Arte Abstraktu Espainiarraren museoa (Cuenca)
| Arte Abstraktu Espainiarraren museoa (Cuenca) | |
|---|---|
| Museo de Arte Abstracto Español | |
 | |
| Kokapena | |
| Estatu burujabe |  Espainia |
| Autonomia |  Gaztela-Mantxa |
| Probintzia | Cuencako probintzia |
| Udalerria | Cuenca |
| Koordenatuak | 40°04′41″N 2°07′43″W / 40.078006°N 2.128694°W |
 | |
| Historia eta erabilera | |
| Irekiera | 1966 |
| Inaugurazioa | 1966ko uztailaren 1a |
| Webgune ofiziala | |
Arte Abstraktu Espainiarraren museoa, gaztelanaiz Museo de Arte Abstracto Español Espainiako Cuenca hirian dagoen museo ezaguna da. Fernando Zóbel (1924-1984) artistarekin lotura zuzena du. Cuencako etxe eseki batean dago kokatuta. Juan March Fundazioak gestionatzen du. 1980an Espainiako Arte Ederretako Merituaren Urrezko Domina eman zioten.
Historia
[aldatu | aldatu iturburu kodea]1961an Fernando Zóbelek, artista ezaguna, arte abstraktuaren museo bat irekitzeko toki bat bilatzen hasi zen. 1963an, beste artista batek, Gustavo Tornerrek, Cuencako etxe esekietan jartzeko ideia eman zion. Hiru urte geroago, 1966ko uztailaren 1an, ireki zen museoa. Eraikinaren jabegoa udalarena da eta prezio sinboliko batez alkatu zion Zóbeli. Museoak, aurretik, zaharberritzeko lanak eskau zituen; lan hori Fernando Barja eta Francisco León Meler udal arkitektoek egin zuten.
Museo berriaren zuzendaritzan Zóbel eta Torner jarri ziren eta kontserbatzailearen lanak Gerardo Ruedaren eskuetan gelditu ziren. Ruedak garrantzi handia izan zuen instituzio berriaren gestioan. Hasieran museoaren funtsak nahiko mugatuak zien, gehienak Zóbelek berak bildutakoak. 1978an, Fernando Barjak zuzenduta, museoa handitzeko lanak egin ziren. Urte berean, azaroaren 28an, museoaren berrinaugurazioa egin zen. Bi urte geroago, 1980an, Espainiako Kultura Ministerioak Arte Ederretako Merituaren Urrezko Domina eman zion.[1] Urte berean Juan March Fundazioak funtsen eta gestioaren ardura hartu zuen.[2] Urtero 40.000 pertsona inguru museora hurbiltzen dira.
Funtsak
[aldatu | aldatu iturburu kodea]Museoak 15.500 obra baino gehiago ditu. Horietako 515 margolanak edo eskulturak. Halaber, liburutegi espezializatua du; Fundazioak hartu zuenean 3.500 liburu eman zituen liburutegi hori hobetzeko.
Argitaletxea
[aldatu | aldatu iturburu kodea]Arte Abstraktu Espainiarraren museoak ere, hasiera-hasieratik, argitalpen lanak egiten ditu. Horri esker bilduma garrantzitsu bat sortu du. Lan grafiko handia plazaratu du horrelaHasieran Abel Martín zen lan horren arduraduna. Serigrafia alorrean garrantzitsua izan zen, ondoren, Javier Cebriánen lana. 1994tik museoak gela berezia du horrelako lanak erakusteko.
Bilduma iraunkorreko artistak[3]
[aldatu | aldatu iturburu kodea]- Rodrigo Antonio Calistro Díaz
- Joaquín Rubio Camín
- Rafael Canogar
- Eduardo Chillida
- Martín Chirino
- Cuixart, Modest
- Gerardo Delgado
- Francisco Farreras
- Luis Feito
- Amadeo Gabino
- José Guerrero
- Joan Hernández Pijuan
- Antonio Lorenzo
- César Manrique
- Manolo Millares
- Manuel Hernández Mompó
- Lucio Muñoz
- Jorge Oteiza
- Pablo Palazuelo
- Manuel Rivera Hernández
- Gerardo Rueda
- Antonio Saura
- Eusebio Sempere
- Pablo Serrano
- Antoni Tàpies
- Jordi Teixidor de Otto
- Gustavo Torner
- Manuel Viola
- José María Yturralde
- Fernando Zóbel
Iruditegia
[aldatu | aldatu iturburu kodea]-
Sarrera nagusia. -
Museoa kanpotik ikusita. -
Barrualdeko ikuspegia. -
Fernando Zóbel.
Erreferentziak
[aldatu | aldatu iturburu kodea]Ikus, gainera
[aldatu | aldatu iturburu kodea]Kanpo loturak
[aldatu | aldatu iturburu kodea]- (Gaztelaniaz):Museoaren webgune ofiziala.
- (Gaztelaniaz):Gaztela-Mantxako turismo bulegoaren webguneko informazioa.
| Autoritate kontrola |
|
|---|
Datuak: Q2046601
Multimedia: Museo de Arte Abstracto Español / Q2046601