Eltzarrain

Eltzarrain
Mediano
Eltzarrain; Mediano
	Eltzarrain Lantzeko kanpoaldeko belardien artean
Datu orokorrak
Mota	ibai
Luzera	19,7 km
Geografia
Koordenatuak	43°01′58″N 1°33′21″W / 43.0327144°N 1.55578027°W
Kokapena	Euskal Herria
Herrialdea	Euskal Herria
Foru erkidego	Nafarroa Garaia
Hidrografia
Arroaren azalera	74 km²
Arro hidrografikoa	Ebroren arro hidrografikoa
Iturburua	Xuriain (Anue); (1.369 m)
Bokalea; (Ultzama; ezkerraldea)	Ostitz (Odieta); (478 m)

Eltzarrain^[1]^[a] edo Mediano^[b] Euskal Herriko ibai bat da, Nafarroa Garaia lurraldean kokatuta. 19,7 kilometro luzerarekin, Anuen Xuriain mendiko magalean jaiotzen da, 1369 metroko altueran, eta Ultzama ibaian isurtzatzen da, Odieta udalerriko Ostitz herriko inguruan, 478 metroko altueran.

Ibilbidean zehar, 74 kilometro koadroko arroko urak jasotzen ditu. Bere ibilbidean, Anue ibarra zeharkatzen du.

Izena[aldatu | aldatu iturburu kodea]

Euskaltzaindiaren arabera eta tradizionalki euskaldunen artean, ibaia Eltzarrain izenez ezagutu izan da. Nafarroako Gobernuak, ordea, Mediano mantentzen du modu ofizial gisa, euskaraz "ertaina" esan nahi baitu.

Tradizioz, Euskal Herriko ibaiek ez dute izen bakarra izaten, baizik eta eremuaren araberakoa izaten da, eta ez da izen finkorik egon ibai honentzat. Horrela, Iruñerrian sartzen ziren ibai ezberdinak bereizteko, Arga ibaia (Esteribarren Zubiri ibaia deitua) río Mayor edo río Caudaloso bezala ezagutzen zen erdaran, "ibai handia" esan nahi duena. Bestalde, Ultzama ibaiak río Mediano izena zuen, Arga ibaia baino txikiagoa baitzen, baina inguruko errekak baino handiagoa.

Geroago, Julio Altadillek ibaien izenak behin betiko finkatu zituenean, gaur egun dauden bezala, Mediano aukeratu zuen, logikoagoa zatekeen Belate aukeratu beharrean.

Eltzarrain izena Mediano izenaren euskararako egokitzapen bat da, eta ez du inguruko hizkuntza tradizionala errespetatzen, ertain eta arrain hitzetatik abiatuta.