Gérard de Nerval

Wikipedia, Entziklopedia askea
Hona jauzi: nabigazioa, Bilatu
Gérard de Nerval
Félix Nadar 1820-1910 portraits Gérard de Nerval.jpg
Bizitza
Izen osoa Gérard Labrunie
Jaiotza Paris1808ko maiatzaren 22a
Herrialdea  Frantzia
Lehen hizkuntza frantsesa
Heriotza Paris1855eko urtarrilaren 26a (46 urte)
Hobiratze lekua Père Lachaise hilerria
Heriotza modua suizidioa (bere burua urkatuta)
Hezkuntza
Heziketa Lycée Charlemagne
(1822 -
Hizkuntzak frantsesa
alemana
Lanbidea
Lanbidea idazlea, poeta, antzerkigilea, itzultzailea, literatura-kritikaria eta kazetaria
Kidetza Jeune-France
Mugimendua Q1348344

Gérard de Nerval —jaiotza-izena: Gérard Labrunie— (Paris, Frantzia, 1808ko maiatzaren 22a - 1855eko urtarrilaren 26) frantsesezko idazlea izan zen. Poesia, hitz laua, antzerkia eta itzulpenak egin zituen.

1828an, Goetheren Faust itzuli zuen frantsesera, Goethek berak goraipatu eta Berliozek Damnation de Faust sortzeko erabili zuena. Alemanian bizi izan zen, hango erromantikoen eragina izan zuen, eta Hoffmannen ipuinetan oinarritutako ipuin-liburu bat argitaratu zuen (1832, La Main de gloire, Aintzazko eskua).

1834an, Jenny Colon antzezleaz maitemindu zen; harreman horrek eragin handia izan zuen bai bere idazlanetan, bere liburu askotan idealizatutako pertsonaia izan baitzen, bai bere bizitzan, areagotu egin baitzuen Nervalek errealitatea eta ametsa nahasteko zuen joera, gerora eromenera, eta azkenean, bere burua hiltzera eraman zuena. 1841ean eroetxe batean sartu behar izan zuen. Geroago, bidaldi luze bat egin zuen Egipto, Siria eta Turkian zehar, eta oroitzapen horiek eta fantasia bitxiak nahastuz Voyage en orient liburua argitaratu zuen 1851n (Bidaldia sortaldean zehar). 1849an eta 1854an eroetxean egon zen berriro, eta 1855ean, Parisko kale batean urkaturik aurkitu zuten. Bere bizitzako azken aldian argitaratu zizkioten liburu gehienak: Les illuminés ou les précurseurs du socialisme (1853, Argituak edo sozialismoaren aitzindariak), Les filles du feu (1854, Suaren alabak), Les Chimères (1854, Kimerak), Aurélia ou le rêve de la vie (1854, Aurelia edo bizitzaren ametsa).

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Gérard de Nerval Aldatu lotura Wikidatan