua • San Kristobal • San Martin • Sansomendi • Santa Luzia • San Tomas • Txagorritxu • Zabalgana • Zabalgunea • Zaramaga | ||