Gerry Rafferty

Gerry Rafferty
	; Irudi gehiago
Bizitza
Jaiotzako izen-deiturak	Gerald Rafferty
Jaiotza	Paisley, 1947ko apirilaren 16a
Herrialdea	Erresuma Batua
Heriotza	Stroud, 2011ko urtarrilaren 4a (63 urte)
Heriotza modua	: gibeleko gutxiegitasuna
Hezkuntza
Heziketa	St Mirin's Academy (en)
Hizkuntzak	ingelesa
Jarduerak
Jarduerak	egile abeslaria, abeslaria, kantugilea, gitarra-jotzailea, piano-jotzailea, saxofoi-jotzailea eta estudioko musikaria
Genero artistikoa	rock
Musika instrumentua	gitarra; ahotsa
Diskoetxea	Transatlantic Records
	gerryrafferty.com

Gerald "Gerry" Rafferty (1947ko apirilaren 16a, Paisley, Eskozia – 2011ko urtarrilaren 4a^[1], Bournemouth, Ingalaterra) eskoziar abeslari eta abesti konposatzaile bat izan zen.

Haurtzaroa

Langile mailako familia batean hazi zen. Bere aita, Joseph Rafferty, jatorri irlandarra eta alkoholarekin arazoak zituen mehatzari eta kamioi gidaria izan zen, 1963an Geraldek 16 urte zituela hil zelarik. Ama aldiz, Mary Skeffington, eskoziarra zen, Gerald gaztetxoari eskoziar eta irlandar folk abestiak irakatsi zizkiolarik. The Beatles eta Bob Dylanen eragin handia jasan zuen.

Ibilbidea

Bere ibilbide kale musikari gisara hasi zuen. Bere lehenbiziko taldea The Humblebums izenekoa izan zen, gerora bakarka disko bat ere argitaratu zuelarik. 1972an Joe Egan-ekin batera Stealers Wheel talde berria sortu zuen. 1975an taldea banandu eta Raffertyk bakarkako diskoak argitaratzeari ekin zion.

Bere bakarkako abestirik ezagunena 1978ko City to city diskoan argitaratutako Baker Street abestia da. Aldiz, ziurrenik bere ibilbide osoko abestirik ezagun eta entzunena Stealers Wheel taldean zegoenean konposatu zuen Stuck In The Middle With You abestia izango da. Azken hau Quentin Tarantino zinema zuzendari ezagunaren Reservoir Dogs filmako soinu bandaren abestietako bat izan zelarik.