Eztabaida:Go!azen 3.0

Go!azen 3.0
Deskribapena
Atalak	10
Produkzioa
Iraupena	60 min. gutxi gorabehera
Katea	ETB1

Informazio guztia Go!azen artikuluan dago bateratuta --Telebista (eztabaida) 13:56, 12 azaroa 2017 (UTC)

Go!azen 3.0 ETB 1eko telesail musikala da, Pausoka ekoiztetxeak^[1] eta EiTBk ekoitzia. Fikzio honek udaleku zorrotz batean euskaldun gazteen talde baten ibilerak ditu ardatz. 2016ko azaroaren 18an hasi zen emititzen ETB 1en, eta lehen atalak 18.000 ikusle bildu zituen. Telesail arrakastatsu honen hirugarren denboraldia 2017ko urtarrilaren 27an amaitu zen, %4,1ko bataz-besteko ikusle kuotarekin.

2008an estreinatu zen Go!azen filmaren eta 2010ean 12 atalez osatutako telesailaren arrakastaren ondorioz, EiTBk 2016an telesaila berreskuratu zuten Go!azen 3.0 grabatzeko. Denboraldi berri honetako atalak 2016ko uztailaren 26an hasi ziren grabatzen. Azpeitiko Jesusen Bihotzaren Esklaben komentua izan zen grabazio gune nagusia, baina, horrez gain, Donostian ere filmatu zituzten atal berrietako irudiak.

Argumentua[aldatu iturburu kodea]

Zortzi urte geroago berriro zabaldu dute Basakabi udalekua, ikasle talde berri bat hartzeko: Haizea eta Elene bikiak, Eli eta Gari, besteak beste. Bizitza aldatuko zaie uda horretan bertan egongo diren neska eta mutilei. Udalekuaren buru Zuzen izango da, eta, Irati Ibarbia, bere garaian udalekuko ikasle izandako neska, unibertsitatea amaitu berri duen irakasle bezala dator orain Basakabira. Helduen artean Peter 'Peio' irakasle irlandarra eta Begoña Garate garbitzailea dira aurpegi berriak, eta Desi Iratiren lagun gisa itzuli da udalekura. Musika, dantza eta apaizek zuzendutako diziplina zorrotzeko udalekuan gertatzen diren istorioak kontatzen ditu oraingoan ere fikzioak. Umorea, maitasuna eta musika tartekatzen ditu telesailak.

Aktoreak eta pertsonaiak[aldatu iturburu kodea]

Ikasleak[aldatu iturburu kodea]

Paula Etxeberria - Haizea Jauregi
Aitana Etxeberria - Elene Jauregi
Aritz Mendiola - Garikoitz "Gari" Susaeta
Ainhoa Larrañaga - Dulce Elizondo "Eli"
Asier Burguete - Markel Aranburu
Oihan Moreno - Jontxu Juaristi
Miren Arrieta - Ane Miranda
Lorea Iribar - Nora Zubiri
Haritz Morras - Urko Uria

Langileak[aldatu iturburu kodea]

Markel Gajate - Mikel Galartza
Ramon Agirre - Joxe "Zuzen"
Barbara Rivas - Irati Ibarbia
Borja Uribesalgo - Peter "Peio" Macgowan
Karmele Larrinaga - Begoña "Bego" Garate

Basakabitik kanpo[aldatu iturburu kodea]

Inma Fernandez - Desireé "Desi" (7, 9 eta 10. ataletan Basakabin)
Joseba Apaolaza - Iñaki Galartza (pertsonaia errepikakorra)

Atalak eta audientziak[aldatu iturburu kodea]

Znb.	Atalaren izenburua	Emisio data	Audientzia (kuota)
1	Ongi etorri Basakabira	2016ko azaroaren 18a	18 000 ikusle (%2,5)
2	Berdinak, baina ez bera	2016ko azaroaren 25a	21 000 ikusle (%3,0)
3	Mundua amaitzera doa	2016ko abenduaren 2a	32 000 ikusle (%4,5)
4	Borroka	2016ko abenduaren 9a	11 000 ikusle (%1,6)
5	Agur ahizpatxo	2016ko abenduaren 16a	37 000 ikusle (%5,4)
6	Zorionak zuri	2016ko abenduaren 23a	24 000 ikusle (%3,5)
7	Eliren sekretua	2017ko urtarrilaren 6a	26 000 ikusle (%3,5)
8	Elene edo Mikel, aukeratu	2017ko urtarrilaren 13a	36 000 ikusle (%4,4)
9	Malkoak	2017ko urtarrilaren 20a	52 000 ikusle (%6,3)
10	Uda amaitzera doa	2017ko urtarrilaren 27a	46 000 ikusle (%6,3)

Erreportaje bereziak[aldatu iturburu kodea]

Znb.	Erreportajearen izenburua	Emisio data	Audientzia (kuota)
1	Basakabi barrutik	2017ko otsailaren 3a	48 000 ikusle (%7,0)
2	Go!azen, eta orain zer?	2017ko otsailaren 10a	24 000 ikusle (%3,3)
3	Bago!az Basakabira	2017ko otsailaren 17a	23 000 ikusle (%3,3)

Telesailaren lehen hastapenak[aldatu iturburu kodea]

Go!azen telesailak Euskararen Txantxangorria ekimenean parte hartu zuen 2016ko udan, kanpainako abestiarekin bideoklip bat eginez.^[2] Uztailaren 21ean, bideoklip hori Donostiako Kursaalean egindako ekitaldi batean aurkeztu zuten. Bertan izan ziren telesaileko aktoreetako batzuk, tartean, Paula eta Aitana Etxeberria (Twin Melody ahizpak), Barbara Rivas eta Ramon Agirre.

2016ko irailaren 9an, telesailaren lehen atala Gasteizko FesTVal jaialdian aurrestreinatu zen. Bertan saioko hainbat aktore egon ziren. Ekitaldi horretako sarrerak EiTBren webgunean izen eman zutenen artean zozketatu ziren.^[3] Urriaren 6an Bilbon emititu zuten lehen atala aktoreak bertan zirela; eta urriaren 11an, Donostian. Ondoren Euskal Herriko hainbat herritan aurrestreinatu zen kapitulua: Zarautz, Andoain, Sondika, Azkoitia, Ermua...^[4]