Anna Alma-Tadema
| Anna Alma-Tadema | |
|---|---|
 | |
| Bizitza | |
| Jaiotza | Londres, 1867 |
| Herrialdea |  Erresuma Batua Britainia Handia eta Irlandako Erresuma Batua |
| Heriotza | Londres, 1943 (75/76 urte) |
| Familia | |
| Aita | Lawrence Alma-Tadema |
| Ama | [[[Marie] Pauline Gressin]] |
| Anai-arrebak | ikusi
|
| Hezkuntza | |
| Hizkuntzak | ingelesa |
| Jarduerak | |
| Jarduerak | margolaria eta sufragista |
| Influentziak | Lawrence Alma-Tadema |
| Genero artistikoa | erretratua |
Anna Alma-Tadema, sortzez Tadema (Brusela, 1867ko maiatzaren 16a – Londres, 1943ko uztailaren 5a) artista eta sufragista britainiarra izan zen.
Alma-Tademak batez ere marrazkiekin eta pinturekin lan egin zuen, eta barruko eszenen, loreen eta eraikinen erretratu eta irudikapen asko egin zituen. Bere aitak, Sir Lawrence Alma-Tademak, eragin zion, eta bere lanak erakutsi zituen harekin eta bere amaordearekin, Laura Theresa Alma-Tademarekin. Bere lana Ingalaterrako erakusketetan erakutsi zuen, Arteen Errege Akademian barne, baita 1893ko Munduko Kolondar Erakunsketan ere, Chicagon.
Anna Alma-Tadema artista gisa egindako lorpenengatik aintzatetsi zuten Chicagoko 1893ko Munduko Kolondar Erakusketan eta 1889ko Parisko Erakusketan.
Biografia[aldatu | aldatu iturburu kodea]
Haurtzaroa[aldatu | aldatu iturburu kodea]
Anna Alma-Tadema Bruselan bizi izandako Marie-Pauline Gressin-Dumoulin de Boisgirard frantsesaren eta Sir Lawrence Alma-Tadema margolari holandarraren bigarren alaba zen.[1] Laurense Alma-Tadema, ahizpa zaharrena, 1865ean jaio zen. Nesken ama 1869an hil zen, eta, ondotik, Lawrence eta haren alabak Ingalaterrara joan ziren bizitzera. Aita Laura Epps-ekin ezkondu zen, 1871n, Annak lau urte zituela.[1]
Anna Alma-Tadema Londresen hazi zen familiarekin. Laurensek etxean jaso zuen bere heziketa, eta Anna ere etxean hezi zutela uste da. Anna gutxienez bi aldiz agertu zen aitaren pinturetan. 1873an, bera eta haren ahizpa This is Our Corner lanean irudikatu zituen, eta, 1883an, aitak haren erretratua margotu zuen. [aipamena behar]
Annaren ama, aita eta amaordea pintoreak ziren, eta, ondorioz, oso etxe artistikoetan hazi izan zen.
Sir Lawrence antzinateko hitzek inspiratzen zuten, eta Laura, Anna eta beste artista batzuek emulatutako estiloa garatu zuen. Hil zenean, bere lanen eta estiloaren ospea sei hamarkada inguruz apaltzen joan zen. Annaren ahizpa, Laurense, poeta, pintore, eleberrigile, kritikari, dramaturgo eta ipuin-egilea zen.
Artista gisa lan egitea[aldatu | aldatu iturburu kodea]
Helen Zimmern biografiagileak honelaxe deskribatu zuen Anna Alma-Tadema: "Artista delikatu eta axolagabea da, eta aitaren indarraren zati handi bat jaso du xehetasunak erreproduzitzeko". Anna Alma-Tademak hainbat erretratu, loreen irudikapenak eta barnealdeen eta eraikinen akuarelaren irudikapenak egin zituen artista gisa. Alma-Tademaren erretratuen adibide bat Miss Tessa Gosse da. Lan hau eta beste batzuk, hala nola The Misty Valley eta The Gold Room, Royal Academy of Artsen erakutsi zituzten.
Tichfield Terraceko Townshend Houseko (Londresko Regent's Park parketik gertu) Alma-Tadema familiaren etxe barruko akuarelak egin zituen. Familiaren etxea oso apaindua zuen aitak erromatar villa baten antza izateko. The Drawing Room, nerabea zela Anna Alma-Tademak margotua, 1893an erakutsi zuten Chicagoko Kolondar Erakusketan. Gainera, 1885ean The Gold Room pintatu zuen, familiaren etxearen barrualdea ere irudikatzen zuena.[2][3]
Gladys Cooper aktorearen marrazkia Annak (erdi ezezaguna) agerrarazi zuen Tatler kazetaren (en) azalean, 1915ean.[4]
Ingalaterran, berrogei bat urtez, 1885 eta 1928 artean, erakutsi zituzten bere lanak. Errege Akademian, 1885 eta 1928 bitartean, hamabost lan erakutsi zituzten, besteak beste, Miss Tessa Gosse, The Misty Valley eta The Idler's Harvest lanak.[1] Londresen bizi zen arren, Anna Alma-Tademak atzerrian ere erakusten zituen lanak. 1889an, domina bat irabazi zuen Parisko erakusketa batean. Gainera, Annak, aitak eta amaorde Laurak erakusketak egin eta sariak irabazi zituzten Chicagoko Munduko Kolondar Erakusketan, 1893an.
Anna Ala-Tademaren lanak erakusten jarraitzen da gaur ere. Adibidez, artista horien lanak Victoria eta Albert Museumen 2011ko apirileko erakusketan sartu ziren, The Cult of Beauty: The Aesthetic Movement 1860–1900 Londresen.[5]
Lan hautatuak[aldatu | aldatu iturburu kodea]
Bizitza pertsonala[aldatu | aldatu iturburu kodea]
Anna Alma-Tadema emakumeen sufragismoarekin konprometitu zen, eta Some Supporters of the Women's Suffrage Movement sinatu zuen, 1897an.
Ez Anna Alma-Tadema, ez bere ahizpa, ez ziren ezkondu. Ez zuten ibilbide arrakastatsurik izan haien azken urteetan.
Erreferentziak[aldatu | aldatu iturburu kodea]
- ↑ a b c ISBN 978-0-7188-3084-7..
- ↑ «The Drawing Room, Townshend House, 10th September 1885» Collections (Royal Academy of Arts).
- ↑ «Anna Alma-Tadema» Art Renewal Center (Noiz kontsultatua: 2024-03-25).
- ↑ 14 April 1915
- ↑ «Artist of the Month – March 2011: Sir Lawrence Alma-Tadema RA (1836–1912)» Collections (Royal Academy of Arts).
Bibliografia[aldatu | aldatu iturburu kodea]
- Charlotte Gere, Artistic Circles: Design and Decoration in the Aesthetic Movement (London: V & A Publishing, 2010).
- Susie Beckham, 'Recovering Anna Alma-Tadema (1867–1943)', British Art Journal, XXII (3), 2021–22, pp. 32–43.
Ikus, gainera[aldatu | aldatu iturburu kodea]
Kanpo estekak[aldatu | aldatu iturburu kodea]
Datuak: Q2770619
Multimedia: Anna Alma-Tadema / Q2770619