Arabako Arkeologia Museoa

Arabako Arkeologia Museoa
	Arabako Arkeologia Museoa, eskuinean; eta Arabako Fournier Karta Museoa, ezkerrean. Irudi gehiago
Kokapena
Herrialdea	Euskal Herria
Probintzia	Araba
Herria	Gasteiz
Arkitektura
Deskribapena
Irekitze data	2009

Bibat Arkeologia museoa Arabako Gasteiz hiriburuko Alde Zaharreko arkeologia museoa da, Aiztogile kaleko 54. zenbakian, Arabako Fournier Karta museoari erantsita: bi museo horiek elkartuta Bibat museo multzoa (2009an irekia) osatzen dute.

Eraikina

Garai batean museoaren egoitza Gobeu-Gebara-San Joan jauregian egon zen, gaur egun Bendaña jauregiari erantsitako eraikinean dago. Eraikina Patxi Mangado arkitektoak diseinatu zuen eta XV. Europako Kobrezko Arkitektura Saria irabazi zuen.^[1]

Erakusketa

Erakusketa hiru solairutan banaturik dago, eta Paleolito Aroa, Burdin Aroa, Antzinako Erroma eta Erdi Aroan sortutako Gasteiz udalerrian barna ibilaldi bat proposatzen du. Denera 1.500 pieza inguru dauzka. Lorategietan disko itxurako hilarrien erakusketa bat ere badago. Espezializatutako liburutegi bat ere badu, eta gainera museoak Araban zehar garatzen diren arkeologia programak ere kudeatzen ditu.

Ordutegia

Astelehenetan, itxita.
Asteartetik larunbatera: 10:00-14:00 eta 16:00-18:30.
Igande eta jaiegunetan: 11:00-14:00.
Jaiegun diren astelehenetan: 11:00-14:00, eta biharamunean (asteartea) itxita.

Galeria

Hezurdura
Historiaurreko lanabes litikoak.
Zuiako Oroko Haitzetako kastroan aurkitutako urrezko balizko torkea.
Iruña-Veleiako zaldunaren estela.
Iruñako Dama: Iruña-Veleian aurkitutako erromatar garaiko dama edo jainkosa baten eskultura
Brontze aroko objektuak
Aisuan, Legution, aurkitutako aurpegibikoa edo bifazea.
Erromatar garaiko Terra sigillata motako ontzia
Errekaleorren aurkitutako miliarioa