Eduardo Gil Bera

Eduardo Gil Bera
Bizitza
Jaiotza	Tutera, 1957ko abenduaren 11 (65 urte)
Herrialdea	Nafarroa Garaia, Euskal Herria
Hezkuntza
Hizkuntzak	euskara gaztelania
Jarduerak
Jarduerak	itzultzailea eta idazlea
Jasotako sariak	ikusi Euskadi saria - Gaztelaniazko literatura  (2004) : Historia de las malas ideas [[]]  (2002)

Eduardo Gil Bera (Tutera, Nafarroa, 1957ko abenduaren 11) euskal idazlea eta itzultzailea da. Euskarazko eta gaztelaniazko lanak eman ditu inprentara.

Ibilbide literarioa

Asko eta kritikarien ustez kalitate handiko lanak idatzi ditu, euskaraz zein gaztelaniaz, eta hori dela eta, euskal idazle sarituenetako bat da: Xalbador saria (1987, 1989), Irun Hiria saria (1988), Axular saria (1988), Azkue saria (1990), Orixe saria (1992), Miguel de Unamuno saria (1994) eta Alfonso X El Sabio saria (2002), besteak beste.^{[erreferentzia behar]}

Literaturaren alor gehienak landu ditu:

• saiakera (Atea bere erroetan bezala (1987), O tempora! O mores! (1988), Fisikaz honatago (1989), A este lado (1993), El carro de heno (1994), Sobre la marcha (1996), Paisaje con fisuras (1999), Los días de enmedio (2002),
• eleberria (Os quiero a todos, 1997; Todo pasa, 2000),

• eleberri historikoa (Torralba, 2002),

• poesia (Hortus Botanicus, 1988; Strasburgoko ordularia, 1990),
• haur eta gazte literatura (Murtxanteko Lapurrak, 1988; Patziku Parranda, 1989), besteak beste.
• Itzulpengintzan ere lan asko itzuli ditu; Jon Mirande, Giuseppe Ungaretti, Michel de Montaigne, Peter Sloterdijk, Robert Walser, Rainer Maria Rilke, Soma Morgenstern, Friedrich Hölderlin, Joachim Latacz eta Tom Lamperten lanak itzuli ditu, euskarara zein gaztelaniara.^{[erreferentzia behar]}

2001ean Pio Barojaren biografia bat eman zuen argitara, Baroja o el miedo, eztabaida ugari sortu dituena Barojaren inguruko mitoa gezurrean oinarritu dela eta Barojak berak sortutako mito gezurrezkoa, bere familiak Julio Caro Baroja ilobak, gehienbat, iraunarazi duela esaten baitu lan horretan.

2004an Gaztelaniazko Euskadi Literatura Saria jaso zuen, Historia de las malas ideas (2003) lanarengatik.

Lan nabarmenduak

Biografia

• (Gaztelaniaz) Baroja o el miedo (2001, Península).

Nobela

• (Gaztelaniaz) Os quiero a todos (1997, Pre-Textos).

Saiakera

• Atea bere erroetan bezala (1988, Pamiela).
• Hortus Botanicus (1989, GAK).
• O tempora! O mores! (1989, Pamiela).
• Fisikaz honatago (1990, Pamiela).
• (Gaztelaniaz) Historia de las malas ideas (2003, Destino).

Haur eta gazte literatura

• Murtxanteko lapurrak (1988, Pamiela): Asun Arriazu ilustratzailearekin elkarlanean.
• Patziku parranda (1989, Pamiela): Asun Arriazurekin elkarlanean.

Ikus, gainera

• Erriberar ezagunak

Kanpo estekak

• Elkarrizketa Argia aldizkarian 2004-12-05
• Eduardo Gil Bera literaturaren zubitegian.

• Datuak: Q12256489