Ben & Jerry's

Ben & Jerry's
Datuak
Izen ofiziala	Ben & Jerry's Homemade Holdings Inc
Mota	negozioa, enpresa, ice cream parlor chain (en) eta food brand (en)
Jarduera sektorea	ice cream manufacturer (en)
Herrialdea	Ameriketako Estatu Batuak
Jarduera
Ekoizpena	Izozki
Agintea
Egoitza nagusi	South Burlington;
Legezko forma	akzio konpainia
Jabea	Unilever
Historia
Sorrera	1978
Sortzailea	Ben Cohen (en) ; Jerry Greenfield (en)
Sorlekua	Burlington
	webgune ofiziala;

Ben & Jerry's Homemade Holdings Inc., Ben & Jerry's izenez ezagunagoa; izozkiak, jogurt izoztuak eta sorbeteak ekoizten dituen enpresa da.

Historia[aldatu | aldatu iturburu kodea]

1966an, Vermonten, Long Island (AEB), Ben Cohen eta Jerry Greenfield nerabeek elkar ezagutu zuten eskolan. Hamaika urte geroago, 1977an, bien etorkizuna ez zegoen batere garbi: Ben lanean ari zen presazko janari enpresatik bota zuten; Jerryk medikuntza fakultatean sartzeko asmoa zeukan, baina unibertsitateak bigarrenez atzera bota zuen haren eskaera^[1].

Beste zereginik gabe, izozkiak egiteko posta bidezko ikastaroa egin zuten Pennsylvaniako Unibertsitatean, garaiko bost dolarren truke. Sorterrian, Vertmonen, gasolindegi zahar bat hartu eta izozki denda abiarazi zuten 1978an. Negozioari izena jartzerakoan, bikoteak ez zuen ahalegin berezirik egin: Ben & Jerry’s. Berehala, tokiko merkatuan zirrikitua zabaldu zuten. Txokolate, intxaur edo fruta zati handiak zituzten izozki haiek arrakasta zuten^[1].

Izozkiak egiten onak ziren, baina kontuak egiten ez zeukaten esperientziarik. Negozioa zabaldu eta bi hilabetera, behin-behinean, izozki denda itxi zuten; eta kartel bat ipini zuten atean: “Itxita gaude, dirua irabazten ari garen ala ez egiaztatu bitartean”. Dirua galtzen ari ziren. Bost dolarreko ikastaroa ez bezala, hasierako inbertsioa –12.000 dolar– garesti atera zitzaien. Buelta eman nahi bazioten, salmentek gora egin behar zuten. Orduan, Benen Volkswagen furgoneta zaharra hartuta, izozkiak banatzen hasi ziren. Gainera, egun bereziak antolatu zituzten, karitatezko ekintzekin bat egin zuten irudia hobetzeko eta, pixkana-pixkana, enpresa hazten hasi zen^[1].

2000. urtetik Unilever kontsumo ondasunen multinazionalaren parte da Ben & Jerry’s. 38 herrialdetan hedatu da, 180.000 langile baino gehiago ditu eta 2006an ia 40.000 milioi euro fakturatu zituen^[1].