Hamar Aginduak

Wikipedia(e)tik
Hona jo: nabigazioa, Bilatu
Jekuthiel Soferren Hamar Manamenduak, 1768

Hamar Aginduak edo dekalogoa kristautasunaren eta judaismoaren lege erlijioso eta moralen sail bat dira. Bibliaren arabera, Jainkoak Moisesi ezagutarazi zizkion Hamar Aginduak Sinai Mendian, Israelgo herriak Egiptotik ihes egin ondoren. Bibliako Irteera liburuko 20:2-17an eta Deuteronomio liburuko 5:6-21an azaltzen dira.

Hamar Aginduen zerrendaren bertsioak[aldatu | aldatu iturburu kodea]

Azalpenezko zerrenda laburtua:

  1. Jainkoa maitatuko duzu gainerako guztiaren gainetik
  2. Ez duzu Jainkoaren izena alferrik erabiliko
  3. Jaiegunak santuetsiko dituzu
  4. Aita eta ama ohoratuko dituzu
  5. Ez duzu erailko
  6. Ez duzu ekintza lizunik egingo
  7. Ez duzu lapurtuko
  8. Ez duzu testigantza faltsurik egingo, ez eta gezurrik esango ere
  9. Ez duzu pentsamendu edo ekintza lizunik onartuko
  10. Ez dituzu besteren ondasunak desiratuko

Elizen Arteko Bibliakoa[aldatu | aldatu iturburu kodea]

«
  1. Neu nauzu Jauna, zeure Jainkoa, Egiptotik, esklabotzatik, atera zintuena. Ez izan ni beste jainkorik. Ez egin idolorik, ez irudirik, goian zeruan, behean lurrean nahiz lurpeko uretan dagoenetik. Ez ahuspeztu haien aurrean, ezta gurtzarik eman ere, ni, Jauna, zure Jainkoa, Jainko jeloskorra bainaiz: gorroto didaten gurasoen gaiztakeria ondorengoengan zigortzen dut hirugarren eta laugarren belaunaldiraino ere; baina mila belaunaldiz agertzen diet onginahia maite nautenei eta nire aginduak betetzen dituztenei.
  2. Ez erabili alferrik Jaunaren, zeure Jainkoaren, izena, ez baitut hori egingo duenik zigorrik gabe utziko.
  3. Gogoan izan larunbata, Jaunari sagaratzeko. Sei egunez egingo duzu lan eta zeure eginbehar guztiak burutuko; baina zazpigarrena atseden-eguna duzu, Jaunari, zeure Jainkoari, sagaratua. Ez egin inolako lanik egun horretan, ez zuk, ez zure seme-alabek, ez zure morroi-mirabeek, ez zure abereek, ezta zure herrian bizi den etorkinak ere. Zeren sei egunetan egin baitzituen Jaunak zeru-lurrak, itsasoa eta berorietan bizi den guztia, eta zazpigarren egunean atseden hartu baitzuen. Horregatik, larunbata bedeinkatu egin zuen Jaunak eta egun sakratutzat ezarri.
  4. Ohoratu aita-amak, luzaro bizi zaitezen, Jaunak, zeure Jainkoak, ematen dizun lurraldean.
  5. Ez hil inor.
  6. Ez egin adulteriorik.
  7. Ez ostu.
  8. Ez egin gezurrezko testigantzarik lagun hurkoaren aurka.
  9. Ez gutiziatu lagun hurkoarenik ezer: ez haren emazterik, ez morroi-miraberik, ez idirik, ez astorik, eta ez beste ezertxo ere.
 »
Elizen Arteko Biblia, Irteera 20, 1-17

Duvoisinen Bibliakoa[aldatu | aldatu iturburu kodea]

«
  1. Ni naiz hire Jainko Jauna, Egiptoko lurretik, gathibutasuneko etxetik ilkhi hautana. Ez duk izanen Jainko atzerik ene aitzinean. Ez duk eginen eskuzko Jainkorik, ezetare zerbitzatuko:ni naiz hire Jainko Jaun hazkarra, bekhaizkorra, aite gaiztaginkeria bilatzen dudana semeetan, ni gaitzirizkotan nadukatenen hirugarren eta laguarren belhauneko haurretan; Eta miletan ondokoen-ondoko miserikordia egiten dudana ni maithazen nautenei eta ene manamenduak begiratzen dituztenei.
  2. Ez duk alferki erabiliki hire Jainko Jaunaren izena: Jaunak ezen ez du hobengabe idukiko haren izena gauza hutsetan erabiliko duena.
  3. Orhoit hadi larumbata sainduesteaz. Sei egunez hariko haiz lanean, eta eginen dituk hire lan guziak. Bainan, zazpigarren egunean duk hire Jainko Jaunaren larumbata: ez duk egun hartan lanik eginen batere, ez hik, ez hire semeak, ez hire alabak, ez hire muthilak ez hire neskatoak, ez hire abereak, ez hire etxean den arrotzak.
  4. Ohoratzak hire ait-amak, luzeki bizi hadientzat, Jainko Jaunak emanen darokan lurraren gainean
  5. Ez duk hilen
  6. Ez haiz lohikerian khutsatuko
  7. Ez duk ohorgorik eginen
  8. Ez duk hire lagunaren kontra lekhukotasun gezurrezkorik eginen
  9. Ez diok hire lagunaren etxeari irritsik ekharriko; ez duk gutiziatuko haren emaztea, ez muthila, ez neskatoa, ez idia, ez astoa, ez eta deusere harena denik.
 »
Duvoisin kapitaina: Bible Saindua, Eksodoa 20:2-17
Commonsen badira fitxategi gehiago, gai hau dutenak: Hamar Aginduak Aldatu lotura Wikidatan