Emilio García Gómez

Emilio García Gómez
ambassador of Spain to Turkey (en)
ambassador of Spain to Lebanon (en)
ambassador of Spain to Iraq (en)
Bizitza
Jaiotza	Madril, 1905eko ekainaren 4a
Herrialdea	Espainia
Heriotza	Madril, 1995eko maiatzaren 31 (89 urte)
Familia
Ezkontidea(k)	María Luisa Fuertes Grasa (en)
Hezkuntza
Heziketa	Madrilgo Complutense Unibertsitatea
Hezkuntza-maila	doktorea
Hizkuntzak	gaztelania
Irakaslea(k)	Miguel Asín Palacios
Ikaslea(k)	ikusi Manuela Manzanares; Joaquín Vallvé Bermejo;
Jarduerak
Jarduerak	hizkuntzalaria, diplomazialaria, unibertsitateko irakaslea, literatura-kritikaria, itzultzailea, Arabista eta literatura historialaria
Enplegatzailea(k)	Unibertsitate Zentrala ; Granadako Unibertsitatea
Jasotako sariak	ikusi Fastenrath saria (1931) ; honorary doctor of the University of Bordeaux (1950) ; doctor honoris causa from the University of Alger (1952) ; honorary doctorate of the University of Granada (1975eko ekainaren 4a) ; Menéndez Pelayo International Prize (1988) ; National History Award (1990) ; Komunikazioaren eta humanitateen Asturiasko Printzesa saria (1992) ; Elisabet Katolikoaren Ordenaren Gurutze Handia (1992) ; Alfontso X.a Jakitunaren Ordenako Gurutze Handia (1993) ; Mariano de Cavia' Price ; Andaluziako seme-alaba kutun ;
Kidetza	Real Academia Española; Historiaren Errege Akademia; Arab Academy of Damascus (en) ; Academy of the Kingdom of for Royaume (en)
Izengoitia(k)	Ángel Ramírez Calvente

Emilio García Gómez (Madril, Espainia, 1905eko ekainaren 4a - 1995eko maiatzaren 31) espainiar idazle, filologo, historialari eta arabista izan zen.

Biografia

Madrilgo Unibertsitatean egin zituen filosofia eta letretako ikasketak, arabierako espezializazioarekin. Honoris causa doktore egin zuten zenbait unibertsitate europar eta arabiarretan (Sevilla, Granada, Kairo, Aljer eta abar), eta 1932an Granadako Ikasketa Arabiarren Eskolako zuzendari izendatu zuten. Harrezkero, hainbat erakunderen zuzendari izan zen Europan eta arabiar herrialdeetan, eta hainbat sari jaso zituen (Asturiasko Printzea, Espainiako Historiako Sari Nazionala, Frantziako Ohorezko Legioa eta Libanoko, Siriako eta abarreko sari gorenak).

Diplomatiko gisa ere lan egin zuen; 1958tik 1960ra bitartean, Bagdadeko enbaxadore izan zen, eta ondoren, Beirutera (1960-2962) eta Ankarara (1962-1969) joan zen.

Emilio Garcíak literatura arabiarrari buruzko argitalpen, itzulpen eta ikerketa ugari egin zituen, eta azken urteetako arabista handienetakotzat hartu da. Olerkigintza hispaniar-arabiarreko lanen itzulpen bikainak egin zituen, adibidez, Poemas arabigoandaluces (1930, "Olerki arabiar-andaluzak"), Cinco poemas musulmanes (1944, "Bost olerki musulman") eta Ibn Hazmen El collar de la paloma (1953, "Usoaren lepokoa"). Karxei buruzko lan gogoangarriak ditu, Ángel Rodríguez Calvente ezizenez sinatuak horietako batzuk. Aipagarriak dira Las jarchas mozárabes y los judíos de al-Andalus (1957, "Karxa mozarabiarrak eta Al Andalusko juduak") eta Las jarchas romances de la serie árabe (1966, "Arabiar saileko karxa erromantzeak"), batez ere, eta azpimarratzekoak dira, orobat, Ibn Zamrak, el poeta de la Alhambra (1975, "Ibn Zamrak, Alhambrako olerkaria"), Sevilla en el siglo XII (1981, "Sevilla XII. mendean"), Poemas árabes en los muros y fuentes de la Alhambra (1986, "Alhambrako hormetako eta iturrietako olerki arabiarrak"), berrogeita hamar urteko ikerketa-lanen emaitza, eta Foco de antigua luz sobre la Alhambra (1988, "Antzinako argia Alhambran").

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q3040546