Edukira joan

Barbara May Cameron

Wikipedia, Entziklopedia askea

 

Barbara May Cameron
Bizitza
Jaiotzako izen-deiturakBarbara May Cameron
JaiotzaStanding Rock Indian Reservation (en) Itzuli, 1954ko maiatzaren 22a
Herrialdea Ameriketako Estatu Batuak
Talde etnikoaStanding Rock Sioux Tribe (en) Itzuli
HeriotzaSan Frantzisko, 2002ko otsailaren 12a (47 urte)
Hezkuntza
HeziketaInstitute of American Indian Arts (en) Itzuli
San Francisco Art Institute (en) Itzuli
Hizkuntzakingelesa
Jarduerak
Jarduerakaktibista eta giza eskubideen aldeko ekintzailea
KidetzaGay American Indians (en) Itzuli

Barbara May Cameron (1954ko maiatzaren 22a - 2002ko otsailaren 12a) AEBetako natiboa, argazkilaria, poeta, idazlea eta giza eskubideen aldeko ekintzailea izan zen, lesbiana/gayen, emakumearen eskubideen eta amerikar natiboen eskubideen esparruetan.[1][2]

Bizitza goiztiarra[aldatu | aldatu iturburu kodea]

Barbara May Cameron 1954ko maiatzaren 22an jaio zen. Hunkpapa Lakota bat zen, Fort Yateseko taldekoa (Ipar Dakota) Standing Rock Sioux tribukoa. Indioren erreserban hazi zen Standing Rock, Ipar Dakotan, aitona-amonekin. Hezkuntza goiztiarra eta bigarren hezkuntza erreserban osatuz, argazkigintzan eta zineman ikasten jarraitu zuen Santa Feko Arte Indiar Amerikarren Institutuan, Mexiko Berrian. 1973an, Cameron San Frantziskora joan zen bertako Arte Institutuan ikasketak jarraitzera.

Ibilbidea[aldatu | aldatu iturburu kodea]

Argazkilari eta zinema egile gisa, Cameron-ek komunikabideen eta antzerki-arteen sariak irabazi zituen. "Long Time, No See" gidoia amaitu gabe geratu zen hil zenean.

Cameronek Estatu Batuetako indiar gay (GAI:Gay American Indians) sortu zuen 1975 ean Randy Burns iparraldeko paiutearekin. GAI, Estatu Batuetako lehenengo askapen-erakunde gay Amerikar Indiarra izan zen.[3] GAI sortzeko arrazoia, Cameronen arabera, Estatu Batuetako homosexual natiboek komunitate gay zuriak baino behar eta borroka desberdinak izatea zen. Gainera, lesbiana eta gay komunitatean kolorezko pertsonei laguntza falta zitzaien oro har.

1978an, Cameronek Our Right to Love:a lesbian resource book (Gure eskubidea maitatzeko: baliabide liburu lesbikoa ) antologiari lagundu zion.

1980tik 1985era, Cameronek Gay Lesbiana Askatasunaren Eguneko desfilea eta ospakizuna antolatzen parte hartu zuen, eta 1981ean This Bridge Called My Back: Writings by Radical Women of Color (Zubi hau nire lepoa izenekoa, Kolorezko emakumeak egindako idatziak) lagundu zion: Cherríe Moragak eta Gloria E. Anzalduak argitaratutakoa Gee, You Don't Seem Like a Indian from the Reservation (Arraioa, zuk ez duzu Erreserbako indioaren itxurarik) artikuluak arrazakeria eta homofobia bezalako gaiak aztertu zituen, bai komunitate indigena amerikarrean barne eta kanpoan. 1983an, A Gathering of Spirit: A Collection of Writing and Art by North American Indian Women. (Espirituen Batuketa: Ipar Amerikar emakume indiarek egindako arte eta idazketa bilduma) bilduma historikoan parte hartu zuen: Antologia Beth Brantek argitaratu zuen, eta bertako hamabi lesbianen lanak jaso zituen.

1980aren amaieran, Cameron Alice B. Toklas LGBT Klub Demokratikoko lehendakariordea eta Ekintzarako Lesbiana Agendako lehendakaria izan zen. 1986an, Cameron, Somos Hermanas (Ahizpak gara) izeneko beste emakume batzuekin batera, Nikaraguara joan zen, han zeuden emakumeei elkartasuna erakusteko eta haien bizitza hobetzen laguntzeko. 1988an Jesse Jacksonen Ortzadar koalizioan delegatu zuten Konbentzio Nazional Demokratikoan. Urte horretan bertan, Dianne Feinsteinek, orduan San Frantziskoko alkateak, Komunitate Garapeneko Hiritar Batzordean eta San Frantziskoko Giza Eskubideen Batzordean izendatu zuen. Frank Jordan hurrengo alkateak izendatu zuen Emakumearen Baldintza Juridiko eta Sozialari buruzko Nazio Batuen Batzordean aritzeko.[4]

1989tik 1992ra bitartean, Cameron Indarkeriaren aurkako Komunitate Batuko (CUAV:Community United Against Violence ) zuzendari exekutiboa izan zen, eta etxeko indarkeriaren eta gorroto-delituen biktimei lagundu zien. Zerbitzu Komunitarioaren Harvey Milk saria jaso zuen 1992an, eta, hurrengo urtean, Badiako Barrutiko Emakumeen Lasterketaren Community Service Sariaren lehenengo onuraduna izan zen. Urte horretan bertan HIESaren aurkako Nazioarteko Sare Indigenan parte hartu zuen, Berlinen egin zen HIESari buruzko Nazioarteko Konferentzian. 1993. urtean HIESari buruzko hezkuntzan parte hartu zuen, Estatu Batuetan zehar hainbat erreserba indiarretara bidaiatuz.[5]

Cameronen saiakera,No Apologies ( Barkatu gabe): A Lakota Lesbian Perspective, New Our Right to Love: A Lesbian Resource Book (1996) lanean sartu zen. HIESaren San Francisco Fundazioko eta HIESaren Institutu Indiarreko zuzendaritza-batzordean lan egin zuen, baita Gaixotasunak Kontrolatzeko eta Prebenitzeko Zentroetako eta Estatu Batuetako Osasun eta Giza Zerbitzuen Saileko aholkulari-lanetan ere.[6] AEBetako Osasun eta Ongizate Institutuaren sortzailea izan zen, AEBetako emakume indigenen idazleen lanak argitaratu zituen lehen proiektuarekin.

Barbara Cameronen artikuluak James Martharen LGBTQIA zentroan daude, San Frantziskoko Liburutegi Publikoan.[7]

Cameron Google Doodle batean ohoratu zuten 2023ko maiatzaren 22an.[8]

Bizitza pertsonala[aldatu | aldatu iturburu kodea]

Cameron 21 urteko harremana zuen Linda Boydekin, eta harekin haur bat hazi zuen, Rhys Boyd-Farrell. Lesbiana eta gay komunitateko irudiak erregistratzeko ahaleginean, Robert Giardek Cameronen erretratua sortu zuen, eta, orain, Beineckeren Liburu Arraroen eta Eskuizkribuen Liburutegian dago.[9]

Heriotza[aldatu | aldatu iturburu kodea]

Cameron arrazoi naturalengatik hil zen bere etxean 2002ko otsailaren 12an, 47 urte zituela. Oroitzapenezko zerbitzuan izan ziren Tom Ammiano, San Frantziskoko Gainbegiraleen Batzordeko lehendakaria, eta Carole Migden, Kaliforniako Estatuko Batzarrean 13. Barrutia ordezkatzen zuena. Cameron gogoan izan zuten Estatu Batuetako homosexual eta lesbiana natiboen defentsagatik.[10][11]

Erreferentziak[aldatu | aldatu iturburu kodea]

  1. ↑ (Ingelesez) Knight, Heather. «Barbara May Cameron -- human rights activist» SFGATE (Noiz kontsultatua: 2024-05-22).
  2. ↑ (Ingelesez) Nelson, Emmanuel S.. (2009-07-14). Encyclopedia of Contemporary LGBTQ Literature of the United States [2 volumes. ] ABC-CLIO ISBN 978-0-313-34860-0. (Noiz kontsultatua: 2024-05-22).
  3. ↑ «Will Roscoe papers and Gay American Indians records» oac.cdlib.org.
  4. ↑ «Cameron (Barbara) Papers» oac.cdlib.org (Noiz kontsultatua: 2024-05-22).
  5. ↑ «Cameron (Barbara) Papers» oac.cdlib.org (Noiz kontsultatua: 2024-05-22).
  6. ↑ «Cameron (Barbara) Papers» oac.cdlib.org (Noiz kontsultatua: 2024-05-22).
  7. ↑ «Cameron (Barbara) Papers» oac.cdlib.org.
  8. ↑ «Barbara May Cameron's 69th Birthday» Google May 22, 2023.
  9. ↑ «Barbara Cameron» Robert Giard Papers.
  10. ↑ Knight, Heather. (19 April 2002). «Barbara May Cameron – human rights activist» SFGate.
  11. ↑ «Barbara Cameron Papers, 1968–2003 GLC 63» OAC – Online Archive of California.

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Barbara_May_Cameron&oldid=9800934"(e)tik eskuratuta