Miren Arrieta

Miren Arrieta
	; (2020) Irudi gehiago
Bizitza
Jaiotzako izen-deiturak	Miren Arrieta Altolagirre
Jaiotza	Donostia, 1998ko martxoaren 17a (26 urte)
Herrialdea	Gipuzkoa, Euskal Herria
Hezkuntza
Hizkuntzak	euskara; gaztelania
Jarduerak
Jarduerak	aktorea, abeslaria eta dantzaria
Lan nabarmenak	ikusi Go!azen; Soinujolearen semea;
Musika instrumentua	ahotsa

Miren Arrieta Altolagirre (Donostia, Gipuzkoa, 1998ko martxoaren 17a) euskal aktore, dantzari eta abeslaria da, batez ere Goǃazen telesailaren 3 denboralditan egindako lanagatik ezaguna, Ane Miranda pertsonaiaren paperean. Madrilen interpretazioa ikasi du.

Bizitza

Donostiako Alde Zaharrekoa da, Orixe ikastolan ikasitakoa, eta Nevadako Douglass High School-en ere ikasi zuen. 6 urte zituela euskal dantzetan hasi zen, eta gerora beste hainbat estilotan ere aritu da; hala nola ballet, jazz, funk, hip hop, garaikidea eta urbanoa. Dantzatzea oso gustuko du, eta gitarra jotzen ere badaki.^[1]^[2]

Bere lehen aktore lana ETB 1-eko Goǃazen telesailean eskuratu zuen, casting-era aurkeztu ondoren. Ane Miranda pertsonaiaren papera egin du hiru denboralditan zehar. 2019ko otsailaren 15ean esan zion agur telesailari, bere Instagram kontuan argitaratutako mezu baten bidez, telesaileko beste protagonista askorekin batera.^[3]

Euskal Telebistako beste zenbait saiotan ere parte hartu du, besteak beste Bagoǃaz, DantzanGoǃ eta gabon zahar gaueko gala berezietan. 2017an Tarde para el recreo film laburrean parte hartu zuen, eta zinean lehen papera 2018ko Soinujolearen semea filmean izan zuen.

Unibertsitate-ikasketak hasi zituenetik Madrilen bizi da ikasturtean zehar, interpretazioa ikasi du bertako Central de Cine-n eta Estudio Corazza para el Actor-en, eta egun Juan Carlos Erregea Unibertsitatean Marketing-a ikasten zein Work In Progress interpretazio-eskolan formatzen dabil.^[4]

Euskaraldian Donostiako hamaikakoa osatu zuen, ahobizi gisa. Honen harira euskara bere ama hizkuntza izateaz gain bere identitatearen zati garrantzitsu bat ere badela adierazi zuen, eta euskarazko ekoizpenak bultzatzeko beharra azpimarratu zuen, txikiek hizkuntzarekin duten lotura mantentzeko.^[5]

2019an bere lehen papera gauzatu zuen antzerkian, Utzi zure mezua seinalearen ondoren izeneko antzezlanean. Tanttaka Teatroaren eskutik, antzezlana Arantza Portablesen eleberrian oinarrituriko obra Fernando Bernuesek zuzendua da, eta Miren Arrietarekin batera Mireia Gabilondo, Oihana Maritorena eta Leire Ruiz dira protagonistak.^[6]

Pausoka eta ETBren Ihesaldia telesail laburreko protagonistetako bat izan zen, Mertxeren paperean.^[7] Netflix plataformaren Las chicas del cable telesailaren bosgarren denboraldian parte hartu du.^[8]

2020ko apirilean, koronabirusaren pandemiaren harira, Etxekoak telesailean lanean hasi zen. Horretaz gain Goǃazen telesailera itzuli zen Goǃazen etxean izeneko atal berezietan. 2020ko udan Etxekoak telesailaren bigarren denboraldian (Etxekoak Udan) parte hartu zuen. Bere azken lana Altsasu telesaila izan da.

Filmografia

Filmak

Urtea	Izenburua	Papera	Oharrak
2017	Tarde para el recreo		Film laburra
2019	Soinujolearen semea	Teresa Gabirondo	Sekundarioa
2020	Ahizpa	Maren	Film laburra

Telebista

Urtea	Izenburua	Papera	Katea	Oharrak
2016-2020	Goǃazen	Ane Miranda	ETB 1	Pertsonaia nagusia (2016-2019, 36 atal) Goǃazen 3.0 (2016-2017, 10 atal) Goǃazen 4.0 (2017-2018, 13 atal) Goǃazen 5.0 (2018-2019, 13 atal) Gonbidatua (2020, 5 atal) Goǃazen etxean (2020, 5 atal)
2017-2019	Bagoǃaz	Coach gonbidatua	ETB 1	6 atal
2017	Burubero fest	Gonbidatu berezia	ETB 1	Atal 1 (2017/06/21)
2017 2019-2020	Gure kasa	Ane Miranda / Gonbidatua Gonbidatua	ETB 1	3 atal
2018	Goǃazen 2018	Bere burua	ETB 1	Gabon zahar gaueko saio berezia
2018	DantzanGoǃ	Coach	ETB 1	8 atal
2019	Goǃazen 2019	Bere burua	ETB 1	Gabon zahar gaueko saio berezia
2019-2020	Egunak egin du	Kolaboratzailea	ETB 1	2 atal
2019	Ihesaldia	Mertxe Rojas	ETB 1	Telesail laburra (5 atal)
2020	Las chicas del cable	Martina	Netflix	3 atal
2020	Etxekoak eta Etxekoak Udan	Izaro	ETB 1	8 atal
2020	Udak dakarrena	Bere burua	ETB 1	Gonbidatua (atal 1)
2020	Altsasu	Itxaso	ETB 1	4 atal
2023	El silencio	Netflix	Netflix	atal 1

Antzerkia

«Ameriketara bidaian (Un viaje a America)». Tanttaka teatroa. Zuzendaria: Mireia Gabilondo.

«Utzi zure mezua seinalearen ondoren (Deje su mensaje después de la señal)». Tanttaka Teatroa. Zuzendariaː Fernando Bernués.

Bideo musikalak

Etsien baltsa (2018) - Iker Lauroba.
No es No (2020) - Anne Etxegoien eta Itziar Ituño.

Erreferentziak

↑ (Gaztelaniaz) «Miren Arrieta - Actriz - Cine - Televisión - Teatro - Gosua» Gosua Management (Noiz kontsultatua: 2019-01-13).
↑ (Ingelesez) «Miren Arrieta Altolagirre» www.facebook.com (Noiz kontsultatua: 2019-01-13).
↑ Arrieta, Miren. (2019-02-15). «"Atzo Hendaiara jun ginen azken kapituloa ikustera. Ta negar pixkat egin genun .. negar egin genun oso eskertuta gaudelako. Eskerrik asko gugan konfiatu dezuten guztioi, eskerrik asko 3 urte hauetan ostiralen zain egon zeratenoi. Eta gaur 9tan, ez galdu azken kapituloa, hau dena zuengatik eta zuentzako egiten baitugu❤️ ESKERRIK ASKO😊"» Instagram (Noiz kontsultatua: 2019-02-16).
↑ (Gaztelaniaz) «Miren Arrieta en la serie "Go!azen 3.0" de ETB» Work in Progress - Escuela de arte dramático en Madrid 2017-11-03 (Noiz kontsultatua: 2019-01-13).
↑ Agirre, Iñaki. (2018). «"Inoiz baino gehiago bultzatu behar dira euskarazko ekoizpenak"» Irutxuloko Hitza (Noiz kontsultatua: 2019-01-13).
↑ (Gaztelaniaz) Kultura, Donostia. «Utzi zure mezua seinalearen ondoren, Tanttaka Teatroa» www.donostiakultura.eus (Noiz kontsultatua: 2019-11-28).
↑ «ETB 'Ihesaldia' telesaila prestatzen ari da» Euskal Irrati Telebista 2019-11-06 (Noiz kontsultatua: 2019-11-28).
↑ (Gaztelaniaz) Herrera, Por Nuria. (2020-01-31). «La Guerra Civil sacude a 'Las chicas del cable' en el tráiler de la quinta temporada» Diez Minutos (Noiz kontsultatua: 2020-02-04).

Kanpo estekak

«Donostiaren bihotza da Urgull mendia». Berria, 2020.

Datuak: Q60605617
Multimedia: Miren Arrieta / Q60605617

[1] (Gaztelaniaz) «Miren Arrieta - Actriz - Cine - Televisión - Teatro - Gosua» Gosua Management (Noiz kontsultatua: 2019-01-13).

[2] (Ingelesez) «Miren Arrieta Altolagirre» www.facebook.com (Noiz kontsultatua: 2019-01-13).

[3] Arrieta, Miren. (2019-02-15). «"Atzo Hendaiara jun ginen azken kapituloa ikustera. Ta negar pixkat egin genun .. negar egin genun oso eskertuta gaudelako. Eskerrik asko gugan konfiatu dezuten guztioi, eskerrik asko 3 urte hauetan ostiralen zain egon zeratenoi. Eta gaur 9tan, ez galdu azken kapituloa, hau dena zuengatik eta zuentzako egiten baitugu❤️ ESKERRIK ASKO😊"» Instagram (Noiz kontsultatua: 2019-02-16).

[4] (Gaztelaniaz) «Miren Arrieta en la serie "Go!azen 3.0" de ETB» Work in Progress - Escuela de arte dramático en Madrid 2017-11-03 (Noiz kontsultatua: 2019-01-13).

[5] Agirre, Iñaki. (2018). «"Inoiz baino gehiago bultzatu behar dira euskarazko ekoizpenak"» Irutxuloko Hitza (Noiz kontsultatua: 2019-01-13).

[6] (Gaztelaniaz) Kultura, Donostia. «Utzi zure mezua seinalearen ondoren, Tanttaka Teatroa» www.donostiakultura.eus (Noiz kontsultatua: 2019-11-28).

[7] «ETB 'Ihesaldia' telesaila prestatzen ari da» Euskal Irrati Telebista 2019-11-06 (Noiz kontsultatua: 2019-11-28).

[8] (Gaztelaniaz) Herrera, Por Nuria. (2020-01-31). «La Guerra Civil sacude a 'Las chicas del cable' en el tráiler de la quinta temporada» Diez Minutos (Noiz kontsultatua: 2020-02-04).

[1]

[2]

[3]

[4]

[5]

[6]

[7]

[8]