Miren Arrieta

Wikipedia, Entziklopedia askea
Jump to navigation Jump to search
Miren Arrieta
Bizitza
Izen osoa Miren Arrieta Altolagirre
Jaiotza Donostia1998ko martxoaren  17a (20 urte)
Herrialdea  Gipuzkoa, Euskal Herria
Hezkuntza
Hizkuntzak euskara
gaztelania
ingelesa
frantsesa
Jarduerak
Jarduerak aktorea, abeslaria eta dantzaria
Musika instrumentua ahotsa

Miren Arrieta Altolagirre (Donostia, Gipuzkoa, 1998ko martxoaren 17a) euskal aktore, dantzari eta abeslaria da, batez ere Goǃazen telesailaren 3 denboralditan egindako lanagatik ezaguna, Ane Miranda pertsonaiaren paperean. Gaur egun Madrilen interpretazioa ikasten du.

Bizitza[aldatu | aldatu iturburu kodea]

Donostiako Alde Zaharrekoa da, Orixe ikastolan ikasitakoa, eta Nevadako Douglass High School-en ere ikasi zuen. 6 urte zituela euskal dantzetan hasi zen, eta gerora beste hainbat estilotan ere aritu da; hala nola ballet, jazz, funk, hip hop, garaikidea eta urbanoa. Dantzatzea oso gustuko du, eta gitarra jotzen ere badaki.[1][2]

Bere lehen aktore lana ETB 1-eko Goǃazen telesailean eskuratu zuen, casting-era aurkeztu ondoren. Ane Miranda pertsonaiaren papera egin du hiru denboralditan zehar. Euskal Telebistako beste zenbait saiotan ere parte hartu du, besteak beste Bagoǃaz, DantzanGoǃ eta gabon zahar gaueko gala berezietan. 2017an Tarde para el recreo film laburrean parte hartu zuen, eta zinean lehen papera 2018ko Soinujolearen semea filmean izan zuen.

Unibertsitate-ikasketak hasi zituenetik Madrilen bizi da ikasturtean zehar, interpretazioa ikasi du bertako Central de Cine-n eta Estudio Corazza para el Actor-en, eta egun Juan Carlos Erregea Unibertsitatean Marketing-a ikasten zein Work In Progress interpretazio-eskolan formatzen dabil.[3]

Euskaraldian Donostiako hamaikakoa osatu zuen, ahobizi gisa. Honen harira euskara bere ama hizkuntza izateaz gain bere identitatearen zati garrantzitsu bat ere badela adierazi zuen, eta euskarazko ekoizpenak bultzatzeko beharra azpimarratu zuen, txikiek hizkuntzarekin duten lotura mantentzeko.[4]

Filmografia[aldatu | aldatu iturburu kodea]

Aktore lanak[aldatu | aldatu iturburu kodea]

Bestelakoak[aldatu | aldatu iturburu kodea]

  • Bagoǃaz (2017-2018). Coach gonbidatua (3 atal)
    • Bagoǃaz 1.0 (2017). Coach gonbidatua (7. atala)
    • Bagoǃaz 2.0 (2018). Coach gonbidatua (5. eta 11. atalak)
  • Burubero Fest (2017). Gonbidatu berezia (2017/06/21eko atala)
  • Goǃazen 2018 gabon zahar gaueko saio berezia (2017)
  • DantzanGoǃ (2018). Coach (8 atal)
  • Goǃazen 2019 gabon zahar gaueko saio berezia (2018)

Erreferentziak[aldatu | aldatu iturburu kodea]

  1. (Gaztelaniaz)  «Miren Arrieta - Actriz - Cine - Televisión - Teatro - Gosua» Gosua Management . Noiz kontsultatua: 2019-01-13 .
  2. (Ingelesez)  «Miren Arrieta Altolagirre» www.facebook.com . Noiz kontsultatua: 2019-01-13 .
  3. (Gaztelaniaz)  «Miren Arrieta en la serie "Go!azen 3.0" de ETB» Work in Progress - Escuela de arte dramático en Madrid 2017-11-03 . Noiz kontsultatua: 2019-01-13 .
  4.   Agirre, Iñaki (2018) «"Inoiz baino gehiago bultzatu behar dira euskarazko ekoizpenak"» Irutxuloko Hitza . Noiz kontsultatua: 2019-01-13 .