Dana International

Dana International
	; Irudi gehiago
Bizitza
Jaiotzako izen-deiturak	ירון כהן
Jaiotza	Tel Aviv, 1969ko otsailaren 2a (56 urte) (56 urte)
Herrialdea	Israel
Hezkuntza
Heziketa	Ironi Alef High School (en)
Hizkuntzak	hebreera; ingelesa; arabiera; gaztelania; italiera; errusiera; frantsesa
Jarduerak
Jarduerak	egile abeslaria, estudioko musikaria eta abeslaria
	Parte-hartzailea 1998ko Eurovision Abesti Lehiaketa ; 2011ko Eurovision Abesti Lehiaketa ;
Jasotako sariak	ikusi First prize of the Eurovision Song Contest (1998) ; [[]] (2025) ;
Izengoitia(k)	דנה אינטרנשיונל
Genero artistikoa	pop musika
Ahots mota	kontraltoa
Musika instrumentua	ahotsa; kontrabaxua
Diskoetxea	Hed Arzi Music (en)
	danainternational.co.il

Sharon Cohen, ezaguna Dana International izen artistikoaz, (hebreeraz: שרון כהן‎; Tel Aviv, Israel, 1969ko otsailaren 2a) pop abeslari eta konpositore transexual israeldarra da. Gizonezko jaio zen Yemengo judu jatorriko familia batean, bere jaiotza izena Yaron Cohen zelarik.

1998an "Diva" abestiarekin Israel ordezkatuz Eurovision Abesti Lehiaketa irabazteagatik ospetsu bihurtu zen, jaialdira aurkezten zen lehen pertsona transgeneroa izan zen, bere herrialdean eta jaialdian bertan eragin handia sortuz. Beste bi aldiz itzuli zen txapelketa horretara: 2008an egile gisa eta 2011n interprete gisa.^[1]Gaur egun munduko artista transexualik ezagunenetako bat da. 1992an sartu zen musikaren munduan eta harrezkero zortzi disko eta hiru bilduma kaleratu ditu.

Bizitza

Sharon Cohen (Yaron Cohen) Tel Aviven jaio zen, eta eraso terrorista batean hil zen izebaren izen bera jarri zioten, Sharon. Txikitatik hartu zituen musika ikasgaiak. Nerabezaroan, Israelgo diskoteka garrantzitsuenetan jotzen zuen gau-zentroetan, Offer Nissim dj eta ekoizleak artistikoki aurkitu zuenean. Offer Nissin house musikaren , eta Amerikan, Asian eta Europan egiten diren circuit festen adierazle nagusia zen.

1993an, bere lehen singlea argitaratu zuen, "Saida Sultana" izenekoa, Whitney Houstonen "My name's not Susan" abestiaren cover bat. Abesti horrek Chimo Bayo Valentziako DJaren "Así me gusta a mi" sampler bat du, Israelen #1 zenbakia izan zena. Bere lehen diskoa ere argitaratu zuen, zeinaren lehen singleak "Danna International" izen artistikoa hartu zuen, eta arrakasta handia lortu zuen bai Jordanian bai Egipton.

Aldi berean, Dana Internationalek (haurtzaroko lagun batek inspiratutako izena, Daniel, istripu batean hila) sexua berresleitzeko ebakuntza egin zuen Londresen.

1995ean, bigarren diskoa atera zuen, "Umpatampa" izenekoa, eta 1996an Israelgo emakumezko artista onenaren saria irabazi zuen. 1995ean Eurovision jaialdirako Israelen aurre-hautaketan ere sartu zen. "Layla Tov Eropa" (Gabon, Europa) abestu zuen. Hirugarren diskoa, "Maganona" (zoroa), Egipton eta Jordanian zentsuratu zuten, herrialde horietako gazteria "galtzeko" beldur ziren eta. Hala ere, kopia pirata ugari saldu ziren. CD horretatik "Cinque Milla" arrakastatsua atera zen.

1998an, eta ikusmin handia zegoela ikusita, bere herrialdea ordezkatu zuen 1998ko Eurovision Kantu Jaialdian, Birminghamen (Erresuma Batua), "Diva" abestiarekin, Israelgo Estatuaren aldarrikapenaren 50. urteurrenarekin batera. Israelgo ultraortodoxiak "deabrutzat" jo zuen Dana, eta heriotza-mehatxuak jaso zituen. Polemika horren ondorioz, telebista hebrearrak ez zuen iruzkingilerik bidali jaialdira. Gaia, ordea, 172 punturekin gailendu zen jaialdiaren gauean (telefono bidezko botoa masiboki erabili zen lehen urtea) eta, berriro ere, Jean-Paul Gaultier-ek sortutako lumazko jaka bat janztea erabaki zuen; emanaldian zehar ez erabiltzea gomendatu zioten, plano batzuetan aurpegia estaltzen ziolako. Danaren garaipenak eragin handia izan zuen musikan (Espainian lehen postua lortu zuen eta Erresuma Batuan 11.a, eta Diva abestiaren 400.000 bakun) eta, batez ere, hedabideetan; MTVk elkarrizketatu eta Top of the Pops-en aritu zen lehen artista israeldarra izan zen. Bere garaipenaren gauean, ehunka gazte atera ziren Tel Aviveko kaleetara, Israelgo gizarteko sektore liberalenaren garaipena eta Ekialdeko komunitate homosexualaren eskubideen garaipena suposatu baitzuen.

Jaialdiaren ostean

Ondoren, Europa osorako disko bat argitaratu zuen Israelen egin zituen kantu ezagunenekin, "The album" izenekoa, eta beste bat "Free" izeneko kantu berriekin. Beste bi disko gehiago kaleratu zituen eta ondoren etorriko zen "The CDs collection".

2005ean, Diva Eurovisionen historiako hamahirugarren abestirik onena izendatu zuten, eta Congratulations ikuskizunean parte hartu zuen.

2000. urtetik aurrera,beste hainbat musikarirekin aritu zen, hala nola, DJ Vic, Amir, M & Gal, Mike Cruz eta musika elektronikoaren kutsua zuten abestiak editatu zituen. 2007ko abuztuan, "Hakol Ze Letova" merkaturatu zuen.

Jaialdira itzuli eta jarraipena

2008an Eurovision jaialdira itzuli zen "The fire in your eyes" kantuaren egile gisa, Boaz Maudak interpretatua. Finalerdia gainditu ondoren, bederatzigarren postuan geratu zen. 2011n, "Ding Dong" abestiaren egile eta interprete gisa itzuli zen, nazio aurrehautaketa irabazita. Ordukoan, ordea, ez zuen finalerdia gainditu Düsseldorfen. Jean-Paul Gaultierrez jantzi zen berriz.

2013an eta bi urteko atsedenaldiaren ostean, Danak bere single berriak ezagutzera eman zituen, "Ma la'asot" eta "Loca". Beste hainbatetan agertu da Eurofestivalari lotutako saioetan, hala nola 2015ean BBCk Londresen antolatutako 60. urteurrenean eta Tel Aviven 64. edizioaren irekieran.^[2]

Aktibismoa

Dana Internationalek Israelgo gay populazioaren eskubideen aldeko kanpaina egin du eta ohikoa da Harrotasunaren ospakizunetan Europako hainbat hiritan. 2016an Madrilgo^[3] Alcaláko Atean aritu zen.

Diskografia

1993 Danna International (Offer Nissim Presents), IMP Dance
1994 Umpatampa, IMP Dance
1995 E.P.Tampa (Offer Nissim Featuring), IMP Dance
1996 Maganuna (Crazy), Helicon/Big Foot
1998 Diva - The Hits, IMP Dance
1998 Dana International The Album, Helicon/Big Foot/PolyGram
1999 Free, (Europako edizioa), CNR Music
2000 Free, (Israelgo edizioa), NMC
2000 Free, (Japoniako edizioa), NXCA
2001 Yoter Ve Yoter (More and more), NMC
2002 HaHalom HaEfshari (The possible dream), IMP Dance
2003 The CDs collection, IMP Dance
2007 Hakol Ze Letova (It's all for the best), Hed Arzi Ltd.

Erreferentziak

↑ País, Ediciones El. (12 de junio de 1998). "Casi la mitad de la gente en Eurovisión eran fanáticos, afirma Dana International. ISSN 1134-6582..
↑ 20minutos. (2019-05-18). «💙 ¿Quién es Dana Internacional, invitada especial a Eurovisión 2019?» www.20minutos.es - Últimas Noticias.
↑ Dana International: "Mis padres hubieran preferido otra vida para mí". El Mundo 2016.

Kanpo estekak

(Ingelesez) Dana Internationalaren webgune ofiziala

Datuak: Q201204
Multimedia: Dana International / Q201204

[1] País, Ediciones El. (12 de junio de 1998). "Casi la mitad de la gente en Eurovisión eran fanáticos, afirma Dana International. ISSN 1134-6582..

[2] 20minutos. (2019-05-18). «💙 ¿Quién es Dana Internacional, invitada especial a Eurovisión 2019?» www.20minutos.es - Últimas Noticias.

[3] Dana International: "Mis padres hubieran preferido otra vida para mí". El Mundo 2016.

[1]

[2]

[3]