Angela Saini

Wikipedia, Entziklopedia askea
Angela Saini

Bizitza
JaiotzaLondres, 1980ko urriaren 25a (43 urte)
Herrialdea Erresuma Batua
Lehen hizkuntzaingelesa
Hezkuntza
HeziketaOxfordeko Unibertsitatea
Londresko King's College
Hizkuntzakingelesa
txekiera
Jarduerak
Jarduerakkazetaria, idazlea eta television journalist (en) Itzuli
Lantokia(k)Ingalaterra
Enplegatzailea(k)BBC  2008)
Jasotako sariak
angelasaini.co.uk
Twitter: AngelaDSaini Instagram: angeladsaini Edit the value on Wikidata

Angela Saini (Londres, Erresuma Batua, 1980ko urriaren 25a)[1] britainiar zientzia-kazetaria da, eta hainbat liburu idatzi ditu; azkena, Superior: The Return of Race Science, 2019an argitaratu zen.[2] Science, Wired, The Guardian, The New Humanist eta New Scientist-entzat lan egin du, baita BBCko programetan aurkezle ere.

Biografia[aldatu | aldatu iturburu kodea]

Txikitatik lilluratu zuen zientziak. Garai hartan, ez zuen uste buruari galdetzen zionik zientzia objektiboa zen edo ez. Sainiren ustez,

Umeak garenean, zientzia liburuak irakurtzen ditugu, eta kontatzen duten hori egitateak direla pentsatzen dugu, unibertsoaren egiak direla. Geroago konturatzen gara ordea, ikertzaileak ez direla neutralak, edozein pertsona bezala, euren esperientziak dituztela, eta horrek eragina duela haien ikerketetan.[1]

Ingeniaritzako master bat du Oxfordeko Unibertsitatean, eta Zientzia eta Segurtasuneko beste bat Londresko King's College-ko Department of War Studies delakoan.[3][4]

Ibilbidea[aldatu | aldatu iturburu kodea]

Sainik kazetari lan egin zuen BBCn 2008ra arte, eta korporazioak utzi eta idazle independente hasi zen.[5] 2008an, Sainik telebistako informazioaren Europako Prix CIRCOM saria irabazi zuen, unibertsitate faltsuei buruzko ikerketagatik, bereziki Isles International Universitykoagatik.[6][7] 2009 urtean European Young Science Writer of the Year izendatu zuten.[8][9]

2011 urtean bere lehen liburua argitaratu zuen: Geek Nation: How Indian Science is Taking Over the World.

Sainik Britainia Handiko Idazle Zientifikoen Elkartearen saria jaso zuen, 2012ko albiste onenari emana.[10] Knight Science Journalism Fellow-eko kide izan zen Massachusetts Institute of Technology-n 2012tik 2013ra.[11] 2015 urtean, Zientziaren Aurrerapenerako Estatu Batuetako Elkartearen urrezko saria irabazi zuen.[12]

Bigarren liburua, Inferior: How Science Got Women Wrong and the New Research That's Rewriting the Story, non sexismoak ikerketa zientifikoan duen eragina aztertzen baita, 2017a urtean argitaratu zen.[13] Liburu horrek Fisikako Institutuko aldizkariak emandako Physics World Book of the Year (2017) irabazi zuen. Sainik Physics World-en helburua komunikabideetan eta aldizkari akademikoetan agertzen diren genero-azterketei buruzko informazio kontraesankorrari aurre egitea zela adierazi zuen.

"Egia esan, enigmaren muinera iritsi besterik ez nuen egin nahi... zer dio zientziak gizonei eta emakumeei buruz, eta zein da gure arteko sexu-desberdintasunen benetako aldea?"[14]

Bestalde, Charles Darwinek, esaterako, emakumeak gizonak baino gutxiago direla deskribatu zuen. Argi eta garbi esan zuen. Sexuen arteko diferentziak bilatu dituen zientzian, ideia sendoa izan da hori. Emakumeek gizonek baino gutxiago eboluzionatzen omen dute, erabat desberdin pentsatzen dugu, gure gaitasun intelektuala ez da berdina, eta emakumeok ez gara gai gizonek egiten dituzten gauza batzuk egiteko. Gure zeregina etxean egotea da, zaintzaile gisa. Eta ez dugu bizitza intelektualik izan behar unibertsitatean. Ideia hori firme mantendu da historia osoan.[1]

Angela Saini Zientziaren aldeko jardunaldian

2017. urteko abuztuan, Googleko langile batek enpresaren aniztasun-politikei buruz idatzitako barne-memorandum batek "Google (ekografia-ganbera)" jendearen arreta lortu zuen. Sainik kritikatu egin zuen idatzia, eta "[ez bakarrik] adimen-nagikeriatzat hartu zuen; [baita egitate gisa mozorrotutako aurreiritzitzat ere]".[15][16]

Angela Saini eta Samira Ahmed, Rosalind Franklin hitzaldia ematen Erresuma Batuko humanistei 2018an.

Bere hirugarren liburua, Superior: The Return of Race Science, 2019ko maiatzean argitaratu zen eta Nature zientzia-aldizkariak urteko 10 liburu onenen artean zerrendatu zuen.[17] “Pertsonek talde berezi batekoak direla sinetsi nahi dute. Taldearen nagusitasunak erakarri egiten ditu”, adierazi zuen Sainik. Gainera, "oso maiz ez dira pertsona bereziak, beren kabuz, eta beren buruaz zerbait sinetsi behar dute, benetan diren baino hobeto senti daitezen".[4]

Telebistako presentzia[aldatu | aldatu iturburu kodea]

  • Saini Christmas University Challenge 2018/19 seriean agertu zen, Londresko King's College ordezkatuz, Anita Anand, Zoe Laughlin eta Anne Dudley-rekin batera.[18]
  • Sainik BBC Four Eugenics-en Science's Greatest Scandal dokumentala aurkeztu zuen. Gaigabeziadunen eskubideen aldeko ekintzailea eta Adam Pearson aktorea izan ziren bertan.[19]

Liburuak[aldatu | aldatu iturburu kodea]

  • Geek Nation: How Indian Science is Taking Over the World (2011). Hodder & Stoughton, ISBN 978-1444710168.
  • Inferior: How Science Got Women Wrong and the New Research That's Rewriting the Story (2017). HarperCollins, ISBN 978-0008172039.
  • Superior: The Return of Race Science, (2019). Espainian argitaratua, Círculo de Tiza-n, cEl retorno del racismo científico izenburuarekin ISBN: 978-84-122267-4-4.

Sariak eta aintzatespenak[aldatu | aldatu iturburu kodea]

  • 2008an telebistako informazioaren Europako Prix CIRCOM saria irabazi zuen, unibertsitate faltsuei buruzko ikerketagatik, bereziki Isles International Universitykoagatik.[6][7]
  • 2012ko albiste onenari emandako Britainia Handiko Idazle Zientifikoen Elkartearen saria jaso zuen.
  • 2015 urtean, Zientziaren Aurrerapenerako Estatu Batuetako Elkartearen urrezko saria irabazi zuen.[12]
  • 2019an argitaratutako liburua Superior: The Return of Race Science Nature zientzia-aldizkariak urteko 10 liburu onenen artean zerrendatu zuen.[17]

Erreferentziak[aldatu | aldatu iturburu kodea]

  1. ↑ a b c Rodrigo, Olatz Silva. ««Norbaitek pertsona talde bati gizatasuna kendu ahal badio, edonori ken diezaioke»» Berria (Noiz kontsultatua: 2023-03-08).
  2. ↑ «What Are You?» The Science Factory.
  3. ↑ «Angela Saini» Inspirefest 2019 | Dublin, 16 & 17 May 2019 2018-10-04.
  4. ↑ a b Grossman, Wendy M.. «The Power Behind Misinformation» Skeptical Inquirer (Center for Inquiry).
  5. ↑ Oliver, Laura. «'Why I quit the BBC': Angela Saini, freelance science journalist» 10/10/2008 (Journalism.co.uk).
  6. ↑ a b Saini, Angela. «A Degree of Deception» Jan. 7, 2008 (The Guardian).
  7. ↑ a b Reporter wins European journalism award. AIM Magazine 22 May 2008.
  8. ↑ «Geek Nation: How Indian Science is Taking Over the World» www.nhbs.com.
  9. ↑ «Geek Nation | Independent Publishers Group» www.ipgbook.com.
  10. ↑ ABSW. Awards of the 21st Century. Association of British Science Writers.
  11. ↑ Announcing 2012–2013 Knight Fellows. Knight Science Journalism at MIT.
  12. ↑ a b 2015 Winners Named in Expanded AAAS Kavli Science Journalism Awards Competition. 2015-11-03.
  13. ↑ Gawrylewski, Andrea. (2017). «Recommended» Scientific American 316 (6): 74.  doi:10.1038/scientificamerican0617-74. PMID 28510567..
  14. ↑ Commissariat, Tushna. (2018). «Inferior by Angela Saini wins Physics World Book of the Year 2017» Physics World 31 (1): 41.  doi:10.1088/2058-7058/31/1/34. ISSN 2058-7058..
  15. ↑ Saini, Angela. (2017-08-07). Silicon Valley's weapon of choice against women: shoddy science | Angela Saini. ISSN 0261-3077..
  16. ↑ Opinion | How modern science failed women. .
  17. ↑ a b Nature's top ten books of 2019. 2019-12-16.
  18. ↑ «BBC - Christmas University Challenge alumni line-up announced - Media Centre» www.bbc.co.uk.
  19. ↑ «BBC Four - Eugenics: Science's Greatest Scandal» BBC.

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Angela_Saini&oldid=9533994"(e)tik eskuratuta