Michel de Montaigne

Wikipedia(e)tik
Hona jo: nabigazioa, Bilatu
Michel de Montaigne
Michel de Montaigne
Michel de Montaigne
Datu pertsonalak
Izen osoa Michel Eyquem de Montaigne
Jaio 1533ko otsailaren 28a
Saint-Michel-de-Montaigne
(Pavillon royal de la France.png Frantziako erresuma)
Hil 1592ko irailaren 13a
Saint-Michel-de-Montaigne
(Pavillon royal de la France.png Frantziako erresuma)

Michel Eyquem de Montaigne (Saint-Michel-de-Montaigneko gaztelua, Périgord, 1533ko otsailaren 28a - 1592ko irailaren 13a) frantziar Errenazimentuko idazle, filosofo, moralista eta politikaria izan zen. Haren idazlanik garrantzitsuena Essais (Entseiuak) izan zen, Mendebaldeko kulturan eragin handia izan zuena.

Bizitza guztian aritu zen obra hori idazten, nahiz eta tarteka Italiara eta Alemaniara bidaiak egin zituen. Lehen bi liburukiak Bordelen argitaratu ziren, 1580an; 1588an hiru liburuki argitaratu ziren Parisen, eta bera hil ondoren (1595) argitaratu zen, ohar autobiografikoz betea, azken bertsioa.

Étienne de la Boétiek eragin handia izan zuen Montaigneren bizitzan. Montaignek idazle klasikoak zituen oinarri, eta haiei buruzko hausnarketaz gainera, haien bizitzako eta garaiko gertaerak aditzera eman zituen. Klasikoak (Seneka eta Plutarko, batez ere) irakurri ondoren, estoizismoa eta eszeptizismoa izan ziren Montaigneren lehen garaiko ezaugarriak. Azken garaian, epikureismoak hartu zuen nagusitasuna. Jakitunaren barne-askatasunean oinarritzen da Montaigneren pentsamendu guztia. Montaigneren azterketen gunea gizakia da; agnostizismo modernoaren aldera jo zuen, fedearen dogmak zalantzan jartzen ez bazituen ere.

Euskaratutako lanak[aldatu | aldatu iturburu kodea]

Pentsamenduaren Klasikoak bilduman liburu hauek argitaratu dira[1]:

  • Entseiuak I (1992) Itzultzailea: Eduardo Gil Bera
  • Entseiuak II (1993) Itzultzailea: Eduardo Gil Bera
  • Entseiuak III (1994) Itzultzailea: Eduardo Gil Bera

Erreferentziak[aldatu | aldatu iturburu kodea]

  1. Ehu.es: Klasikoak

Kanpo-loturak[aldatu | aldatu iturburu kodea]

Commons-logo.svg
Commonsen fitxategi gehiago dago honi buruz:
Michel de Montaigne