Basil Rathbone

Wikipedia, Entziklopedia askea
Jump to navigation Jump to search
Basil Rathbone
Basil Rathbone Sherlock Holmes.jpeg
Bizitza
Jaiotza Johannesburgo1892ko ekainaren  13a
Herrialdea Britaina Handia eta Irlandako Erresuma Batua  1927-04-12)
 Erresuma Batua  (1927-04-12 -
Heriotza New York1967ko uztailaren  21a (75 urte)
Hobiratze lekua Ferncliff Cemetery Itzuli
Heriotza modua berezko heriotza: miokardio infartu akutua
Familia
Ezkontidea(k) Ouida Bergère  (1926 -  1967-07-21)
Familia
Hezkuntza
Heziketa Repton School Itzuli
Jarduerak
Jarduerak karaktere aktorea, antzerki aktorea, zinema aktorea eta aktorea
Jasotako sariak
Nominazioak
Zerbitzu militarra
Adar militarra Britainia Handiko Armada
Gradua kapitain
Parte hartutako gatazkak Lehen Mundu Gerra
IMDb nm0001651

Basil Rathbone, izen osoz Philip St. John Basil Rathbone (Johannesburgo, Britainiar Inperioa, 1892ko ekainaren 13a - New York, Ameriketako Estatu Batuak, 1967ko uztailaren 21a) antzezlea izan zen. 1938an Oscar sarietarako izendatua izan zen If I were a King filmean egindako lanagatik. Ezaguna da, oso, Arthur Conan Doylek sortutako Sherlock Holmes arrakasta handiarekin zineman antzeztu zuelako, eta hainbat filmetan bilau eta pertsonaia gaiztoak bikain itxuratu zituelako: Sir Guy Gisbourneko gogoangarria (The Adventures of Robin Hood ), edo Esteban Pasquale kapitaina (The Mark of Zorro).

Antzerkiaren mundutik ailegatu zen Rathbone zinemara: 1911tik taulen gainean ibilia zen eta bere aurreneko filma 1921ekoa da: Innocent. Ezpatari trebea zen, eskrima zaletasun handia baitzuen eta horren lekuko zineman izandako borrokak: The Adventures of Robin Hood, Tower of London, The Mark of Zorro edota The Court Jester. Baina gaiztoarena egitea egokitzen zitzaionez film bakar batean, 1936ko Romeo and Juliet hartan, izan zen irabazle.

1936 eta 1946 bitartean hamalau film egin zituen Doyleren Sherlock Holmes pertsonaia antzeztuaz, Nigel Bruce aktorea lagun zuela Watson doktorearen itxuratzean. Lanok irratirako moldatuak izan zirenean (1939-1946) Rathbone eta Bruce ere aritu ziren horretan. Ahoskera ederreko aktorea zen Rathbone; ipuin, poema asko, eta literatur testuetako dramatizazioak grabatuak utzi zituen. Halakoetan lagun izan zuen Vincent Price aktorearekin aritu zen. Pricerekin batera 1962 eta 1964ko Roger Cormanen filmetan ikusi ahal dugu: Tales of Terror eta Comedy of Terrors.

Bihotzekoak jota Rathbone 1967an hil zen New Yorken, 75 urte zituela.


Filmografia[aldatu | aldatu iturburu kodea]

* Sherlock Holmes pertsonaiaren gaineko filmak

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Basil Rathbone Aldatu lotura Wikidatan