Inis Meáin

Wikipedia, Entziklopedia askea
Hona jauzi: nabigazioa, Bilatu
Inis Meáin uhartea
Inishmaan uhartea

Inishmaan Gardens.jpg


Goikaldean Inis Meáin uharteko landaren irudia. Behekaldean berriz, Aran uharteetako kokapen mapa.
Bertako izena Inis Meáin / Inishmaan
Geografia
Kokapena Aran uharteak, Galwayko badia
Flag of Connacht.svg Connacht
Flag of the counties of Galway and Westmeath.svg Galwayko konderria
Irlanda
Uhartedia Aran uharteak
Uharteak denera Hiru. Inis Mór/Inishmore, Inis Meáin/Inishmaan eta Inis Oírr/Inisheer.
Azalera 9
Politika
Herrialdea Flag of Ireland.svg Irlandako Errepublika
Gizartea
Biztanleria 160 pertsona inguru
Dentsitatea 2002
Talde etnikoak Irlandarrak.


Inis Meáin edo Inis Meadhóin irlanderaz eta ofizialki (euskaraz "Uharte Ertaina" esan nahi du), Inishmaan ingeleraz, Irlandako Errepublikako mendebaldeko kostaldean dauden hiru Aran uharteetako erdiko uhartea da, Aran uharteak Galwayko badian kokatzen dira. Connacht probintziako Galwayko konderrian daude. Uharte hau Aran uharte denetatik populazio txikiena duena da, 160 biztanle baiditu. Turismo aldetik ere, bere aldamenean dauden Inis Mór/Inishmore eta Inis Oírr/Inisheer uharteek baino askoz ere giro lasaiagoa du. Honetaz gain, irlandar hizkuntza eta kultura tradizionalaren gotorleku garrantzitsua ere bada. Beharbada bere kokapen geografikoari esker (beste bi uharteen erdian baidago, hiru uharteen artean antzinako giroa eta nortasuna hobekien gorde duen uhartea izan da). Uharte hau nagusiki irlandera hiztuna da eta gainontzeko Aran uharteak bezala Gaeltacht eremuaren barnean dago.

Leku interesgarriak[aldatu | aldatu iturburu kodea]

Dún Conchuir (Conorren gotorlekua), Inis Meáin/Inishmaan uhartea.

Leku arkeologikoak[aldatu | aldatu iturburu kodea]

Uharte honetan bi harrizko gotorleku nabarmen daude. Dún Chonchúir (Conorren Gotorlekua) harri obalatuez eraikitako gotorlekua da, Aro Aurre-Kristauan datatua dagoelarik, bertatik uharteko beste antzinako leku nahiz itsasoaren ikuspegi bikainak daude. Beste gotorlekua Dún Fearbhaí da, K.o. IV. mendekoa da eta bere berezitasuna ia erabat laukizuzena delan datza, aldiz uharteko gainontzeko gotorlekuak borobilak direlarik.

Clochán na Carraige ("Carraigeko Harria") erletegi itxurako harrizko etxola bat da, bere egitura berezia da, kanpokaldetik laukizuzena eta barnealdetik errektangeluarra baita.

Syngeren baserria eta eserlekua[aldatu | aldatu iturburu kodea]

Syngeren Baserria (Teach Synge edo Synge's Cottage) delakoa, Inis Meáin/Inishmaan uhartea.

Teach Synge ("Syngeren Baserria") edo Synge's Cottage bezala ezagutzen dena John Millington Synge irlandar idazle eta antzerkigile ospetsua 1898tik 1902ra udaro bizi izan zen bizileku edo baserria da, baserriko jabeak ziren Bríd eta Páidín Mac Donnchadha bizilagunek bertan ostatu eman ziotelarik. Idazleak zioenez The Playboy of the Western World ("Mendebaldeko Munduko Playboya"), Riders to the Sea ("Itsasoaren bidaiariak") eta beste hainbat idazlan burutzeko ideiak baserri honetan bertan otu zitzaizkion[1], Inis Meáin uhartean zegoen bitartean uhartetarrei irlanderaz entzun zizkien kontakizunen ondorioz. Idazle hau bizi izan zen baserria Teach Synge da, 1970. urterarte Mac Donnchadha familiaren ondorengoak bizi izan ziren han, urte hartan baserria erortzen hasi zen arte. Gerora baserria jatorriz zuen itxuraz eraberritu zuten eta 1999ko abuztuan jende aurrean iriki zen.

Cathaoir Synge ("Syngeren Eserlekua") idazleak uharte osoan zuen lekurik gogoko edo kutunena zen, bertatik Inis Mór uhartea nahiz Ozeano Atlantiko zabala ederki asko ikus daitezkelarik.

Heziketa[aldatu | aldatu iturburu kodea]

Uharte honek lehen mailako heziketadun ikastetxe bat du, bere izena Scoil Náisiúnta Inis Meáin da[2][3][4].

Iruditegia[aldatu | aldatu iturburu kodea]

Erreferentziak[aldatu | aldatu iturburu kodea]

Ikus gainera[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Inis Meáin Aldatu lotura Wikidatan

Koordenatuak: 53° 05′ 07″ N, 9° 35′ 09″ W / 53.08528°N,9.58583°W / 53.08528; -9.58583{{#coordinates:}}: cannot have more than one primary tag per page