Quentin Tarantino

Quentin Tarantino
Irudi gehiago
Epaimahaiko presidentea Cannesko Zinemaldian 2004 - 2004 ← Patrice Chéreau - Emir Kusturica →
Bizitza
Jaiotzako izen-deiturak	Quentin Jerome Tarantino
Jaiotza	Knoxville, 1963ko martxoaren 27a (61 urte) (61 urte)
Herrialdea	Ameriketako Estatu Batuak
Talde etnikoa	Italo-estatubatuarra Irish Americans (en)
Lehen hizkuntza	ingelesa
Familia
Aita	Tony Tarantino
Ezkontidea(k)	Daniella Pick (en)  (2018ko azaroaren 28a -
Bikotekidea(k)	ikusi Mira Sorvino Didem Erol
Hezkuntza
Heziketa	Narbonne High School (en)
Hizkuntzak	alemana ingelesa
Jarduerak
Jarduerak	aktorea, gidoilaria, film-zuzendaria, zinema ekoizlea, zinema aktorea, idazlea, film-muntatzailea, telebista-aktorea eta errealizadorea
Jasotako sariak	ikusi Jatorrizko gidoi onenaren Oscar Saria  (1995) : Pulp Fiction Jatorrizko gidoi onenaren Oscar Saria  (2012) : Django Unchained Edgar Awards  (1995) Hungarian Order of Merit Arte eta letren komendadorea  (2013) Lumière Award, Lyon Festival of cinema  (2013) BAFTA Award for Best Original Screenplay  (2013) : Django Unchained Fellow of the American Academy of Arts and Sciences National Board of Review Award for Best Film Izarra Hollywoodeko Ospearen pasealekuan American Choreography Awards Sitges Film Festival Best Director award  (1992) : Reservoir Dogs Urrezko Palma  (1994) : Pulp Fiction Golden Globe Award for Best Screenplay  (1994) : Pulp Fiction Dallas-Fort Worth Film Critics Association Award for Best Director  (1994) : Pulp Fiction [[]]  (1996) Golden Globe Award for Best Screenplay  (2013) : Django Unchained Golden Globe Award for Best Screenplay  (2020) : Once Upon a Time in Hollywood Film onenaren Urrezko Globo Saria - Komedia edo musikala  (2020) : Once Upon a Time in Hollywood Ordre des Arts et des Lettres Urrezko Globo Sariak  (1995) Oscar Sariak  (1995) David di Donatello  (1995) Independent Spirit Awards  (1995) Honorary César  (2011) Saturn Award  (2013)
Influentziak	Howard Hawks
Kidetza	Arteen eta Zientzien Ameriketako Estatu Batuetako Akademia
Genero artistikoa	independent film (en) ekintza-filma Postmodernitatea
Sinesmenak eta ideologia
Erlijioa	agnostizismoa

Quentin Jerome Tarantino (Knoxville Tennessee, 1963ko martxoaren 27a -) zinema zuzendari, aktore eta gidoigile estatubatuarra da. Oscar saria eta Urrezko Palma sariak jaso ditu.

1990eko hamarkadan ospea lortu zuen bere istorio eta pelikulengatik. Haren estiloa argumentu eten, elkarrizketa original eta bortizkeria odoltsuan oinarritzen da. Aldi berean, ezaguna da Quentinek duen maila guztietako zinemaren gaineko ezagutza entziklopedikoa.

Biografia

Quentin Tarantino

Quentin 1963ko martxoaren 27an jaio zen Knoxvillen, Tennessee. Tarantino izena, telebistako telesail bateko pertsonaia batetik atera zuen, Gunsmoke telesailatik; Burt Reynolds aktoreak interpretatzen zuen Quint izeneko errementaria.

Quentin txikiak bi urte besterik ez zituen, bere amarekin batera South Bayra joan zenean bizitzera, Los Angeles hegoaldera, eta bertan bizi izan zen hogei urtez. Bere auzoan arraza beltza eta zuria nahasten zen nonahi eta zinemagintza eta kultura ezberdinen eraginak jaso zituen Tarantinok gaztaroan. Kung-Fuaren eztanda beste lekuetara zabaltzen ari zen unean, beltzak joaten ziren zinetan arte martzialek modan jarraitzen zuten. 70. hamarkadan, Quentin oraindik haien zalea zen.

17 urterekin, ikasketak alboratu zituen eta interpretazio klaseetara joaten hasi zen, ahal zuenean, lana ere tartekatzen zuelarik.

22 urte zituenean, Video Archivesen (Manhattan Beach) etxean bezala zebilen eta pelikula zaharretan ikasitakoa erabilgarria izan zitzaion oso.

Roger Avary eta Jerry Martinezekin batera, Tarantinok Video Archives behin-behineko zine eskola bilakatu zuen. Interpretazio klasetan, eszena praktikoak eskaini nahi zituen eta idazten hasi zen.

Avery eta beste kide batzuekin lan egin ondoren, Tarantinok jarraitu zuen idazten, zuzendari izateko grinan, baina ez ziren urte onak izan.

Reservoir Dogs

Fitxategi:Reservoir Dogs.png

Reservoir Dogs

1991n, Reservoir Dogs idatzi zuen; historia minimalista ideatu zuen: lapurreta izango zen eta gehiena plato berean gertatuko zen. 16 mm-ko pelikula izango zen, merke-merkea eta Tarantinok eta bere lagunek egingo zituzten paper guztiak.

Horretan zebilela, Lawrence Bender ekoizleak irakurri zuen Reservoir Dogs gidoia eta liluratuta geratu zen harekin. Hilabeteko epea eskatu zion Quentini, egiazko pelikula egin nahi zuela-eta.

Benderrek Harvey Keiteli pasatu zion gidoia eta hau ere segituan zaletu zen istorioarekin. Horrek ekoizpenaren aurrekontua ziurtatu zuen erabat. Hilabete eman zuten Los Angeleseko grabaketan eta aktore zerrenda ez zen batere makala izan: Keitel, Madsen, Steve Buscemi, Tim Roth, Lawrence Tierney, Chris Penn eta Tarantino bera.

Arrakasta itzela izan zuen Sundanceko Zinemaldian eta mundu guztira zabaldu zuten.

Ospea

Robert Rodriguez eta Quentin Tarantino

Bat-batean, Tarantino ospetsu egin zen eta Reservoir Dogs baino lehen idatzita zituen bi gidoiak ere di-da batean saldu zituen: True Romance eta Natural Born Killers. Azken hau, Oliver Stonek berridatzi eta zuzendu zuen 1993an.

1994an, Pulp Fiction etorri zen John Travolta eta Uma Thurmanekin.

1997an, Jackie Brown idatzi eta zuzendu zuen. Samuel L. Jackson, Robert De Niro, Bridget Fonda eta Michael Keaton ere berarekin egin zuten lan. Urrezko Globoetarako izendatuta egon zen eta SAG sarietarako ere bai.

Jackie Brown eta Kill Bill pelikulen ekoizpenen artean 4 urte pasatu ziren eta, denbora horretan, Quentin 2009ko abuztuan estreinatuko zen Inglourious Basterds idazten aritu zen.

Tarantino ez da idaztea eta zuzentzearekin konformatzen. Aktore ere izan nahi du. Horrela, bere pelikuletan eta beste batzunetan ere azaldu ohi da: Jackie Brown, Reservoir Dogs, Pulp Fiction, The Man From Hollywood, Four Rooms, From Dusk Till Dawn, Destiny Turns on the Radio, Girl 6.

Bitxikeriak

• Kronologia atzekoz aurrera agertzen da maiz bere pelikuletan. Pulp Fiction, Reservoir Dogs edo Kill Bill filmetan ikus dezakegu askotan ondoren gertatuko dena lehenago eta kronologikoki geroa dena, berriz, azkarrago.
• Maiz agertu ohi du bere filmetan mexikar aurrez-aurreko bat, 3 edo pertsonaia gehiagok une berean batak bestea pistolaz apuntatzen duelarik.
• Bere pertsonaiek ezizen bat eraman ohi dute. Reservoir Dogs, Kill Bill, edo Pulp Fiction pelikulek erakusten dute hori.
• Big Kahuna Burger fikziozko jatetxea agertu ohi du pelikula askotan.
• Kamerak hartzen dituen angeluak ere bere estiloaren ezaugarri dira. Maiz ikusten dugu jendea ateak irekitzen edo ixten, aurpegiaren lehen planoak beste pertsonaia batek hitz egiten duen bitartean, aktoreak atzealdetik ikusten dira askotan, hainbat toma pertsonaiaren eskuetan hasten da...
• Tarantinok txertatzen digun beste marka bat maletero barrutik hartutako planoa da. Pelikula gehienetan agertzen zaigu hori (Inglourious Basterds filmak gauza bera egiten du kamioiaren kaxan).
• Kill Bill eta Pulp Fiction filmetan samurai ezpata bera agertzen da.
• Oinenganako fetitxismoa: emakumearen oinak bilutsik agertzen dira maiz, askotan lehen planoan gainera.
• Zippo bat (pizgailu modelo ezaguna) agertzen da bere pelikula guztietan.
• Iraupen luzeko tomaren bat txertatu ohi du beti.
• Bere pertsonaiek Red Apple markako zigarroak erretzen dituzte, edo iragarki batean agertzen dira.
• Playboy aldizkariari eskainitako elkarrizketa batean, Kill Bill egiten aritu ziren garaiko cannabis eta extasis kontsumoaz hitz egin zuen.
• Bere pelikuletan ohikoak dira erdi planoko eszenak, bi pertsonaien arteko elkarrizketa luzeak, noizbehinkako kolaborazioak...
• Badirudi Video Archivesetik bezero bat ia-ia ostikoka bidali zuela.
• Kill Bill kenduta, kreditoak horiz agertzen dira bere film guztietan.
• Odola erruz erabiltzen du.

Ohiko lankideak

Samuel L Jackson

Harvey Keitel

Uma Thurman

Steve Buscemi

Michael Madsen

John Travolta

Tarantinok aktore bakoitzarekin film bat baino gehiago egin ohi ditu, errepikatuena Samuel L. Jackson delarik. Gainera, muntaia guztiak Sally Menke-k egin ditu.

Aktorea	Reservoir Dogs	Pulp Fiction	Jackie Brown	Kill Bill	Death Proof	Inglourious Basterds
Steve Buscemi	✘	✘
Julie Dreyfus				✘		✘
Samuel L. Jackson		✘	✘	✘		✘
Harvey Keitel	✘	✘
Michael Madsen	✘			✘
Michael Parks				✘	✘
Eli Roth					✘	✘
Tim Roth	✘	✘
Uma Thurman		✘		✘
Gidoigilea
Roger Avary	✘	✘
Ekoizlea
Lawrence Bender	✘	✘	✘	✘	✘	✘
Argazki zuzendaria
Robert Richardson				✘		✘
Andrzej Sekula	✘	✘
Muntatzailea
Sally Menke	✘	✘	✘	✘	✘	✘

Filmografia

Inglourious basterds

Zuzendaria

• My Best Friend's Birthday (1987)
• Reservoir Dogs (1992)
• Pulp Fiction (1994)
• ER telesaioa (1995) Atala 24: "Motherhood"
• Four Rooms ("The Man from Hollywood" atala) (1995)
• Jackie Brown (1997)
• Kill Bill (Vol. 1 2003, Vol. 2 2004)
• Sin City (2005) (zuzendari gonbidatua)
• CSI: Crime Scene Investigation telesaioa (2005) '"Grave Danger: Vols. I & II"
• Grind House ("Death Proof" atala) (2006)
• Inglourious Basterds (2009)

Gidoigilea

• My Best Friend's Birthday (1987)
• Past Midnight (1992)
• Reservoir Dogs (1992)
• True Romance (1993)
• Pulp Fiction (1994)
• Natural Born Killers (1994) (Oliver Stonek hainbeste aldatu zuela eta, Tarantinok arbuiatu du filma)
• It's Pat (1994)
• Crimson Tide (1995)
• Four Rooms ("The Man from Hollywood" atala) (1995)
• From Dusk Till Dawn (1996)
• Curdled (1996)
• Jackie Brown (1997)
• Kill Bill (Vol. 1 2003, Vol. 2 2004)
• CSI: Crime Scene Investigation (2005) '"Grave Danger: Vols. I & II"
• Hostel (2006)
• Grind House ("Death Proof" atala) (2006)
• Inglourious Basterds balizko estreinaldia 2007an

Aktorea

• My Best Friend's Birthday (1987) Clarence Pool
• Reservoir Dogs (1992) Mr. Brown
• Pulp Fiction (1994) Jimmie Dimmick
• Sleep With Me (1994) Sid
• Destiny Turns On the Radio Johnny Destiny
• Four Rooms ("The Man from Hollywood" atalean) Chester
• Desperado (1995) Pick-up Guy
• From Dusk Till Dawn (1996) Richard Gecko
• Girl 6 (1996) Q.T
• Little Nicky (2000) Deacon
• Alias (telesaioa) (2001) McKenas Cole
• BaadAsssss Cinema (2002) (dokumentala)
• The Muppets' Wizard of Oz (2005)
• Vzyat Tarantino (2005)

Ekoizlea

• My Best Friend's Birthday (1985)
• Past Midnight (1991)
• Siu nin Wong Fei Hung ji (1993)
• Killing Zoe (1994)
• Four Rooms (1995)
• From Dusk Till Dawn ([[1996]])
• Curdled (1996)
• God Said, 'Ha!' (1998)
• My Name Is Modesty (2004)
• Daltry Calhoun (2005)
• Hostel (2005)
• Freedom's Fury (2006)
• Hostel 2 (2007)
• Grindhouse (2007)
• Hell Ride (2008)
• Machete 2010)

Sariak

Oskar

• 2009: Zuzendari onena-Inglourious Basterds, Izendapena
• 2009: Gidoi hoberena-Inglourious Basterds, Izendapena
• 1994: Zuzendari onena-Pulp Fiction, Izendapena
• 1994: Gidoi hoberena-Pulp Fiction, Irabazlea

BAFTA

• 2009: Zuzendari onena-Inglourious Basterds, Izendapena
• 2009: Gidoi hoberena-Inglourious Basterds, Izendapena
• 1994: Zuzendari onena-Pulp Fiction, Izendapena
• 1994: Gidoi hoberena-Pulp Fiction, Irabazlea

Cannes

• 1994: Urrezko Palma-Pulp Fiction, Irabazlea

Urrezko Globoak

• 2010: Zuzendari onena-Inglourious Basterds, Izendapena
• 2010: Gidoi hoberena-Inglourious Basterds, Izendapena
• 1995: Zuzendari onena-Pulp Fiction, Izendapena
• 1995: Gidoi hoberena-Pulp Fiction, Izendapena

Kanpo loturak

• Tarantinori buruzko informazioa
• Tarantinoren kontrako webgunea